📌 Ескерту. 01.01.2027 бастап қолданысқа енгізіледі – осы бірлескен бұйрықтың 4-тармағымен.
«Алатау қаласының арнаулы құқықтық режимі туралы» Қазақстан Республикасы Конституциялық заңының 31-бабының 5-тармағына сәйкес БҰЙЫРАМЫЗ:.

«Alatau City Authority»
арнаулы басқару ұйымының
бас атқарушы директорының
2026 жылғы 31 тамыздағы № 26 және
Қазақстан Республикасы
Қаржы министрдің міндетін атқарушы
2026 жылғы 31 тамыздағы № 591
бірлескен бұйрығына
қосымша
Алатау қаласының әкімшілігі Алатау резидентіне қайтаруды растаған қосылған құн салығының асып кеткен сомасын республикалық бюджеттен аудару қағидалары мен мерзімдері

1. Осы Алатау қаласының әкімшілігі Алатау резидентіне қайтаруды растаған қосылған құн салығының (бұдан әрі – ҚҚС) асып кеткен сомасын республикалық бюджеттен аудару қағидалары мен мерзімдері «Алатау қаласының арнаулы құқықтық режимі туралы» Қазақстан Республикасының Конституциялық заңының (бұдан әрі – Конституциялық заң) 31-бабының 5-тармағына сәйкес әзірленді және Алатау қаласының әкімшілігі Алатау резидентіне мемлекеттік кірістер органымен (бұдан әрі – МКО) қайтаруды растаған қосылған құн салығының асып кеткен сомасын республикалық бюджеттен (бұдан әрі – РБ) аудару тәртібін және мерзімдерін айқындайды.

2. Осы Қағидаларда пайдаланылатын ұғымдар Конституциялық заңда, Қазақстан Республикасының Салық кодексінде (бұдан әрі – Салық кодексі) және Қазақстан Республикасы Қаржы министрінің 2025 жылғы 28 қазандағы № 637 бұйрығымен бекітілген Салық төлеушінің жеке шотын жүргізу қағидаларында (Нормативтік құқықтық актілерді мемлекеттік тіркеу тізілімінде № 37255 болып тіркелген) (бұдан әрі – Жеке шоттарды жүргізу қағидалары) айқындалған мәндерде қолданылады.

4. Қазақстан Республикасы Қаржы министрінің 2025 жылғы 28 қазандағы № 637 бұйрығымен бекітілген Салық төлеушінің жеке шотын жүргізу қағидаларында (Нормативтік құқықтық актілерді мемлекеттік тіркеу тізілімінде № 37255 болып тіркелген) (бұдан әрі – Жеке шоттарды жүргізу қағидалары) айқындалған нысан бойынша салықтарды, бюджетке төленетін төлемдерді, кедендік төлемдерді, өсімпұлдарды және айыппұлдарды есепке жатқызу және (немесе) оларды қайтару туралы салықтық өтініш (бұдан әрі – салықтық өтініш) және МКО ЦЖ-де қалыптастырылған есеп айырысу сальдосы бойынша есептің негізінде Алатау резидентінің тұрған жері бойынша МКО Қазақстан Республикасының Бюджет кодексіне (бұдан әрі – Бюджет кодексі) сәйкес төлем тапсырмасын жасайды.
ҚҚС-ның асып кету сомасын РБ-дан Алатау резидентінің банктік шотына аударуды бюджетті атқару жөніндегі орталық уәкілетті орган МКО қалыптастырған төлем құжаты (тізілім) негізінде Алатау резиденті салықтық өтінішті берген күннен кейінгі 7 (жеті) жұмыс күні ішінде жүзеге асырады.

Егер Алатау резиденті құрылымдық бөлімшелері бар заңды тұлға болып табылған жағдайда, мемлекеттік кірістер органдарында жүргізілетін берешегiнiң бар-жоғы туралы мәлімет (бұдан әрі - берешегiнiң бар-жоғы туралы мәлімет) не есеп айырысу сальдосы бойынша есеп құрылымдық бөлімшелердің салықтық берешегі ескеріле отырып қалыптастырылады.

11. ҚҚС-ның асып кеткен қайтаруға арналған өкімді (бұдан әрі – өкім) Жеке шоттарды жүргізу қағидаларына 24-қосымшаға сәйкес нысан бойынша салықтық өтініш негізінде МКО-ның тиісті құрылымдық бөлімшесінің лауазымды адамы берешектің бар-жоғы туралы мәлімет не есеп айырысу сальдосы бойынша есеп қалыптастырылған күннен бастап 1 (бір) жұмыс күнінен кешіктірмей екі данада жасайды.
Алатаудың әрбір резидентіне жеке өкім жасалады.

13. Өкім негізінде, оны алғаннан кейін 2 (екі) жұмыс күнінен кешіктірмей, есепке алуды жүргізуге жауапты лауазымды адам салықтық берешек болған жағдайда, төлем тапсырмасын жасау күніндегі жағдай бойынша заңды тұлғаның және (немесе) құрылымдық бөлімшелердің қалыптасқан салықтық берешегін өтеу есебіне есепке жатқызу үшін төлем тапсырмасын жасайды. Есепке жатқызу жүргізілгеннен кейін ҚҚС-ның асып кеткен сомасының қалған бөлігін Алатау резидентінің банктік шотына қайтару үшін төлем тапсырмасы жасалады.

15. Қол қойылғаннан кейін 1 (бір) жұмыс күнінен кешіктірілмей есепке алуды жүргізуге жауапты лауазымды адам ресімдеген төлем тапсырмасын төлем тағайындауда ҚҚС асып кеткен сомасын есепке жатқызуды және (немесе) қайтаруды жүргізуге арналған өкімнің деректемелерін көрсете отырып, бюджетті атқару жөніндегі орталық уәкілетті органның аумақтық органдарына жібереді.

16. ҚҚС-ның асып кетуін есепке жатқызу және (немесе) қайтару жүргізілген кезден бастап 1 (бір) жұмыс күнінен кешіктірмей есепке алуды жүргізуге жауапты лауазымды адам орындалғаны туралы белгі қойылған өкімнің екінші данасын МКО-ның тиісті құрылымдық бөлімшесінің лауазымды адамына қайтарады. Өкімнің бірінші данасы есепке алуды жүргізуге жауапты лауазымды адамда қалады.

17. Есепке жатқызуды жүргізу, оның банктік шотына есепке жазу және (немесе) ҚҚС-ның асып кеткен сомасын қайтару мерзімі бұзылған жағдайда, есепке жатқызуды және (немесе) қайтаруды жүргізу мерзімі аяқталған күннен кейінгі күннен бастап есепке жатқызу және (немесе) қайтару жүргізілген күнді қоса алғанда, әрбір күн үшін Алатау резидентінің пайдасына есептелген өсімпұл сомасы ҚҚС-ның асып кеткен сомасы қайтарылған күні Алатау резидентінің банктік шотына аударылуға тиіс.

ҚҚС-ның асып кеткен сомасын уақтылы қайтармауға байланысты төленген, бірақ кейіннен салықтық бақылау нәтижелері бойынша қайтаруға расталмаған өсімпұл сомасын да ҚҚС төлеуші бюджеттен қайтарылған күннен бастап бюджетке есепке жазылған күнге дейінгі әрбір күн үшін өсімпұл есептеле отырып, бюджетке төлеуі тиіс.