📌 Ескерту. Күшi жойылды - ҚР Үкiметiнiң 13.05.1998 № 431 қаулысымен.
Шикiзат тауарларын кедендiк жариялау және оларға салық салуға қатысты Қазақстан Республикасының экспорттаушы кәсiпорындарынан түсiп жатқан сұрау салуларға байланысты Қазақстан Республикасының Үкiметi қаулы етедi:

1. Қазақстан Республикасынан шығарылған шикiзат тауарлары Қазақстан Республикасының қосылған құнға салынатын салық жөнiндегi есепте тұрған салық төлеушiнiң меншiгi болып табылатын қайта өңдеу өнiмдерiн (дайын өнiмдердi), кейiн оларды ТМД елдерiнен тысқары шығаратын етiп ТМД елдерiне өңдеу үшiн шығарған жағдайда, ТМД елдерiнен тысқары шығарылатын тауарлар экспорты үшiн қарастырылған Қазақстан Республикасының кедендiк режимiне жатады деп белгiленсiн.
📌 Ескерту. 1-тармақ жаңа редакцияда - ҚРҮ-нiң 1996.07.08.
N 848 қаулысымен.

ТМД елдерiнен тысқары шығарылған жағдайда Қазақстан Республикасында өндiрiлген шикiзат тауарларынан жасалған дайын өнiм және оның тауарлық iлеспе құжаттамалары Қазақстан Республикасының "ТМД елдерiнiң аумағында оқшаулау құқығынсыз" деген тиiстi кеден белгiсiмен жабдықталуы керек деп белгiленсiн.

3. Қазақстан Республикасы Қаржы министрлiгiнiң Бас салық инспекциясы осы қаулының 2-тармағында қарастырылған кеден тәртiбiне жататын тауарларға ТМД елдерiнен тысқары шығарылатын тауарларды экспорттау кезiнде көзделген тәртiпке қатысты салық салу базасын белгiлеп, қосылған құн салығын алуға мiндеттелiнсiн.
Бұл тәртiптi қолдану кезiнде шикiзат тауарларын экспорттаушы кәсiпорындар, құрамында Қазақстан Республикасында өндiрiлген шикiзат тауарлары пайдаланылған, дайын өнiмнiң ТМД шегiнен тысқары шығарылған фактiсiн растайтын құжаттарды тоқсан сайын салық органдарына тапсыруы тиiс. Аталған тәртiппен қосылған құн салығын есепке алу жөнiндегi ақырғы шешiмдi салық органдары бұл құжаттар берiлген кезде қабылдайды.
Қазақстан кәсiпорындарының салық салу мұқтаждары үшiн Қазақстан Республикасынан тауардың экспортталған фактiсiн растауды қажеттi және жеткiлiктi шарттары мыналар болып табылады;
кәсiпорын орналасқан жердегi салық органына қазақстандық кәсiпорынның шетелдiк фирмамен немесе Қазақстан Республикасының резидентi және ТМД елдерiнiң резидентi болып табылмайтын өзге де тұлғамен (бұдан әрi - шетелдiк сатып алушы) экспорттық контрактiнi толық көлемде беруi, онда соңғысының сатып алатын қайта өңдеу өнiмдерi (дайын өнiм) ТМД елдерiнен тысқары шығаруға арналғандығы, көрсетiлуi тиiс;
Қазақстан Республикасының қосылған құнға салынатын салық жөнiнде есепте тұрған салық төлеушiнiң өңделетiн өнiмдердi (дайын өнiмдердi) ТМД елдерiнен тысқары шығару жөнiндегi кедендiк жариялауының көшiрмесi;
"Салық және бюджетке төленетiн басқа да мiндеттi төлемдер туралы" Қазақстан Республикасы Президентiнiң 1995 жылғы 24 сәуiрдегi N 2235 Заң күшi бар Жарлығының 161-бабының 2-тармағына сәйкес салық органдары есептеме жүргiзу немесе Қазақстан Республикасының қосылған құнға салынатын салық жөнiнде есебiнде тұрған салық төлеушi тiлегi мен қосылған құн салығының сомасын қайтару туралы шешiм қабылдайды. Мұнда қосылған құн салығының сомасын қайтару бюджетке салықтың осы түрi бойынша жалпы түсiмнiң есебiнен жүзеге асырылады.
Осы қаулының күшi 1995 жылғы 11 қазаннан кейiн қалыптасқан құқықтық қатынастарға қолданылады деп белгiленсiн.
📌 Ескерту. 3-тармақ жаңа абзацтармен толықтырылды - ҚР Үкiметiнiң
1996.01.31. N 130 қаулысымен.
Ескерту. 3-тармақ өзгерiстер енгiзiлдi - ҚРҮ-нiң 1996.07.08.
N 848 қаулысымен.