Об Инструкции по организации и финансированию социальных рабочих мест Күшін жойған

Әлеуметтік жұмыс орындарын ұйымдастыру және қаржыландыру жөніндегі Нұсқаулық туралы Қазақстан Республикасының «Халықты жұмыспен қамту туралы» Занының 18-1 - бабына сәйкес, Қазақстан Республикасының «Қазақстан Республикасындағы жергілікті мемлекеттік басқару туралы» Заңының 31-бабы негізінде Арқалық қаласының әкімдігі ҚАУЛЫ ЕТЕДІ:

1. Әлеуметтік жұмыс орындарын ұйымдастыру және қаржыландыру жөніндегі ұсынылып отырған Нұсқаулық бекітілсін.

2. Арқалық қаласы әкімдігінің қаулыларының күші жойылған деп танылсын:

1) 2003 жылғы 26 ақпандағы № 45 «Әлеуметтік жұмыс орындарын ұйымдастыру және қаржыландыру Ережелері туралы», мемлекеттік тіркеу - нөмірі 2114, «Торғай» газетінің 2003 жылғы 25 сәуірдегі 16 (295) нөмірінде жарияланған;

2) 2005 жылғы 3 мамырдағы № 212 «Арқалық қаласы әкімдігінің 2003 жылғы 26 ақпандағы № 45 «Әлеуметтік жұмыс орындарын ұйымдастыру және қаржыландыру ережелері туралы» қаулысына өзгерістер енгізу туралы», мемлекеттік тіркеу нөмірі 9-3-3, «Арқалық хабары» газетінің 2005 жылғы 17 маусымдағы 24 (46) нөмірінде жарияланған.

3. Осы қаулының орындалуын бақылау қала әкімінің орынбасаоы А.Ж. Шамшинге жүктелсін.

Қостанай облысы Арқалык қаласы әкімдігінің 2006 жылғы 6 ақпандағы № 95 қаулысымен бекітілген Әлеуметтік жумыс орындарын ұйымдастыру және қаржыландыру жөніндегі Нұсқаулық Әлеуметтік жұмыс орындарын ұйымдастыру және қаржыландыру жөніндегі осы Нұсқаулық (бұдан әрі - Нұсқаулық) - халықтың мақсатты топтарының жұмыссыздарын жұмысқа орналастыру үшін әлеуметтік жұмыс орындарын ұйымдастыру және қаржыландыру тәртібін анықтайды, әлеуметтік жұмыс орындарын ұсынатын (меншік түріне қарамастан) ұйымдармен негізгі шарттардың және есеп айырысудың жүйесін реттейді.

Жалпы ережелер

1. Осы Нұсқаулықта пайдаланылатын төмендегі негізгі ұғымдар:

1) әлеуметтік жұмыс орны - жұмыс берушілердің жұмысқа қабылдаған кызметкерлерге еңбекақы төлеген шығынын ішінара өтеп, халықтың нысаналы топтарының ішіндегі жұмыссыз азаматтарды жұмысқа орналастыру үшін жергілікті өкілетті органмен келісім - шарт бойынша беретін жұмыс орны;

2) нысаналы топтар - Қазақстан Республикасының «Халықты жұмыспен қамту туралы» Заңымен белгіленген жұмысқа орналасуда қиындыктар көріп жүрген және әлеуметтік қорғауды қажет ететін адамдар топтары;

3) «жастар практикасы» - бастауыш, орта және жоғары кәсіби білімідері бар, курстық даярлықтың бітірушілерін практикалық тәжірибе, білім, іскерлік пен машықтануларын қалыптастыру мақсатында және мамандықтары бойынша жұмыс стаждары жоқ жастарды әлеуметтік жұмыс орындарына орналастыру.

2. Әлеуметтік жұмыс орындарына жұмысқа орналастырылған жұмыссыздарға Қазақстан Республикасының еңбек, зейнетақымен қаамтамасыз ету және қамсыздандыру туралы заң актілері таратылады.

3. «Арқалық қалалық жұмыспен қамту және әлеуметтік бағдарламалар бөлімі» мемлекеттік мекемесі нысаналы топқа жататын жұмыссыздарға әлеуметтік жұмыс орындарына орналасуға жәрдемдеседі.

Әлеуметтік жұмыс орындарын ұйымдастыру және жұмысқа орналастыру тәртібі

4. Жұмыс берушілер әлеуметтік жұмыс орындарын, жұмыссыздарды уақытша жұмыс орындарына жергілікті бюджет есебінен ішінара өтемақы төлеу арқылы еңбекақы төлеудің өзіндік қаржысы есебінен ұсынады немесе кұрады.

5. «Арқалық қалалық жұмыспен қамту және әлеуметтік бағдарламалар бөлімі» мемлекеттік мекемесі жұмыссыздарды әлеуметтік жұмыс орындарына қабылдауға жұмыс берушілермен келісім - шарт жасасады.

6. Жұмыссыздарды әлеуметтік жұмыс орындарына жұмысқа орналастыруды және олардың еңбегіне ақы төлеуге белгіленген бюджет қаражатын тиімді пайдалануды қамтамасыз ету мақсатында іріктеу комиссиясы жазбаша келісім негізінде халықтың нысаналы топтарының жұмыссыздарын әлеуметтік жұмыс орындарына орналастыру үшін әлеуметтік жұмыс орындарын ұсынған жұмыс берушілерді іріктейді.

7. Жұмыссыздарды әлеуметтік жұмыс орындарына жұмысқа орналастыру әлеуметтік жұмыс орындарының саны мен келісімдегі мамандықтарға байланысты екі жақтын міндеттері айтылып, жұмыс түрлері мен көлемдері, еңбекке ақы төлеудің мөлшері мен шарттары, мерзімі мен қаржыландыру көздері көрсетіліп әАрқалық қалалық жұмыспен қамту және әлеуметтік бағдарламалар бөлімі» мемлекеттік мекемесі жолдамасымен жүзеге асырылады.

8. Әлеуметтік жұмыс орындарына жұмысқа орналасуға нысаналы топтарға жататын аз қамтылган жұмыссыздар басымдық құқыққа ие.

Әлеуметтік жұмыс орындарын қаржыландыру көздері мен шарттары

9. Жұмыс берушілер әлеуметтік жұмыс орындарына жұмысқа қабылданған жұмыссыздарға жеке еңбек шартына сәйкес және орындалған жұмыстын түрі мен санына байланысты ай сайын еңбекақы төлейді.

10. Әлеуметтік жұмыс орындарына жұмысқа орналастырылған жұмыссыздардың еңбек ақысына төленген жұмыс берушілердің шығыны жергілікті бюджеттен ең төменгі жалақының 50 пайызы көлемінде («жастар практикасына» орналастырылғандарға ең төменгі жалақы көлемінде) алты ай мерзімге дейін өтеледі. Мұның сыртында әлеуметтік жұмыс орындарына жұмысқа орналасқан жұмыссыздардың жеке шоттарына еңбекақы есептеу бойынша әлеуметтік салықты, әлеуметтік шегерімдерді және банк қызметін аудару жөніндегі жұмыс берушінің шығындары өтеледі. Бюджет қаражаты аударма арқылы жұмыс берушінің есеп айырысу шотына аударылады.

11. Әлеуметтік жұмыс орындарына жұмысқа орналастырылған жұмыссыздарға жергілікті бюджеттен төленген еңбекақыға заңнамада белгіленген тәртіппен салық салынады.

12. Әлеуметтік жұмыс орындарына жұмысқа орналастырылған жұмыссыздардың еңбекақысы нақты жұмыс көлемін орындағаны үшін төленеді.

13. Жұмыс берушілер жергілікті бюджеттен түскен ақшаны әлеуметтік жұмыс орындарына жұмысқа қабылданған жұмыссыздарға еңбекақы төлеуге кеткен шығындарын өтеуге пайдаланады.

Әлеуметтік жұмыс орындарын ұйымдастыру және қаржыландыру тәртібін бақылау

14. Әлеуметтік жұмыс орындарын ұйымдастыру және қаржыландыру нұсқаулығының орындалуына бақылау жасауды заңнамада белгіленген тәртіппен мемлекеттік органдар жүзеге асырады.