Об утверждении перечня бюджетных инвестиционных проектов (программ), не требующих разработки технико-экономического обоснования

Күшін жойған Қаулы ·№ 1254 · 14.08.2026 жағдай бойынша

Деректемелер және дереккөз

Толық атауы: Об утверждении перечня бюджетных инвестиционных проектов (программ), не требующих разработки технико-экономического обоснования
Атауы (қаз.): Техникалық-экономикалық негіздеме әзірлеу талап етілмейтін бюджеттік инвестициялық жобалардың (бағдарламалардың) тізбесін бекіту туралы
Акт түрі: Қаулы
Заңдық күші: Күшін жойған
Тізілімдегі мәртебе коды: yts
Нөмірі: 1254
Қабылданған күні: 21.12.2007
Көрсетілген редакция: 29.12.2009 AI36167_4.kaz
Соңғы өзгеріс: 29.12.2009
Мәтін тілі: қазақша
НҚА мемлекеттік тіркеу нөмірі: P070001254_
ЭКБ идентификаторы: 36167
Редакция идентификаторы: AI36167_4
Бастапқы дереккөз: ЭКБ zan.gov.kz (API)
Деректер жаңартылды: 03.08.2026 14:31

0 Техникалық-экономикалық негіздеме әзірлеу талап етілмейтін бюджеттік инвестициялық жобалардың (бағдарламалардың) тізбесін бекіту туралы

Қазақстан Республикасы Бюджет кодексінің 150-бабы 14-тармағына сәйкес Қазақстан Республикасының Үкіметі ҚАУЛЫ ЕТЕДІ:

1 1. Қоса беріліп отырған техникалық-экономикалық негіздеме әзірлеу талап етілмейтін бюджеттік инвестициялық жобалардың (бағдарламалардың) тізбесі бекітілсін.

2 2. Осы қаулы ресми жарияланған күнінен бастап қолданысқа енгізіледі.

3 Техникалық-экономикалық негіздеме әзірлеу талап етілмейтін бюджеттік инвестициялық жобалардың (бағдарламалардың) тізбесі

Қазақстан Республикасы
Үкіметінің
2007 жылғы 21 желтоқсандағы
N 1254 қаулысымен
бекітілген
Техникалық-экономикалық негіздеме әзірлеу талап етілмейтін бюджеттік инвестициялық жобалардың (бағдарламалардың) тізбесі

1 1. Әлеуметтік-мәдени мақсаттағы объектілерді салуды көздейтін жобалар, оның ішінде:

1 1) 250 оқушыға дейінгі жалпы білім беретін орта мектептер салу;

2 2) 300, 600, 900, 1000, 1200 оқушыға арналған орта мектептер салу;

3 3) 280 орынға дейінгі мектепке дейінгі балалар мекемелерін салу;

4 4) 500 оқушыға дейінгі мектеп-интернаттарын салу;

5 5) дәрігерлік амбулаториялар салу;

6 6) медициналық пунктер салу;

7 7) перзентхана бөлімшесі бар 180 төсекке арналған көп бейінді ауруханалар салу;

8 8) қоса алғанда 300 төсекке дейінгі көп бейінді ауруханалар салу;

9 9) қоса алғанда 200 төсекке дейінгі көп бейінді балалар ауруханаларын салу;

10 10) қоса алғанда 100 төсекке дейінгі ауылдық ауруханалар салу;

11 11) 60 төсекке арналған перзентханалар салу;

12 12) ауысымында 250 адам қабылдайтын аудандық емханалар салу;

13 13) ауысымында 500 адам қабылдайтын қалалық емханалар салу;

14 14) қоса алғанда 100 төсекке және ауысымында 150 адамға дейін қабылдайтын туберкулезге қарсы диспансерлер салу;

15 15) жылына 20000 литрге дейін дайындау көлемі бар қан орталықтарын салу;

16 16) ауысымында 100 адам қабылдайтын емханалары бар 60 төсек-орындық госпитальдар салу;

17 17) әскери қалашықтар аумағында пәтер үлгісіндегі 100 бөлмеге арналған үлгі жатақханалар салу;

18 18) әскери қалашықтар аумағында үлгі 120 пәтерлік тұрғын үйлер салу;

19 19) қалыпты геологиялық жағдайдағы аудандар үшін биіктігі - қоса алғанда 5 қабатқа дейінгі көп функционалды қоғамдық, сондай-ақ жеке тұрған әкімшілік, қызметтік-басқару және мәдени-ағарту ғимараттарын (бір мезгілде 300-ден аспайтын адам болатын) салу;

20

20) сейсмикалық белсенділігі жоғары (7 және одан жоғары балл) немесе құрылыс кезінде арнайы жобалау шешімдері мен іс-шараларды талап ететін өзге де айрықша геологиялық (гидрогеологиялық) және геотехникалық жағдайдағы аудандар үшін - биіктігі қоса алғанда 3 қабатқа дейінгі көп функционалды қоғамдық, сондай-ақ жеке тұрған әкімшілік, қызметтік-басқару және мәдени-ағарту ғимараттарын салу;

21 21) қалыпты геологиялық жағдайдағы аудандар үшін - сыйымдылығы 300-ден аспайтын көрерменге арналған спорттық-ойын-сауық ғимараттары және залы бар жабық құрылыстар салу;

22

22) сейсмикалық белсенділігі жоғары (7 және одан жоғары балл) немесе құрылыс кезінде арнайы жобалау шешімдері мен іс-шараларды талап ететін өзге де айрықша геологиялық (гидрогеологиялық) және геотехникалық жағдайдағы аудандар үшін - сыйымдылығы 100-ден аспайтын көрерменге арналған спорттық-ойын-сауық ғимараттары және залы бар жабық құрылыстар салу;

23 23) әскери қалашықтар аумағында қызмет көрсету күніне 240 адамға дейінгі үлгі спорт кешендерін салу;

24 24) республикалық және облыстық маңызы бар аудандарда, қалаларда 320 адам өткізу қабілеті бар дене шынықтыру-сауықтыру кешендерінің объектілерін салу;

25 25) тәулігіне қоса алғанда 100 жолаушыға дейінгі өткізу қабілеті бар темір жол вокзалдарын салу;

26 26) қоса алғанда 75 адамға дейінгі күту залдары бар сапаржайлар салу;

27 27) авиажолаушыларға қызмет көрсетуге арналған, сағатына қоса алғанда 75 жолаушыға дейінгі өткізу қабілеті бар әуевокзалдары мен әуежай терминалдарын салу;

28 28) қоса алғанда 75 адамға дейінгі күту залдары бар теңіз және өзен вокзалдарын (жүзетін айлақтарды және дебаркадерлерді қоспағанда) салу;

29 29) сыйымдылығы 25 автомобильден аспайтын жеке тұрған бір қабатты (жер үстіндегі немесе жер астындағы) гараж-тұрақтарын салу.

2 2. Қоғамдық және әкімшілік мақсаттағы объектілерді салуды көздейтін жобалар, оның ішінде:

1 1) облыс орталықтарында, Астана және Алматы қалаларында халыққа қызмет көрсету орталықтарын салу;

2 2) 30 жұмыс орнына дейін Қазақстан Республикасы салық органдарының ақпаратын қабылдау және өңдеу орталықтарын салу;

3 3) аумақтық қазынашылық бөлімшелерін орналастыру үшін үлгі ғимараттар салу.

3 3. Үлгі жобалық шешімдерді қолдануды көздейтін құқық тәртібі, өрт, фито-санитарлық, ветеринарлық және өзге де қауіпсіздікті қамтамасыз ету жөніндегі объектілер салуды көздейтін жобалар, оның ішінде:

1 1) желілік ішкі істер бөлімдерін орналастыру үшін 75, 150, 470 орынға арналған ғимараттар (кешендер) салу;

2 2) аудандық ішкі істер бөлімдерін орналастыру үшін 75, 150, 470 орынға арналған ғимараттар (кешендер) салу;

3 3) табиғат қорғау мекемелерінің мемлекеттік инспекторлары үшін қызметтік кордондар салу;

4 4) табиғат қорғау мекемелерінің бақылау-өткізу пункттерін салу;

5 5) табиғат қорғау мекемелерінің өртті қадағалау мұнараларын салу;

6 6) табиғат қорғау мекемелерінің өрт-химия станцияларын салу;

7 7) түзеу мекемелерін қорғау жөніндегі ішкі әскерлердің әскери қызметшілерін орналастыру үшін объектілер салу;

8 8) генетикалық түрлендірілген организмдерді зерттейтін ветеринариялық зертхана салу.

4 4. Ауылдық елді мекендерді ауыз сумен жабдықтау объектілерін қайта жаңартуды көздейтін жобалар.

5 5. Автомобиль жолдарының қолданыстағы учаскелерін қайта жаңартуды көздейтін жобалар.

6 6. Ғимараттар мен құрылыстардың сейсмикалығын күшейтуді көздейтін жобалар.