«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 33-бабына, «Азаматтық қорғау туралы» Қазақстан Республикасы Заңының 48-бабына және 50-бабына, Қазақстан Республикасы Төтенше жағдайлар министрінің м.а. 2023 жылғы 10 мамырдағы № 240 «Табиғи және техногендік сипаттағы төтенше жағдайлардың сыныптамасын белгілеу туралы» бұйрығына сәйкес және Сарқан ауданының төтенше жағдайлардың алдын алу және жою жөніндегі аудандық комиссиясының кезектен тыс отырысының 2026 жылғы 12 тамыздағы № 5 хаттамасының негізінде, Сарқан ауданының әкімі ШЕШТІ:

1. Техногендік сипаттағы төтенше жағдайдың туындауының алдын алу мақсатында өрт сөндіру бөлімінің тиімді жұмыс істеуін қамтамасыз ету, қызметкерлердің еңбек жағдайларын жақсарту және Сарқан ауданының қауіпсіздік деңгейін арттыру үшін Жетісу облысы Төтенше жағдайлар департаментінің «Сарқан ауданының төтенше жағдайлар бөлімі» РММ-нің Сарқан қаласындағы № 12 өрт сөндіру бөлімінің Жетісу облысы, Сарқан ауданы, Сарқан қаласы, Әуезов көшесі, 41-үй мекенжайында орналасқан ғимаратында жөндеу-қалпына келтіру жұмыстарын дереу бастау қажет екені ескеріліп, Сарқан ауданының аумағында техногендік сипаттағы объектi аумағының шегiнде төтенше жағдай жариялансын.