Материалдық көмек көрсету туралы Күшін жойған

Материалдық көмек көрсету туралы Қазақстан Республикасының «Қазақстан Республикасындағы жергілікті жергілікті мемлекеттік басқару туралы» Заңының 31 бабының 1 тармағының 14 тармақшасына сәйкес, аудан әкімдігі ҚАУЛЫ ЕТЕДІ:

1. Теректі ауданының жұмыспен қамту және әлеуметтік бағдарламалар бөліміне Теректі ауданының аумағында тұрақты тұратын Қазақстан Республикасының азаматтарына материалдық көмек көрсету, төменде көрсетілген азаматтарға рұқсат етілсін:

1) аз қамтылған отбасыларға, көп балалы отбасыларға жылына бір рет отбасының табыстарына қарамастан 10 айлық есептік көрсеткіштен артық емес көлемде, материалдық көмек көрсетілсін;

2) аз қамтылған отбасыларға, жылына бір рет отбасының табыстарына қарамастан, 20 айлық есептік көрсеткіштен артық емес көлемде, емделуге материалдық көмек көрсетілсін;

3) жерлеуге төленетін материалдық көмек, азамат қайтыс болған жағдайда, оның отбасына немесе жерлеуді жүзеге асыратын адамға отбасының табыстарына қарамастан, 10 айлық есептік көрсеткіштен артық емес көлемде материалдық көмек көрсетілсін;

4) бейбіт уақытыңда әскери қызметін өткеру кезінде қаза тапқан (қайтыс болған) әскери қызметшілердің отбасыларына, отбасының табысына қарамастан ай сайын 1000 теңге мөлшерінде материалдық көмек көрсетілсін.

2. Осы қаулының орындалуын бақылау аудан әкімінің орынбасары Жармұхамбетов Ермек Амантайұлына жүктелсін.