Об установлении публичного сервитута

Күшіне енбеген Қаулы № А-9/212 20.09.2026 жағдай бойынша

Деректемелер және дереккөз

Толық атауы: Об установлении публичного сервитута
Атауы (қаз.): Қауымдық сервитутты белгілеу туралы
Акт түрі: Қаулы
Заңдық күші: Күшіне енбеген
Тізілімдегі мәртебе коды: new
Нөмірі: А-9/212
Қабылданған күні: 11.09.2026
Қолданысқа енгізілген күні: 29.09.2026
Көрсетілген редакция: 11.09.2026 I230118_1.kaz
Соңғы өзгеріс: 11.09.2026
Мәтін тілі: қазақша
НҚА мемлекеттік тіркеу нөмірі: G26BC09212A
ЭКБ идентификаторы: 230118
Редакция идентификаторы: I230118_1
Бастапқы дереккөз: ЭКБ zan.gov.kz (API)
Деректер жаңартылды: 19.09.2026 03:41

Акт күшіне енбеген. Қабылданған, бірақ әлі қолданысқа енгізілмеген. Қолданысқа енгізілу күні — 29.09.2026.

20.09.2026 жағдай бойынша қолданыста болған редакция: 11.09.2026. Бұл — корпустағы соңғы редакция.

0 Қауымдық сервитутты

белгілеу туралы
Қазақстан Республикасының Жер кодексіне, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңына сәйкес, Ақкөл ауданының әкімідігі ҚАУЛЫ ЕТЕДІ:

1. «BSS Minerals» жауапкершілігі шектеулі серіктестігіне осы қаулының 1-қосымшасына сәйкес, Ақкөл ауданы Азат ауылының әкімшілік шекарасы шегінде орналасқан жалпы ауданы 1057,9 гектар жер учаскелеріне меншік иелері мен жер пайдаланушылардан алып қоймай, 2032 жылғы 10 тамызға дейінгі мерзімге, қатты пайдалы қазбаларды барлау мақсатында қауымдық сервитут белгіленсін.

2. «BSS Minerals» жауапкершілігі шектеулі серіктестігі осы қаулыға қосымшаға сәйкес жұмыстарды бастамас бұрын жер пайдаланушыларды хабардар етсін және олардан келісім алсын.

3. «BSS Minerals» жауапкершілігі шектеулі серіктестігі (келісім бойынша) жер учаскелерінің меншік иелері мен жер пайдаланушыларға шығындарды толық көлемде өтеуді қамтамасыз етсін, залалдардың мөлшері мен оларды өтеу тәртібі Қазақстан Республикасының қолданыстағы заңнамасына сәйкес тараптардың келісімімен белгіленсін.

4. «BSS Minerals» жауапкершілігі шектеулі серіктестігіне пайдалы қазбаларды барлау мақсатында жер учаскесін пайдалану кезінде Қазақстан Республикасының заңнамалық талаптарын сақтасын.

5. «Ақкөл аудандық жер қатынастары, сәулет және қала құрылысы бөлімі» мемлекеттік мекемесі заңнамасында белгіленген тәртіппен осы қаулының Қазақстан Республикасы нормативтік құқықтық актілерінің эталондық бақылау банкінде ресми жариялануға жіберуді қамтамасыз етсін.

6. Осы қаулының орындалуын бақылау Ақкөл ауданы әкімінің жетекшілік ететін орынбасарына жүктелсін.

7. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

1 «BSS Minerals» жауапкершілігі шектеулі серіктестігіне қауымдық сервитут белгіленетін жер учаскелерінің тізбесі

Ақкөл ауданы әкімдігінің
2026 жылғы __________ №________
қаулысына 1 қосымша
«BSS Minerals» жауапкершілігі шектеулі серіктестігіне қауымдық сервитут белгіленетін жер учаскелерінің тізбесі
№ р/с
Жер пайдаланушылардың (меншік иелерінің) атауы
кадастрлық нөмірі
қауымдық сервитут белгілеудің жалпы ауданы, гектар
Оның ішінде
ауыл шаруашылығы алқаптары, жайылымдар, гектар
Өнеркәсіп, көлік, байланыс жерлері, гектар
1
«Ауыл бірлестігіне көмек» ЖШС
01-001-012-260
881,6
881,6
2
«Кара Найза» ЖШС
01-001-012-259
70,8
70,8
3
Анатолий Константинович Герасим
01-001-012-013
41,9
41,9
4
«Азат Агро» ЖШС
01-001-012-208
63,6
63,6
Жиыны
1057,9
1057,9