119-бап. Банкті өзге де негіздер бойынша тарату

1. Банктi мәжбүрлеп тарату банкті операциялардың барлық түрін жүзеге асыруға арналған банк лицензиясынан айыру туралы шешiм болмаған кезде уәкiлетті мемлекеттiк органдардың арызбен (талап қоюмен) сотқа жүгінуі бойынша сот iс қозғаған жағдайда осы Заңға сәйкес жүргiзiледi.

2. Сот банктi мәжбүрлеп тарату туралы шешiмдi уәкiлеттi органға жiбередi. Осы Заңның 118-бабының 2) тармақшасында көзделген негiз бойынша қозғалған iс бойынша соттың банктi мәжбүрлеп тарату туралы шешiмі күшіне енген күннен бастап банк операциялардың барлық түрін жүзеге асыруға арналған банк лицензиясынан айырылады.