Ақылы қоғамдық жұмыстарға қатысушылардың еңбегіне төленетін ақы мөлшерлері туралы Қолданыста

Ақылы қоғамдық жұмыстарға қатысушылардың еңбегіне төленетін ақы мөлшерлері туралы Қазақстан Республикасының «Халықты жұмыспен қамту туралы» Заңын, Маңғыстау облысы әкімиятының «Қазақстан Республикасы Үкіметінің 2001 жылғы 19 маусымдағы №836 «Халықты жұмыспен қамту туралы» Қазақстан Республикасының 2001 жылғы 23 қаңтардағы Заңын іске асыру жөніндегі шаралар туралы» 2001 жылғы 27 тамыздағы № 16 қаулысын басшылыққа ала отырып, аудан әкімдігі ҚАУЛЫ ЕТЕДІ:

1. Ақылы қоғамдық жұмыстарға қатысушылардың еңбегіне төленетін ақы аудандық бюджеттен ең төменгі еңбек ақының 130 пайызы болып белгіленсін.

2. Қоғамдық еңбек қызметінің түрлерін ұйымдастыру село әкімдеріне және жіберілетін ұйымдарға тапсырылсын.

3. Жұмыссыздардың қоғамдық жұмысқа сұранысына қарай жедел жіберілуін ұйымдастыру аудандық жұмыспен қамту және әлеуметтік бағдарламалар бөлімінің жетекшісіне (Д.Садықов) тапсырылсын.

4. Қоғамдық жұмыстарда істейтін жұмыссыздардың еңбегін қаржыландыру аудандық экономика және бюджеттік жоспарлау бөлімінің жетекшісіне (С.Қани) жүктелсін.

5. Қоса беріліп отырған ақылы қоғамдық жұмыстарды қаржыландырудың тәртібі мен шарттары туралы Ереже және қоғамдық жұмыстарға жіберілетін мекемелер тізбесі мен қаражат көлемі бекітілсін. (Жалғанды № 1,2 қосымша)

6. Осы қаулының орындалысын бақылау аудан әкімінің орынбасары А.Досанова міндеттелсін. Келісілді: Аудан әкімінің орынбасары: 10.01.2007 ж. Досанова Айкүміс Сәрсенғалиқызы Аппарат басшысы: 10.01.2007 ж. Мыңбаев Қуанғалиқызы Мәткерімұлы Аппарат заңгері: 10.01.2007 ж. Мөлдір Алтынбай Ғалымжанқызы Аудандық экономика және қаржы бөлімінің жетекшісі: Қани Сара Құлмырзақызы 10.01.2007 ж. Орын. Аудандық жұмыспен қамту және әлеуметтік бағдарламалар бөлімінің жетекшісі: Садыков Демеген Мертеұлы 10.01.2007 ж.