Сауықтыру орындарының жазғы кезеңдегі жұмысқа дайындығының байқауын өткізу туралы от 25.05.2005 г. № 141 (Сауықтыру орындарының жазғы кезеңдегі жұмысқа дайындығының байқауын өткізу туралы)

Сауықтыру орындарының жазғы кезеңдегі жұмысқа дайындығының байқауын өткізу туралы
«Халықтың санитарлық-эпидемиологиялық салауаттылығы туралы» Қазақстан Республикасының 2002 жылғы 4 желтоқсандағы Заңын, «Қазақстан Республикасындағы азаматтардың денсаулығын қорғау туралы» Қазақстан Республикасының 1999 жылғы 22 қарашадағы Заңын басшылыққа ала отырып, облыс әкімдігінің 2005 жылғы 20 сәуірдегі №141 «Сауықтыру мекемелерінің жазғы кезеңдегі жұмысқа дайындығының байқауын өткізу туралы» қаулысын жүзеге асыру мақсатында «Қазақстан Республикасындағы жергілікті мемлекеттік басқару туралы» Қазақстан Республикасының 2001 жылғы 23 қаңтардағы № 148-ІІ Заңының 31-бабы негізінде аудан әкімдігі қаулы етеді:

1. Жазғы сауықтыру орындарында балалар арасында жұқпалы аурулар мен тағамнан уланудың алдын алу мақсатында 2005 жылғы 1 маусымнан 21-маусымға дейін аудан аумағында ұйымдастырылатын сауықтыру орындарының жазғы кезеңдегі жұмысқа дайындығының байқауы өткізілсін.

2. Аудандық білім және спорт бөліміне (Қ. Жонысов):
сауықтыру орындарын қыздырғыш технологиялық, тоңазытқыш құрал-жабдықтармен, өндірістік керек-жарақтармен ас бөлмелік және асханалық ыдыс-аяқтармен, тиісті мөлшерде жуушы және дезинфекциялаушы заттармен
қамтамасыз ету;
оларды шаюды және дезинфекциялауды қарастыра отырып, ауыз сумен қамтамасыз ететін көздерді тиісті санитарлық-техникалық қалыпқа келтіру;
жазғы сауықтыру орындарының аумақтарын тазарту және абаттандыру, ойын және спорт алаңдарын дайындау;
балалардың толыққанды тамақтануының ұйымдастырылуына, тамақ әзірлеу технологиясының сақталуына тұрақты зертханалық бақылау жүргізу;
сәйкестік сертификаты, гигиеналық қорытындысы, ветеринарлық куәлігі жоқ
тағамдарды сатып алуға жол бермеу;
жазғы сауықтыру орындарында балалардың жеке басының гигиенасын, дезинфекциялау режимін, санитарлық жай-күйін, тұру жағдайын сақтауын бақылауды қамтамасыз ету тапсырылсын.

3. Облыстық мемлекеттік санитарлық-эпидемиологилық қадағалау департаментінің аудандық бөлімі (Р. Қабдолова) өткізілген байқау қорытындысы туралы аудан әкімінің аппаратын 2005 жылғы 25 маусымға дейін хабардар етсін.

4. Осы қаулының орындалуын бақылау аудан әкімінің орынбасары А. Қазыбаевқа жүктелсін.