Об утверждении Правил установления стоимости исследований, консалтинговых услуг
Деректемелер және дереккөз
- Толық атауы
- Об утверждении Правил установления стоимости исследований, консалтинговых услуг
- Атауы (қаз.)
- Зерттеулердің, консалтингтік қызметтердің құнын белгілеу қағидаларын бекіту туралы
- Акт түрі
- Бұйрық
- Заңдық күші
- Қолданыста
- Тізілімдегі мәртебе коды
- new
- Нөмірі
- 169
- Қабылданған күні
- 05.06.2025
- Көрсетілген редакция
- 05.06.2025 211209_761678.kaz
- Соңғы өзгеріс
- 05.06.2025
- Мәтін тілі
- қазақша
- НҚА мемлекеттік тіркеу нөмірі
- V2500036255
- ЭКБ идентификаторы
- 211209
- Редакция идентификаторы
- 211209_761678
- Бастапқы дереккөз
- ЭКБ zan.gov.kz (API)
- Деректер жаңартылды
- 31.07.2026 04:02
0 Зерттеулердің, консалтингтік қызметтердің құнын белгілеу
қағидаларын бекіту туралы
Қазақстан Республикасы Бюджет кодексінің 14-бабының 2-тармағына сәйкес БҰЙЫРАМЫН:
1 1. Зерттеулердің, консалтингтік қызметтердің құнын белгілеу қағидалары бекітілсін.
2 2. Қазақстан Республикасы Еңбек және халықты әлеуметтік қорғау министрлігінің Экономика және бюджеттік жоспарлау департаменті заңнамада белгіленген тәртіппен:
1 1) осы бұйрықты Қазақстан Республикасы Әділет министрлігінде мемлекеттік тіркеуді;
2 2) осы бұйрық ресми жарияланғаннан кейін оны Қазақстан Республикасы Еңбек және халықты әлеуметтік қорғау министрлігінің интернет-ресурсында орналастыруды;
3
3) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Еңбек және халықты әлеуметтік қорғау министрлігінің Заң қызметі департаментіне ұсынуды қамтамасыз етсін.
3 3. Осы бұйрықтың орындалуын бақылау Қазақстан Республикасы Еңбек және халықты әлеуметтік қорғау министрлігінің аппарат басшысына жүктелсін.
4 4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
«КЕЛІСІЛДІ»
Қазақстан Республикасы
Қаржы министрлігі
0 Зерттеулердің, консалтингтік қызметтердің құнын белгілеу қағидалары
Қазақстан Республикасы
Еңбек және халықты әлеуметтік
қорғау министрі
2025 жылғы 5 маусымдағы
№ 169 бұйрығымен
бекітілген
Зерттеулердің, консалтингтік қызметтердің құнын белгілеу қағидалары
1 1-тарау. Жалпы ережелер
1 1. Осы Зерттеулердің, консалтингтік қызметтердің құнын белгілеу қағидалары (бұдан әрі – Қағидалар) Қазақстан Республикасы Бюджет кодексінің 14-бабының 2-тармағына сәйкес әзірленді және зерттеулердің, консалтингтік қызметтердің құнын белгілеу тәртібін белгілейді.
2 2-тарау. Зерттеулердің, консалтингтік қызметтердің құнын белгілеу тәртібі
2 2. Зерттеулердің, консалтингтік қызметтердің құны тікелей, жанама және үстеме шығыстардың сомалары негізінде келесі формула бойынша белгіленеді:
Қ = ∑ТШ+ЖШ+ҮШ,
мұнда:
Қ – зерттеулердің, консалтингтік қызметтердің құны;
ТШ – тікелей шығыстар;
ЖШ – жанама шығыстар;
ҮШ – үстеме шығыстар.
3 3. Зерттеулердің, консалтингтік қызметтердің құнын есептеу кезінде штат кестесіне сәйкес лауазымдар бойынша зерттеулерге және консалтингтік қызметтер көрсетуге тікелей қатысатын барлық жұмыскерлердің жалақысы әрбір жұмыскер бойынша жеке көрсетіледі.
4 4. Тікелей шығыстарға мыналар жатады:
1 1) зерттеулер, консалтингтік қызметтерді жүзеге асыратын жұмыскерлердің жалақысы;
2 2) тартылатын сыртқы сарапшылар қызметтерінің құны;
5 5. Жанама шығыстарға іссапар шығыстары жатады.
6 6. Үстеме шығыстарға мыналар жатады:
1 1) материалдар мен жабдықтарды сатып алу;
2 2) көлік шығыстары:
3 3) үй-жайды жалға алу;
4 4) жабдықтар мен техниканы жалға алу;
5 5) ғылыми-ұйымдастырушылық сүйемелдеу;
6 6) салықтар және бюджетке төленетін басқа да міндетті төлемдер;
7
7) өзге де шығыстар (зерттеулер мен консалтингтік қызметтерді жүргізу үшін тікелей қажетті ақпараттық қызметтер, коммуналдық қызметтер (электр энергиясы, жылыту, сумен жабдықтау және кәріз, қоқыс шығару), ғимаратты күтіп ұстауға және қызмет көрсетуге, байланыс және интернет қызметтеріне, банк қызметтеріне арналған шығыстар).