Ауылшаруашылығы мақсатындағы және елді мекендерден тыс орналасқан өнеркәсіп жерлеріне салынатын салық ставкалары туралы от 15.12.2006 г. № 301-XXXIY (Ауылшаруашылығы мақсатындағы және елді мекендерден тыс орналасқан өнеркәсіп жерлеріне салынатын салық ставкалары туралы)

Ауылшаруашылығы мақсатындағы және елді мекендерден тыс орналасқан өнеркәсіп жерлеріне салынатын салық ставкалары туралы
Қазақстан Республикасының 2001 жылғы 23 қаңтардағы №148-II «Қазақстан Республикасындағы жергілікті мемлекеттік басқару туралы» Заңының 6-бабының 1-тармағының 13), 15) тармақшаларын басшылыққа алып, «Салық және бюджетке төленетін басқа да міндетті төлемдер туралы» Қазақстан Республикасының 2001 жылғы 12 маусымдағы №209 Кодексінің (Салық кодексі) 338-бабының 1-тармағына сәйкес және Құрманғазы ауданы бойынша салық комитетінің 2006 жылғы 30 қазандағы №1464 ұсынысы негізінде аудандық мәслихат ШЕШІМ ЕТТІ:

1. Салық кодексінің 329-бабымен белгіленген ауылшаруашылығы мақсатындағы жерлерге және 334-бабымен белгіленген елді мекендерден тыс орналасқан өнеркәсіп жерлеріне салынатын салық ставкалары аудан бойынша 50 пайыз мөлшерінде өсірілсін.

2. Аудандық мәслихаттың 2005 жылғы 2 желтоқсандағы №186-XXIY «Ауылшаруашылығы мақсатындағы және елді мекендерден тыс орналасқан өнеркәсіп жерлеріне салынатын салық ставкалары туралы» (2005 жылы 25 желтоқсанда №4-8-38 мемлекеттік тіркелген) шешімінің күші 2007 жылдың қаңтарынан бастап жойылсын.

3. Осы шешімнің орындалуын бақылау аудандық мәслихаттың экономика, бюджет және салық саясаты жөніндегі тұрақты комиссияға (Ш.Жәлелов) тапсырылсын.
Келісілді:
-Құрманғазы ауданы бойынша
салық комитетінің төрағасы
Ғ.Мырзағалиев