Об утверждении Правил организации проведения республиканских конкурсов профессионального мастерства

Күшін жойған Бұйрық ·№ 933 · 11.08.2026 жағдай бойынша

Деректемелер және дереккөз

Толық атауы: Об утверждении Правил организации проведения республиканских конкурсов профессионального мастерства
Атауы (қаз.): Республикалық кәсіби шеберлік конкурстарын өткізуді ұйымдастыру ережесін бекіту туралы
Акт түрі: Бұйрық
Заңдық күші: Күшін жойған
Тізілімдегі мәртебе коды: yts
Нөмірі: 933
Қабылданған күні: 17.11.2004
Көрсетілген редакция: 28.12.2007 AI22219_2.kaz
Соңғы өзгеріс: 28.12.2007
Мәтін тілі: қазақша
НҚА мемлекеттік тіркеу нөмірі: V040003257_
ЭКБ идентификаторы: 22219
Редакция идентификаторы: AI22219_2
Бастапқы дереккөз: ЭКБ zan.gov.kz (API)
Деректер жаңартылды: 03.08.2026 19:31

0 Республикалық кәсіби шеберлік конкурстарын өткізуді ұйымдастыру ережесін бекіту туралы

"Білім туралы" Қазақстан Республикасының Заңының 30-бабына сәйкес және кадрларды кәсіби даярлау сапасын, техникалық және қызмет көрсету еңбегі мамандықтарының (кәсіптерінің) беделін көтеру, дарынды оқушыларды табу және оларға қолдау көрсету мақсатында БҰЙЫРАМЫН :

1 1. Қоса беріліп отырған Республикалық кәсіби шеберлік конкурстарын өткізуді ұйымдастыру ережесі бекітілсін.

2 2. Орта білім департаменті (С. Есбосынова) осы бұйрықты заңнамада белгіленген тәртіппен Қазақстан Республикасы Әділет министрлігіне мемлекеттік тіркеуге ұсынсын.

3 3. Осы бұйрық Қазақстан Республикасы Әділет министрлігінде мемлекеттік тіркелген күнінен бастап күшіне енеді.

0 Республикалық кәсіби шеберлік конкурстарын өткізуді ұйымдастыру ережесі

Қазақстан Республикасы
Білім және ғылым министрінің
2004 жылғы 17 қарашадағы
N 933 бұйрығымен бекітілген
Республикалық кәсіби шеберлік конкурстарын өткізуді ұйымдастыру ережесі

1 1. Жалпы ереже

1 1. Осы ереже кәсіптік бастауыш және орта білім беру ұйымдарының оқушылары арасында техникалық және қызмет көрсету еңбегі кәсіптері және мамандықтары бойынша республикалық кәсіби шеберлік конкурсын (бұдан әрі - Конкурс) өткізуді ұйымдастырудың тәртібін анықтайды.

2

2. Конкурстың негізгі мақсаттары мен міндеттері кадрларды кәсіптік даярлау сапасын, техникалық және қызмет көрсету еңбегі мамандықтарының (кәсіптерінің) беделін көтеру, республикадағы кәсіптік білім беру және кадрлар даярлау жүйесін насихаттау, дарынды оқушыларды табу және қолдау көрсету болып табылады.

2 2. Конкурсқа қатысушылар

3 3. Республикалық конкурсқа кәсіптік бастауыш және орта білім беру ұйымдарын бітіруші курс оқушылары қатысады.

Конкурстың қорытынды турына облыстық, Астана, Алматы қалалық кәсіби шеберлік байқауларының жеңімпаздары қатысады.

3 3. Конкурсты ұйымдастыру және өткізу

4 4. Конкурсты дайындау және өткізу жөніндегі ұйымдастыру жұмыстарын жүзеге асыру үшін ұйымдастыру комитеті құрылады.

Бірінші турдың ұйымдастыру комитетінің құрамын кәсіптік бастауыш және орта білім беру ұйымының басшысы, екінші турды облыстық, Астана, Алматы қалалық департаментінің (басқармасының) директорының (бастығының), үшінші турды Білім және ғылым министрінің (бұдан әрі - Министр) бұйрығымен бекітеді.

5 5. Ұйымдастыру комитеті:

1 1) конкурсты дайындауды және өткізуді;

2 2) конкурстық тапсырмаларды әзірлеуді және дайындауды;

3 3) конкурсты өткізуге арналған үй-жайды және жұмыс орындарын дайындауды;

4 4) конкурс барысында анықталған еңбектің алдыңғы қатарлы әдістері мен әдістемелерін бағалауды, таңдауды, жалпылауды қамтамасыз етеді.

6 6. Республикалық конкурс мынадай турлардан тұрады:

1 1) конкурстың бірінші турын кәсіптік бастауыш және орта білім оқу орындары өткізеді;

2 2) конкурстың екінші туры облыстық, Астана және Алматы қалалық білім департаменттері (басқармалары) конкурсты өткізу осы ережеге сәйкес өткізіледі;

3 3) конкурстың қорытынды үшінші турын Білім және ғылым министрлігі (бұдан әрі - Министрлік) өткізеді.

7 7. Конкурсты өткізу уақыты мен орнын конкурсты ұйымдастырушылар белгілейді.

8 8. Республикалық конкурс өткізілетін кәсіптер (мамандықтар) немесе кәсіптердің тобы министрліктің бұйрығымен белгіленеді.

9 9. Облыстық, Астана, Алматы қалалық білім департаменттері (басқармалары) Министрлікке конкурстың облыстық тур жеңімпаздарының мынадай құжаттарын:

1 1) қазылар алқасының шешімінен көшірме;

2 2) мінездеме - ұсыным;

3 3) 3х4 см. фотосурет, 24х30 см. көлеміндегі 3 түрлі-түсті фотосурет тапсырады.

4 4. Конкурстың бағдарламасы

10 10. Конкурстың бағдарламасына 7 конкурстық тапсырма кіреді:

1 1) "Таныстыру" конкурсқа өзін-өзі таныстыру (5-минут) 5 баллдық жүйе бойынша бағаланады;

2 2) Жалпы техникалық және арнайы пәндер бойынша білімін - "Тестілеу" (45-минут). 20 баллдық жүйе бойынша бағаланады;

3 3) "Кәсіби шеберлік" - тапсырманы орындау барысында жоғары кәсіби шеберлігін көрсете білуі (20-минут). 30 баллдық жүйе бойынша бағаланады;

4 4) "Компьютерлік сауаттылық" - компьютерлік сауаттылыққа тапсырма орындау (10-минут). 10 баллдық жүйе бойынша бағаланады;

5 5) "Спорттық шеберлік" - спорттық жарыстар. 15 баллдық жүйе бойынша бағаланады;

6 6) "Қалыпты емес жағдай" - конкурсқа қатысушының жұмыс іздеу, жұмысқа орналасу жөніндегі және кәсіптік тапсырмаларды шешіп, өз бетінше шешім қабылдай білуіне, анықтауға мүмкіндік беретін психологиялық ойын жағдайы (7-минут). 10 баллдық жүйе бойынша бағаланады;

7 7) "Он саусағынан өнер тамған" - конкурсқа қатысушының авторлық шығармашылығы, шығармашылық шешімінің бірегейлігі, орындау мәдениеті (7-минут). 10 баллдық жүйе бойынша бағаланады.

5 5. Конкурстың қазылар алқасы және жеңімпаздарды марапаттау

11 11. Жыл сайын қазылар алқасының құрамын бірінші турда кәсіптік бастауыш және орта білім беру ұйымының басшысының, екінші турда облыстық, Астана және Алматы қалалық департаменті (басқармасы) директорының (бастығының), үшінші турды Министрліктің бұйрығымен бекітеді.

12 12. Қазылар алқасы конкурсқа әр қатысушының жұмысын мынадай бағалау өлшемдері:

1 1) нақты кәсіп пен мамандық бойынша кәсіптік және оқыту бағдарламалары шеңберінде жалпы техникалық және арнайы пәндердің мазмұнын білуі;

2 2) кәсіптік даярлау дағдылары мен білгендерін практикада қолдануы;

3 3) біліктілік, шығармашылық бастамашылық және ойлауының бірегейлігі;

4 4) шығармашылық қабілеттілігі;

5 5) спортпен шұғылдануы бойынша бағалайды.

13 13. Қазылар алқасы конкурстың номинацияларын белгілейді, республикалық конкурстың жеңімпаздарын анықтайды, "Бас жүлдені" бірінші, екінші және үшінші орындарды береді және оларды дипломдармен, бағалы сыйлықтармен марапаттайды.