Білім беру ұйымдарының күндізгі оқу нысанынды оқитындар мен тәрбиеленушілерге қоғамдық көлікте (таксиден басқа) жүру үшін жеңілдік беру туралы Қолданыста

Білім беру ұйымдарының күндізгі оқу нысанынды оқитындар мен тәрбиеленушілерге қоғамдық көлікте (таксиден басқа) жүру үшін жеңілдік беру туралы Қазақстан Республикасы «Қазақстан Республикасындағы жергілікті мемлекеттік басқару туралы» Занының 6 бабына және «Қазақстан республикасындағы мемлекеттік жастар саясаты туралы» Занының 6 бабының 4 тармағына сәйкес, Атырау қалалық Мәслихаты ШЕШІМ ЕТЕДІ:

1. Білім беру ұйымдарының күндізгі оқу нысанында оқитындар мен тәрбиенушілерге қоғамдық көлікте (таксиден басқа) жүру үшін жеңілдік берілсін.

2. Қоғамдық көлікте (таксиден басқа) жүруге жеңілдік қала аумағындағы күндізгі оқу нысанында білім алушылардың төмендегідей санаттарына:

1) жоғары оқу орындарында оқитындарға;

2) арнаулы орта оқу орындарында оқитындарға;

3) кәсіптік мектептер мен лицейлерде оқитындарға қолданылады.

3. Осы шешім 2007 жылдың 1 сәуірінен бастап күшіне енгізілсін.

4. Осы шешімнің орындалуына бақылау жасау қалалық Мәслихаттың тұрғындарды әлеуметтік қорғау, денсаулық сақтау, білім, мәдениет және жастар ісі жөніндегі тұрақты комиссиясына (Г. Жәкиеваға) жүктелсін.