Жангелдин ауданының әкімшілік-аумақтық құрылымына өзгертулер енгізу туралы Күшін жойған

Жангелдин ауданының әкімшілік-аумақтық құрылымына өзгертулер енгізу туралы Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» Заңының 6-бабы, 1-тармағының 4) тармақшасына және Қазақстан Республикасының 1993 жылғы 8 желтоқсандағы «Қазақстан Республикасының әкімшілік -аумақтық құрылысы туралы» Заңының 3, 8, 12-баптарына сәйкес Жангелдин аудандық мәслихаты мен Жангелдин ауданының әкімдігі ШЕШТІ және ҚАУЛЫ ЕТТІ:

1. Қостанай облыстық мәслихаты мен Қостанай облысы әкімдігінің қарауына төменгі ұсыныстар енгізілсін: Тұрғындары басқа жерге қоныс аударуына байланысты Жангелдин ауданы бойынша төмендегі елді - мекендер таратылсын: - Саға ауылдық округінің Алтынсарин селосы; - Сужарған ауылдық округінің Бәйтемір селосы; - Амангелді ауылдық округінің Құмкөл селосы; - Қалам - Қарасу ауылдық округінің Жаңақұрылыс селосы; - Жангелдин ауылдық округінің Қуат селосы; - Албарбөгет ауылдық округінің Қарақоға селосы.

2. Жангелдин ауданының төмендегі ауылдық округтері селолар санатына өзгертілсін: - Сужарған ауылдық округі - Сужарған селосы; - Жангелдин ауылдық округі - Аралбай селосы болып қайта құрылсын.

3. Жангелдин ауданы Амангелді ауылдық округінің шекаралары өзгертіліп, құрамына жер пайдалану шекараларының шегінде Жаңақұрылыс селосының (жалпы аумағы 3929 гектар) аумағы қосылсын.

4. Жангелдин ауданы Албарбөгет ауылдық округі Көлқамыс селосының шекаралары өзгертіліп, құрамына жер пайдалану шекараларының шегінде Қарақоға селосының (жалпы аумағы 5449 гектар) аумағы қосылсын.

5. Таратылған әкімшілік-аумақтық бірліктер Жангелдин ауданының әкімдігімен Жангелдин ауданының мәліметтер есебінен шығарылсын.