О проведении приписки граждан к призывным участкам
Деректемелер және дереккөз
- Толық атауы
- О проведении приписки граждан к призывным участкам
- Атауы (қаз.)
- Азаматтарды тiркеуге алуды өткiзу туралы
- Акт түрі
- Өзге акт
- Заңдық күші
- Қолданыста
- Тізілімдегі мәртебе коды
- new
- Нөмірі
- 41
- Қабылданған күні
- 17.10.1995
- Көрсетілген редакция
- 17.10.1995 352_265632.kaz
- Соңғы өзгеріс
- 17.10.1995
- Мәтін тілі
- қазақша
- НҚА мемлекеттік тіркеу нөмірі
- V95U0000002
- ЭКБ идентификаторы
- 352
- Редакция идентификаторы
- 352_265632
- Бастапқы дереккөз
- ЭКБ zan.gov.kz (API)
- Деректер жаңартылды
- 05.08.2026 02:30
0 Азаматтарды тiркеуге алуды өткiзу туралы
Қазақстан Республикасының 1993 жылғы 19 қаңтардағы "Жалпыға бiрдей әскери мiндеттiлiк пен әскери қызмет туралы" Заңының 12 бабына сәйкес:
1. 1977 жылы туылған азаматтарды шақыру учаскелерiне тiркеуге алу 1996 жылдың қаңтар-наурыз айларында өткiзiлсiн.
2. Қалалар мен аудандардың әкiмдерi, тұрғын үйдi пайдалануға беру ұйымдары, меншiк нысанына қарамастан кәсiпорындар, мекемелер мен ұйымдар, үй иелерi 1995 жылғы 1 желтоқсанға дейiн шақыру учаскелерiне тiркелуге тиiстi жасөспiрiмдердiң тiзiмiн қалалық, аудандық әскери комиссариаттарға берсiн.
3. Меншiк нысанына қарамай кәсiпорын, ұйым және мекеме басшылары шақырылуға дейiнгiлердi әскери есепке алуға байланысты қажеттi мiндеттерiн өтеу үшiн еңбекақысын /стипендиясын/ сақтап, оларды жергiлiктi жерлердегi тұрақты жұмысынан /оқуынан/ босатсын.
4. Облыстық әкiмшiлiктiң денсаулық сақтау департаментi /Момынов/ қалалық және аудандық әкiмшiлiктердiң өтiнiштерi бойынша аудандардың медициналық комиссияларын дәрi-дәрмекпен,құрал-жабдықтармен жабдықтасын, дәрiгер-мамандар жетiспейтiн жерге дәрiгерлер жiберсiн. Жасөспiрiмдердi тiркеу кезiнде медициналық куәландырудан сапалы өтуiне бақылау жасауды ұйымдастырсын және анықталған науқастардың емделуiн қамтамасыз етсiн.
5. Облыс әкiмшiлiгiнiң бiлiм департаментi /Байғұтов/ облыс оқу орындарында оқитын жасөспiрiмдердi тiркеудi өткiзудi ұйымдастыру бойынша әскери комиссариаттарға ықпалды көмек көрсетсiн.
6. Облыс әкiмшiлiгiнiң саяхат, дене тәрбиесi және спорт басқармасы /Бектаев/ тiркеуге алу барысында ГТО нормативтерiне сәйкес жастардың физикалық жағынан даярлық деңгейiн тексерудi ұйымдастырсын, оқу орындары мен аудандардағы бұқаралық-спорт жұмыстарының жағдайына талдау жасасын.
7. Облыстық ДОСААФ комитетi /Шаңбаев/ әскери комиссариаттармен бiрлесiп әскери мамандықтар бойынша ДОСААФ ұйымдарында оқу үшiн үмiткерлердi анықтау жөнiндегi жұмыстарды жүргiзсiн.
8. Облыс әкiмшiлiгiнiң iшкi iстер басқармасы /Сұлтанов/ әскери комиссариаттарды қылмысты жауапкершiлiкке тартылған, құқық бұзушылыққа бейiм 1979 жылы туылған жасөспiрiмдер жайында жеткiлiктi хабарлармен қамтамасыз етсiн және iшкi iстер әскерлерiнде қызмет көрсету үшiн шақырушыларды iрiктеуге ат салыссын.