Об оказании единовременной социальной помощи ко Дню инвалида

Қолданыста Қаулы № 17 21.09.2026 жағдай бойынша

Деректемелер және дереккөз

Толық атауы: Об оказании единовременной социальной помощи ко Дню инвалида
Атауы (қаз.): Мүгедек күніне қарсы біржолғы әлеуметтік көмек көрсету туралы
Акт түрі: Қаулы
Заңдық күші: Қолданыста
Тізілімдегі мәртебе коды: new
Нөмірі: 17
Қабылданған күні: 21.01.2008
Қолданысқа енгізілген күні: 01.01.2008
Көрсетілген редакция: 21.01.2008 37552_324123.kaz
Соңғы өзгеріс: 21.01.2008
Мәтін тілі: қазақша
НҚА мемлекеттік тіркеу нөмірі: V08NL000066
ЭКБ идентификаторы: 37552
Редакция идентификаторы: 37552_324123
Бастапқы дереккөз: ЭКБ zan.gov.kz (API)
Деректер жаңартылды: 03.08.2026 14:12

21.09.2026 жағдай бойынша қолданыста болған редакция: 21.01.2008. Бұл — корпустағы соңғы редакция.

Мүгедек күніне қарсы біржолғы әлеуметтік көмек көрсету туралы

Қазақстан Республикасының «Қазақстан Республикасында жергілікті мемлекеттік басқару туралы» Занының 31-бабы 1-тармағының 14) тармақшасына, Қазақстан Республикасының «Қазақстан Республикасында мүгедектерді әлеуметтік қорғау туралы» Заңының 16-бабына, және де «Жергілікті өкілетті органдардың шешімдері бойынша азаматтардың жекелеген санаттарына әлеуметтік төлемдер» бюджеттік бағдарламасын жүзеге асыру мақсатында, Қарабалық ауданының әкімдігі ҚАУЛЫ ЕТЕДІ:

1. Мүгедек күніне қарсы 18 жасқа дейінгі мүгедек-балаларға және 1 топтағы мүгедектерге біржолғы әлеуметтік көмек (әрі қарай - әлеуметтік көмек) көрсетілсін:

әлеуметтік көмек тағайындау және төлеу жөнінде уәкілетті орган болып «Қарабалық ауданының жұмыспен қамту және әлеуметтік бағдарламалар бөлімі» мемлекеттік мекемесі (бұдан әрі - уәкілетті орган) анықталсын;
әлеуметтік көмек бюджетпен қарастырылған қаржы шегінде бір мың теңге мөлшерінде төленеді;
әлеуметтік көмекті төлеу екінші деңгейлі банктер немесе банктік операциялардың тиісті түрлеріне Қазақстан Республикасы Ұлттық банкісінің лицензиясы бар ұйымдар арқылы алушының дербес шотына ақшалай қаражатты аудару жолымен уәкілетті органның тізімі бойынша жүргізіледі.

2. Қосымшаға сәйкес уәкілетті органға әлеуметтік көмекті тағайындау үшін қажетті құжаттардың тізімі бекітілсін.

3. Қарабалық ауданы әкімдігінің 2007 жылғы 1 ақпандағы № 55 «Мүгедек күніне қарсы 18 жасқа дейінгі мүгедек-балаларға біржолғы әлеуметтік көмек көрсету туралы», 2007 жылғы 21 ақпандағы мемлекеттік тіркеу нөмірі 9-12-32 қаулысының күші жойылды деп есептелсін.

4. Осы қаулының орындалуына бақылау аудан әкімінің орынбасары М.А. Исенбаевқа жүктелсін.

5. Осы қаулы 2008 жылдың 1 қаңтарынан бастап қолданысқа енеді.

Әлеуметтік көмекті тағайындау үшін қажетті құжаттардың тізімі

Қарабалық ауданы әкімдігінің

2008 жылғы 21 қаңтардағы

№ 17 қаулысына

қосымша

Әлеуметтік көмекті тағайындау үшін қажетті құжаттардың тізімі

1. Әлеуметтік көмек алуға үміткер тұлғаның (әрі қарай - арыз беруші) жазбаша арызы.

2. Кенттің, селолық әкімдердің әлеуметтік көмек көрсетуге хаты.

3. Баланың тууы туралы куәлігінің көшірмесі (16 жасқа дейінгі мүгедек бала үшін).

4. Жеке басын куәландыратын құжаттың көшірмесі (16 жасқа толған және одан үлкен мүгедек үшін).

5. Арыз берушінің жағдайын растайтын құжаттың көшірмесі (медико-әлеуметтік сараптау комиссияның анықтамасы, медициналық қорытынды және басқа құжаттар).

6. 18 жасқа дейінгі мүгедек-баланың ата-анасының, баланы (қызды) асырап алушының, қамқоршының (қорғаншының), басқа заңды өкілінің жеке басын растайтын құжаттың көшірмесі.

7. Баланы (қызды) асырап алушылар, қамқоршылар (қорғаншылар) үшін) жағдайын растайтын құжаттың көшірмесі.

баланы (қызды) асырап алушылар кәмелетке толмаған мүгедекті асырап алу туралы соттың шешімін ұсынады;
қорғаншылар (қамқоршылар) қорғаншының (қамқоршының) куәлігін немесе қорғаншы және қамқоршы тағайындау органдарының кәмелетке толмаған мүгедекке қорғаншы (қамқоршы) тағайындауы туралы шешімін ұсынады.