Приозерск қаласында мысықтарды және иттерді күтіп-ұстау Қағидасын бекіту туралы от 27.03.2006 г. № 165/30 (Приозерск қаласында мысықтарды және иттерді күтіп-ұстау Қағидасын бекіту туралы)

Приозерс қаласында мысықтарды және иттерді күтіп – ұстау Қағидасын бекіту туралы
«Әкімшілік құқық бқзышылық туралы» Қазақстан Республикасы Кодексінің 311, 543 баптарына, «Қазақстан Республикасындағы жергілікті мемлекеттік басқару туралы» Қазақстан Республикасы Заңының 6 бабының 8 тармағына, және «Ветеринария туралы» Қазақстан Республикасының Заңына сәйкес қалалық Мәслихат ШЕШІМ ЕТТІ:

1. Приозерск қаласында мысықтарды және иттерді күтіп – ұстау Қағидасы бекітілсін (қосымша).

2. Осы шешімнің орындалуын бақылау қалалық Мәслихаттың тұрақты комиссиясына жүктелсін.
«КЕЛІСІЛДІ»:
Ауыл шаруашылығы бөлімінің
бастығы
А. Исатаев
«24» наурыз 2006 жыл.
Жер қатынастары бөлімінің
бастығы
Т.Айдарханов
«24» наурыз 2006 жыл.
Приозерск қалалық аумақтық
басқармасының бастығы
Б.Сәрсембеков
«24» наурыз 2006 жыл.
Қарағанды облысы Приозерск
қалалық 4 ішкі істер бөлімінің бастығы
Н.Ли
«24» наурыз 2006 жыл.
Приозерск қаласының мемлекеттік
санитарлық – эпидемиологиялық
қадағалау Департаменті
филиалының бастығы
Л.Батанаева
«24» наурыз 2006 жыл.
Приозерск қаласының сәулет
және қала құрылыс бөлімі
бастығының міндетін
уақытша атқарушы
А.Кунесбаев
«24» наурыз 2006 жыл.

Приозерск қалалық мәслихаттың
2006 жылғы 27 наурыздағы
№ 165\30 шешімімен бекітілген
Приозерск қаласында мысықтарды және иттерді күтіп ұстау
ҚАҒИДАСЫ

1. Жалпы ережелер

1. Осы қағидалар қалалық Мәслихат бекіткеннен кейін өз қызметін қала аумағында жүзеге асыратын, немесе қала аумағында тұратын жеке меншіктің барлық түріндегі заңды және жеке тұлғалар үшін міндетті болып табылады.

2. Мысықтар мен иттерді күтіп ұстау қағидасының орындалуын бақылау Қазақстан Республикасының «Әкімшілік құқық бұзушылық туралы» кодексінің 311, 543 баптарына сәйкес тиісті уәкілетті органға (ішкі істер бөліміне) жүктеледі.

2. Сысықтарды және иттерді күтіп ұстау

3. Инфекцияға қарсы сақтандыру және ауруға қарсы алдын ала қолданатын шаралар жүргізу және есепке алу мақсатында оларды Қазақстан Республикасының ауыл шаруашылық Министрлігінің аумақтық басқармасының қалалық мал дәрігерлік тіркеуге міндетті.

4. Рұқсат етіледі:

1) мал дәрігерлік және санитарлық – эпидемиологиялық қызметтердің рұқсатымен зообұрыштарда, сауақтыру мекемелерінде масықтарды және иттерді ұстауға;

2) мысықтар және иттерді байлауда және қоршаған, оңашаланған аумақтарда еркін қыдыртуға;

3) мекемелер мен ұйымдарда күзетші иттерді тек қана байлауда ұстауға;

4) адамдардың қауіпсіздігін міндетті түрде қамтамасыз ете отырып, мал отарларында және табындарда, оқу – жаттықтыру алаңдарында иттерді тұмсық торсыз және байлаусыз ұстауға;

5) жалпы пайдаланудағы орындарға иттерді қысқа қарғы баумен (ұзындығы 1 метрге дейін), тұмсық тормен шығаруға;

6) тұмсық тормен және қысқа қарғы баумен арайы белгіленген жерлерге, бос жерлерге қыдыртуға.
Қыдырту орындарын Приозерск қаласының сәулет және қала құрылыс бөліміне белгілейді;

7) адамдардың қауіпсіздігін міндетті түрде қамтамасыз ете отырып көлік түріне тиісті тәртәпке сәйкес мысықтар мен иттерді қоғамдық көліктерде алып жүруге;

8) көршілерінің медициналық жақпайтын көрсеткіші болмаса және олардың келісімімен, туысқандық қарым – қатынасы жоқ, екі және одан артық отбасылары (жанұялар) тұратын тұрғын үйлерде соның ішінде пәтерлерде иттер ұстауға.

5. Жол берілмейді:

1) егерде мысықтар мен иттер үйлердің жабық кіріс жолын (подъездің) және екі сатының арасын, лифттерді, сол сияқты спорт, балалар алаңдарын, газондарды, көшенің жаяу адамдар жүретін бөлігін (тратуарларды), серуен құру, тынығу мақсатымен табиғи немесе қолдан орнатылған жасыл желекті демалыс орындарда (парктерде) нәжістерін қалдырса, оны иелері тазартуға тиіс;

2) мал дәрігерлік қызметінің рұқсатынсыз иттер төбелесін өткізуге;

3) жалпы пайдаланымдағы жерлер мен саябақтағы, спрот ойыны үшін істелген арнаулы алаңдарды, парктерді, жағауларды тұмсық торсыз және қысқа қарғы баусыз пайдалануға;

4) кәмелетке толмаған 14 жасқа дейінгі тұлғалардың ірі иттерді қыдыртуына;

5) су қоймаларында мысықтар мен иттерді шомылдыруға;

6) қоғамдық тармақтандыру және азық-түлік сатылатын нысандарда ит пен мысықтар ұстауға.

6. Елді мекендер аумағында иесіз мысықтар мен иттер қаңғыбас болып саналады және арнайы қызметтердің аулауына жатады.

7. Қанғыбас мысықтар мен иттерді аулауды коммуналдық – шаруашылық кәсіпорындар жүргізеді.

3. Осы ережелерді бұзғандығы үшін жаупкершілік

8. Осы ережелерді бұзғаны үшін Қазақстан Республикасының «Әкімшілік құқық бұзышылық туралы» Кодексіне (311, 543 баптары) қарастырылған санкциялар қолданылады.