Об автоматическом лицензировании (наблюдении) экспорта березовой фанеры
Деректемелер және дереккөз
- Толық атауы
- Об автоматическом лицензировании (наблюдении) экспорта березовой фанеры
- Атауы (қаз.)
- Қайың фанерінің экспортын автоматты түрде лицензиялау (қадағалау) туралы
- Акт түрі
- Бұйрық
- Заңдық күші
- Қолданыста
- Тізілімдегі мәртебе коды
- new
- Нөмірі
- 200-НҚ
- Қабылданған күні
- 23.06.2025
- Көрсетілген редакция
- 23.06.2025 211710_765117.kaz
- Соңғы өзгеріс
- 23.06.2025
- Мәтін тілі
- қазақша
- НҚА мемлекеттік тіркеу нөмірі
- V2500036339
- ЭКБ идентификаторы
- 211710
- Редакция идентификаторы
- 211710_765117
- Бастапқы дереккөз
- ЭКБ zan.gov.kz (API)
- Деректер жаңартылды
- 31.07.2026 03:45
0 Қайың фанерінің экспортын автоматты түрде лицензиялау (қадағалау) туралы
«Еуразиялық экономикалық одақ туралы шартты ратификациялау туралы» Қазақстан Республикасы заңымен ратификацияланған Еуразиялық экономикалық одақ туралы шарттың 46 және 47-баптарына сәйкес және «Сауда қызметін реттеу туралы» Қазақстан Республикасы Заңының 17 және 21-баптарына сәйкес БҰЙЫРАМЫН:
1 1. 2025 жылғы 1 шілдеден бастап 6 (алты) ай мерзімге қайың фанерінің экспортын (Еуразиялық экономикалық одақтың сыртқы экономикалық қызметінің бірыңғай тауар номенклатурасының коды 4412 33 000 0) автоматты лицензиялау (байқау) енгізілсін.
2
2. Қайың фанерін экспорттың кедендік рәсімімен орналастыру Қазақстан Республикасы Қаржы министрлігінің Мемлекеттік кірістер комитетіне «Сауда саласында мемлекеттік қызметтер көрсету қағидаларын бекіту туралы» Қазақстан Республикасы Сауда және интеграция министрінің 2020 жылғы 16 наурыздағы № 51-НҚ бұйрығына (Нормативтік құқықтық кесімдерінің мемлекеттік тіркеу тізілімінде № 20135 болып тіркелген) сәйкес ресімделген қайың фанерін экспорттауға рұқсат беру кезінде жүзеге асырылады деп белгіленсін.
3 3. Қазақстан Республикасы Сауда және интеграция министрлігінің Сыртқы сауда қызметі департаменті:
1 1) Қазақстан Республикасы Қаржы министрлігінің Мемлекеттік кірістер комитетін Қазақстан Республикасы Ұлттық қауіпсіздік комитетінің Шекара қызметімен өзара іс-қимыл жасау кезінде осы бұйрықтың 2-тармағын орындау бойынша бақылауды қамтамасыз ету туралы;
2 2) Еуразиялық экономикалық комиссияны осы бұйрықтың 1-тармағында көрсетілген тыйым салудың енгізілгені туралы хабардар етсін.
4 4. Қазақстан Республикасы Сауда және интеграция министрлігінің Сыртқы сауда қызметі департаменті заңнамада орнатылған тәртіппен:
1 1) осы бұйрықты Қазақстан Республикасы Әділет министрлігінде мемлекеттік тіркеуді;
2 2) осы бұйрықты Қазақстан Республикасы Сауда және интеграция министрлігінің интернет-ресурсында орналастыруды қамтамасыз етсін.
5 5. Осы бұйрықтың орындалуын бақылау жетекшілік ететін Қазақстан Республикасының Сауда және интеграция вице-министріне жүктелсін.
6 6. Осы бұйрық оның алғашқы ресми жарияланғаннан кейін күнтізбелік он күн өткен соң қолданысқа енгізіледі.
«КЕЛІСІЛДІ»
Қазақстан Республикасы
Қаржы министрлігі
«КЕЛІСІЛДІ»
Қазақстан Республикасы
Өнеркәсіп және құрылыс министрлігі
«КЕЛІСІЛДІ»
Қазақстан Республикасы
Ұлттық экономика министрлігі
«КЕЛІСІЛДІ»
Қазақстан Республикасы
Цифрлық даму, инновациялар және
аэроғарыш өнеркәсібі министрлігі