Об утверждении Правил назначения стипендий, учрежденных Президентом Республики Казахстан
Деректемелер және дереккөз
- Толық атауы
- Об утверждении Правил назначения стипендий, учрежденных Президентом Республики Казахстан
- Атауы (қаз.)
- Қазақстан Республикасының Президенті белгілеген стипендияларды тағайындау ережесін бекіту туралы
- Акт түрі
- Бұйрық
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 281
- Қабылданған күні
- 04.05.2005
- Көрсетілген редакция
- 07.04.2011 AI24327_2.kaz
- Соңғы өзгеріс
- 07.04.2011
- Мәтін тілі
- қазақша
- НҚА мемлекеттік тіркеу нөмірі
- V050003668_
- ЭКБ идентификаторы
- 24327
- Редакция идентификаторы
- AI24327_2
- Бастапқы дереккөз
- ЭКБ zan.gov.kz (API)
- Деректер жаңартылды
- 03.08.2026 18:46
0 Қазақстан Республикасының Президенті белгілеген стипендияларды тағайындау ережесін бекіту туралы
Қазақстан Республикасы Президентінің "Қазақстан Республикасы Президентінің стипендиясын тағайындау туралы" 1993 жылғы 5 наурыздағы N 1134 қаулысының 6-тармағын орындау үшін БҰЙЫРАМЫН:
1 1. Қоса беріліп отырған Қазақстан Республикасының Президенті белгілеген стипендияларды тағайындау ережесі бекітілсін.
2 2. Жоғары және жоғары оқу орнынан кейінгі білім департаменті (М.Р.Нұрғожин) осы бұйрықты белгіленген тәртіппен Қазақстан Республикасы Әділет министрлігіне мемлекеттік тіркеуге ұсынсын.
3 3. Осы бұйрық ресми жарияланған күнінен бастап қолданысқа енгізіледі.
4 4. Осы бұйрықтың орындалуын бақылауды өзіме қалдырамын.
0 Қазақстан Республикасының Президенті белгілеген стипендияларды тағайындау ережесі
Қазақстан Республикасы
Білім және ғылым министрі
міндетін атқарушының
2005 жылғы 4 мамырдағы
N 281 бұйрығымен
бекітілген
Қазақстан Республикасының Президенті белгілеген стипендияларды тағайындау ережесі
1 1. Осы Ереже Қазақстан Республикасының Президенті белгілеген стипендияларды тағайындау тәртібін айқындайды.
2
2. Қазақстан Республикасының Президенті белгілеген стипендия, тиісті білім беру бағдарламаларын меңгерген және ғылыми-зерттеу жұмыстарымен айналысатын, оқудағы және ғылыми зерттеулердегі жетістіктері дипломдармен (немесе басқа да құжаттармен) расталған, республикалық және халықаралық олимпиадалардың, шығармашылық конкурстардың, спорттық жарыстардың, фестивальдардың жеңімпаздары немесе жаңалық ашқан, өнертабыстары мен Қазақстан Республикасының және шетелдердің орталық басылымдарындағы ғылыми мақалалардың авторлары болып табылатын, сондай-ақ білім беру ұйымының қоғамдық мәдени және спорт өміріне белсене араласатын жоғары оқу орындарының күндізгі оқу нысаны бойынша оқытылатын студенттерге 3 курстан бастап, аспиранттарға - бірінші оқу жылынан кейін беріледі.
Қазақстан Республикасы Президентінің стипендиясы кезекті оқу жылына тағайындалады.
3 3. Қазақстан Республикасының Президенті белгілеген стипендия жоғары оқу орнының ректорының немесе ғылыми ұйым директорының бұйрығымен жоғары оқу орындары және ғылыми ұйымдары ғылыми кеңестерінің шешімдері негізінде тағайындалады.
4 4. Қазақстан Республикасы Президенті белгілеген стипендияларды тең жағдайда:
жетім балалар және ата-анасының қамқорынсыз қалған балаларға;
бала жасынан мүгедектерге, мүгедек балаларға басымдылықтар беріледі.