«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 33-бабының 1-тармағының 13-тармақшасына, «Азаматтық қорғау туралы» Қазақстан Республикасы Заңының 48 және 50-баптарына, «Табиғи және техногендік сипаттағы төтенше жағдайлардың сыныптамасын белгілеу туралы» Қазақстан Республикасы Төтенше жағдайлар министрінің міндетін атқарушының 2023 жылғы 10 мамырдағы №240 бұйрығына (Нормативтік құқықтық актілерді мемлекеттік тіркеу тізілімінде №181131 болып тіркелді), сондай-ақ Мойынқұм ауданы әкімдігі жанындағы төтенше жағдайлардың алдын алу және жою жөніндегі комиссияның 2025 жылғы 2 қыркүйектегі кезектен тыс отырысының №4 хаттамасына сәйкес, Мойынқұм ауданының әкімі ШЕШІМ ҚАБЫЛДАДЫ:

1. Жамбыл облысы, Мойынқұм ауданы, Мойынқұм ауылынан оңтүстік-шығыс бағытта шамамен 2 (екі) шақырым қашықтықтан өтетін магистралды ауыз су құбырында орын алған апаттық жағдайдың салдарынан Мойынқұм ауылы тұрғындарының тыныс-тіршілігінің бұзылу қаупі туындауына байланысты, «Мойынқұм ауданы әкімдігінің тұрғын үй-коммуналдық шаруашылық, жолаушылар көлігі және автомобиль жолдары бөлімінің «Мойынқұм су-жылу» шаруашылық жүргізу құқығындағы мамандандырылған көпсалалы коммуналдық мемлекеттік кәсіпорнының теңгеріміндегі магистралды су құбырлары желілерінде объектілік ауқымдағы техногендік сипаттағы төтенше жағдай жариялансын.