Ауданда қоғамдық жұмыстарды ұйымдастыру туралы от 29.06.2005 г. № 190 (Ауданда қоғамдық жұмыстарды ұйымдастыру туралы)

Ауданда қоғамдық жұмыстарды ұйымдастыру туралы
Қазақстан Республикасының 2001 жыл 23 қаңтардағы «Халықты жұмыспен қамту туралы» №149 Заңының 7, 20 баптарын, Қазақстан Республикасының 2001 жыл 23 қаңтардағы «Қазақстан Республикасындағы жергілікті мемлекеттік басқару туралы» №148-11 Заңының 31 бабын басшылыққа ала отырып, Қазақстан Республикасы Үкіметінің 2001 жыл 19 маусымдағы «Халықты жұмыспен қамту туралы» Қазақстан Республикасының 2001 жылғы 23 қаңтардағы Заңын іске асыру жөніндегі шаралар туралы» № 836 Қаулысын жүзеге асыру мақсатында аудан әкімдігі ҚАУЛЫ ЕТЕДІ:

1. Ауылдық округ әкімдері, мемлекеттік мекеме басшылары азаматтарды уақытша жұмыспен қамтамасыз ету мақсатында 1-қосымшадағы тізімге сәйкес қоғамдық жұмыстарды ұйымдастырсын.

2. Қоғамдық жұмыстардың түрлері 2-қосымшаға сәйкес бекітілсін.

3. Аудан бойынша қоғамдық жұмыстарды ұйымдастыру мен қаржыландырудың Ережесі 3-қосымшаға сәйкес бекітілсін.

4. Қоғамдық жұмыстарды жергілікті бюджеттен қаржыландыру аудандық экономика және қаржы бөліміне (Т.Каюпов) тапсырылсын.

5. Аудандық жұмыспен қамту және әлеуметтік бағдарламалар бөліміне (У.Әбешов) жұмыс берушілермен келісе отырып, қоғамдық жұмыстарды келісім-шарт негізінде ұйымдастыру міндеттелсін.

6. Аудан әкімдігінің 2004 жылғы 16 қаңтардағы «Ауданда қоғамдық жұмыстарды ұйымдастыру туралы» №1 (тіркеу №2480 3.02.2004 жыл, «ауыл айнасы» газеті 2004 жыл 15 наурыз №11), 2004 жылғы 29 сәуірдегі «Аудан әкімдігінің 2004 жылғы 16 қаңтардағы №1 «Ауданда қоғамдық жұмыстарды ұйымдастыру туралы» (тіркеу №2480) қаулысына өзгерістер мен толықтырулар енгізу туралы» № 45 (тіркеу №2681 31.05.2004 жыл, «Ауыл айнасы» газеті 2004 жыл 20 маусым №26) қаулыларының күштері жойылды деп танылсын.

7. Осы қаулының орындалуын бақылау аудан әкімінің орынбасары К.Садбековке жүктелсін.

Аудан әкімдігінің 2005 жылғы
29 маусымдағы № 190
қаулысына 1-қосымша
Қоғамдық жұмыстарды ұйымдастыратын мекемелердің тізімі
1
Казталов ауылдық округі әкімі аппараты
2
Теренкөл ауылдық округі әкімі аппараты
3
Қараоба ауылдық округі әкімі аппараты
4
Қошанкөл ауылдық округі әкімі аппараты
5
Бостандық ауылдық округі әкімі аппараты
6
Бірік ауылдық округі әкімі аппараты
7
Мирон ауылдық округі әкімі аппараты
8
Қайынды ауылдық округі әкімі аппараты
9
Жалпақтал ауылдық округі әкімі аппараты
10
Ақпәтер ауылдық округі әкімі аппараты
11
Қарасу ауылдық округі әкімі аппараты
12
Қараөзен ауылдық округі әкімі аппараты
13
Талдықұдық ауылдық округі әкімі аппараты
14
Талдыапан ауылдық округі әкімі аппараты
15
Көктерек ауылдық округі әкімі аппараты
16
Жаңажол ауылдық округі әкімі аппараты
17
Аудандық ішкі саясат және мәдениет бөлімі
18
Аудандық тәрбие орталығы
19
Аудандық мұрағат бөлімі
20
Аудандық зейнетақы төлеу орталығы
21
Аудандық қорғаныс бөлімі
22
Аудандық аумақтық медициналық бірлестігі
23
Аудандық туберкулез ауруханасы
24
Аудандық жұмыспен қамту және әлеуметтік бағдарламалар бөлімі
25
Аудандық қала құрылысы, құрылыс, тұрғын үй-коммуналдық шаруашылық, жолаушылар көлігі және автомобильдер бөлімі
26
Аудандық білім және спорт бөлімі
27
Аудан әкімі аппараты
28
Аудандық маслихат аппараты
29
Аудандық экономика және қаржы бөлімі
30
Аудандық ауыл шаруашылығы және жер қатынастары бөлімі

2-қосымша
Аудан әкімдігінің 2005 жылғы
29 маусымдағы № 190
қаулысымен бекітілді
Қоғамдық жұмыстардың түрлері.

1. Елді мекендерді абаттандыру, көгалдандыру, санитарлық тазалықтарын сақтау, күл қоқыстарын шығару, мекеме, кәсіпорын аумағын күтіп ұстау, қоршаған ортаны экологиялық жағынан сауықтыру.

2. Өзен-көлдердің маңын қоқыстардан тазарту және ауыз су құдықтарын санитарлық талапқа сай тазартып ұстау.

3. Халық және мал санағын өткізуге көмектесу, әскерге шақырушылардың есебін алуға, басқа да аумақтық қоғамдық жұмыстарды өткізуге көмек көрсету.

4. Мал және өсімдіктер аурулары мен шегірткеге қарсы күрес жұмыстарына қатысу, ауылдық округтердегі мал дәрігерлеріне көмектесу.

5. Балықтарды сақтап қалу мақсатында ойық ою жұмыстарына көмектесу.

6. Тұрғын үй, әлеуметтік сала объектілерінің құрылысын жүргізуге және жөндеу жұмыстарына көмектесу.

7. Саман, пеш тас соғу, қамыс плиталарын дайындауға көмекші.

8. Иесіз қалған өндірістік объектілерді, ғимараттарды бақылауға алу, күзет жұмыстарын ұйымдастыруға көмекші.

9. Әлеуметтік сала мекемелерін қысқа әзірлеу, қи дайындау жұмыстарын жүргізу.

10. Ірі қара малын қолдан ұрықтандыру пункіттеріне көмекші жұмысшылар жіберу.

3-қосымша
Аудан әкімдігінің 2005 жылғы
29 маусымдағы № 190
қаулысымен бекітілді
Аудан бойынша қоғамдық жұмыстарды ұйымдастыру мен қаржыландырудың ЕРЕЖЕСІ

1. Қоғамдық жұмыстар жергілікті бюджет және жұмыс берушілердің өтінімдері бойынша олардың есебінен қаржыландырылады.

2. Қоғамдық жұмыстарға қатысушы жұмыссыздарға Қазақстан Республикасының еңбек, зейнетақымен қамсыздандыру және сақтандыру туралы заңнамалық кесімдері қолданылады.

3. Қоғамдық жұмыстарды нақты қаржыландыру көлемі мен көздері аудандық жұмыспен қамту және әлеуметтік бағдарламалар бөлімі және мекемелермен жасалған келісім-шарт негізінде анықталады.

4. Қоғамдық жұмысқа қатысқан жұмыссыздарға нақты атқарған жұмысына қарай еңбекақы тағайындалады, ол Қазақстан Республикасы бойынша белгіленген ең төменгі жалақы мөлшерінен кем болмауы тиіс.

5. Жұмыссыздарға есептелген жалақыға Қазақстан Республикасындағы қолданылып жүрген заңдарда белгіленген тәртіппен салық салынады.

6. Қоғамдық жұмыстарға қатысушыларға уақытша жұмысқа жарамсыздығы, жарақаттануынан немесе денсаулығының өзге де зақымдануынан келтірілген зиянды өтеу жөніндегі әлеуметтік жәрдемақы төлеуді қолданылып жүрген заңнамаға сәйкес жұмыс беруші жүргізеді.

7. Жұмыс берушілер қоғамдық жұмысқа жолдамамен жіберілген әрбір жұмыссызбен Қазақстан Республикасының «Еңбек туралы» Заңына сәйкес екі жақты жеке келісім шарт жасайды және соның негізінде бұйрық немесе өкім шығарып жұмысқа алады.

8. Қоғамдық жұмыстарды ұйымдастыратын ауылдық округтер әкімдері, мемлекеттік мекеме басшылары әрбір айдың 25-не атқарылған жұмыстар туралы мәліметтер мен хабарламаларын аудандық жұмыспен қамту және әлеуметтік бағдарламалар бөліміне тапсырады.