Об установлении предельного значения совокупного объема активов банка с базовой банковской лицензией и размеров депозитов физических лиц, принимаемых банком с базовой банковской лицензией
Деректемелер және дереккөз
- Толық атауы
- Об установлении предельного значения совокупного объема активов банка с базовой банковской лицензией и размеров депозитов физических лиц, принимаемых банком с базовой банковской лицензией
- Атауы (қаз.)
- Базалық банк лицензиясы бар банк активтерінің жиынтық көлемінің шекті мәнін және базалық банк лицензиясы бар банк қабылдайтын жеке тұлғалар депозиттерінің мөлшерлерін белгілеу туралы
- Акт түрі
- Қаулы
- Заңдық күші
- Қолданыста
- Тізілімдегі мәртебе коды
- exe
- Нөмірі
- 124
- Қабылданған күні
- 25.08.2026
- Қолданысқа енгізілген күні
- 13.09.2026
- Көрсетілген редакция
- 25.08.2026 I229412_0.kaz
- Соңғы өзгеріс
- 25.08.2026
- Мәтін тілі
- қазақша
- НҚА мемлекеттік тіркеу нөмірі
- V2600039717
- ЭКБ идентификаторы
- 229412
- Редакция идентификаторы
- I229412_0
- Бастапқы дереккөз
- ЭКБ zan.gov.kz (API)
- Деректер жаңартылды
- 17.09.2026 18:57
0 Базалық банк лицензиясы бар банк активтерінің жиынтық көлемінің шекті мәнін және базалық банк лицензиясы бар банк қабылдайтын жеке тұлғалар депозиттерінің мөлшерлерін белгілеу туралы
«Қазақстан Республикасындағы банктер және банк қызметі туралы» Қазақстан Республикасының Заңы 21-бабының 1-тармағына және 22-бабы 2-тармағының екінші бөлігіне сәйкес Қазақстан Республикасы Қаржы нарығын реттеу және дамыту агенттігінің Басқармасы ҚАУЛЫ ЕТЕДІ:
1. Мыналар:
1) базалық банк лицензиясы бар банк активтерінің жиынтық көлемінің шекті мәні тиісті айдың соңғы жұмыс күні ретінде айқындалатын әрбір айдың есепті күнінде 500 000 000 000 (бес жүз миллиард) теңгеден аспайтыны;
2) базалық банк лицензиясы бар банк ашуды және жүргізуді жүзеге асыратын жеке тұлғалардың банктік шоттарындағы ақшаны қоса алғанда, базалық банк лицензиясы бар банк қабылдайтын жеке тұлғалар депозиттерінің мөлшерлері және олар бойынша күнделікті қалдықтар:
ұлттық валютадағы жинақтау салымдары (депозиттері) бойынша 20 000 000 (жиырма миллион) теңгеден;
ұлттық валютадағы өзге де депозиттер (банктік шоттардағы ақшаны қоса алғанда) бойынша 10 000 000 (он миллион) теңгеден;
шетел валютасындағы депозиттер бойынша (банктік шоттардағы ақшаны қоса алғанда) 5 000 000 (бес миллион) теңгеден аспайтыны белгіленсін.
Базалық банк лицензиясы бар банк жеке тұлға депозиттерінің бірнеше түрін қабылдаған және (немесе) жеке тұлғаның бірнеше банктік шотын ашқан және жүргізген кезде осы тармақшаның бірінші бөлігінде көрсетілген барлық депозит (банктік шоттардағы ақшаны қоса алғанда) бойынша жиынтық күнделікті қалдық 20 000 000 (жиырма миллион) теңгеден аспайды.