Об утверждении формы и Правил ведения и хранения трудовых книжек Күшін жойған

Еңбек кітапшасының нысанын және Еңбек кітапшаларын жүргізу және сақтау ережесін бекіту туралы "Қазақстан Республикасындағы еңбек туралы" Қазақстан Республикасы Заңының 13-бабына сәйкес БҰЙЫРАМЫН :

1. Қоса беріліп отырған:

1) Еңбек кітапшасының нысаны;

2) Еңбек кітапшаларын жүргізу және сақтау ережесі бекітілсін.

2. Халықты жұмыспен қамту және еңбек пен еңбекті қорғау заңнамасының сақталуын мемлекеттік бақылау департаментінің директоры С.С.Әбденов осы бұйрықтың Қазақстан Республикасының Әділет министрлігінде мемлекеттік тіркелуіне уақытында жіберілуін қамтамасыз етсін.

3. Осы бұйрықтың орындалуын бақылау Вице-Министр Б.З.Әшитовке жүктелсін.

4. Осы бұйрық ресми жарияланған күннен кейін он күнтізбелік күн өтісімен қолданысқа енгізіледі.

Қазақстан Республикасы Еңбек және халықты әлеуметтік қорғау Министрі міндетін атқарушының 2005 жылғы 24 наурыздағы N 75-ө бұйрығымен бекітілген Еңбек кітапшаларын жүргізу және сақтау ережесі

1. Жалпы ережелер

1. Осы Еңбек кітапшаларын жүргізу және сақтау ережесі (бұдан әрі - Ереже) "Қазақстан Республикасындағы еңбек туралы" Қазақстан Республикасы Заңының 13-бабына сәйкес әзірленді.

2. Ереже еңбек кітапшаларын жүргізудің және сақтаудың тәртібін айқындайды.

3. Осы Ережеде мынадай ұғымдар пайдаланылады:

1) жұмыс берушінің актілері - жұмыс беруші (жұмыс берушінің өкілдері) шығаратын (бұйрықтар, өкімдер, нұсқаулықтар, ішкі еңбек тәртібінің ережелері) актілер;

2) жұмыс беруші - қызметкер еңбек қатынастарында тұрған заңды немесе жеке тұлға;

3) еңбек кітапшасы - қызметкердің еңбек қызметін растайтын құжат.

2. Еңбек кітапшаларын жүргізудің және сақтаудың тәртібі

4. Еңбек кітапшасын жұмыс беруші қызметкердің еңбек қызметін растау үшін жүргізеді.

5. Еңбек кітапшасына:

1) қызметкер туралы мәліметтер: тегі, аты, әкесінің аты, туған күні, білімі, кәсібі, мамандығы;

2) жұмысы туралы мәліметтер: жұмысқа қабылдау, өзге жұмысқа ауыстыру, жұмыстан босату;

3) марапаттау және көтермелеу туралы мәліметтер енгізіледі. Қызметкерге қатысты тәртіптік жазалаулардың қолданылғаны туралы жазбалар еңбек кітапшасына енгізілмейді.

6. Еңбек кітапшасына жазбаларды "Қазақстан Республикасындағы тіл туралы" Қазақстан Республикасының Заңына сәйкес жұмыс беруші уәкілеттік берген тұлға жүргізеді.

7. Жеке еңбек шартының жасалған не оның тоқтатылған, бұзылған, басқа жұмысқа ауыстырылған, көтермелеу күні туралы барлық жазбалар жеке еңбек шарты жасалғаннан не оның тоқтатылған, бұзылғаннан, басқа жұмысқа ауыстырылғаннан, көтермелегеннен кейін жұмыс берушінің актісіне сәйкес араб сандарымен (күні мен айы екі таңбалы санмен, жылы толығымен көрсетіледі) жүргізіледі.

8. Қызметкер туралы мәліметтер еңбек кітапшасының бірінші бетінде жазылады және ол ұйымның мөрімен, жұмыс беруші уәкілеттік берген тұлға мен қызметкер расталады. Қызметкердің тегі, аты, әкесінің аты (қысқартусыз толығымен) және туған күні жеке басын куәландыратын құжаттардың негізінде көрсетіледі. Білімі, кәсібі және мамандығы (қысқартусыз толығымен) растаушы құжаттардың негізінде көрсетіледі.

9. "Жұмысы туралы мәліметтер" атты тарауға мәліметтер төмендегідей тәртіп сақтала отырып жүргізіледі:

1) 1-бағанда жазбаның реттік нөмірі қойылады;

2) 2-бағанда жұмысқа қабылданған күні көрсетіледі;

3) 3-бағанда жұмыс берушінің толық атауы, құрылымдық бөлімшені (цех, бөлім), лауазымы көрсетіле отырып, жұмысы туралы мәліметтер мен жұмысқа қабылдау негізге алынған заңдардың тиісті нормасы көрсетіледі;

4) 4-бағанда жазбаны енгізудің негізі - жұмыс беруші актісінің күні мен нөмірі көрсетіледі.

10. Қызметкер қабылданған жұмыс немесе лауазымның атауы туралы жазбалар ұйымның штат кестесі негізінде жүргізіледі.

11. Қызметкерді бір жұмыс берушіде басқа тұрақты жұмысқа ауыстыру туралы жазба Ереженің 9-тармағында белгіленген тәртіппен ресімделеді.

12. Егер қызметкер заңды тұлғаның атауы өзгертілсе, ол жөнінде 3-бағанда жеке жолмен тиісті жазба енгізіледі, ал, 4-бағанда атаудың өзгеру негіздемесі көрсетіледі (заңды тұлғаны тіркеу немесе қайта тіркеу туралы куәліктің күні мен нөмірі).

13. Жеке еңбек шартын бұзу және тоқтату туралы жазба мынадай тәртіп сақтала отырып жүргізіледі:

1) 1-бағанда жазбаның реттік нөмірі көрсетіледі;

2) 2-бағанда - жұмыстан босатылған күні көрсетіледі;

3) 3-бағанда (себептері мен қолданыстағы заңдардың тиісті нормалары көрсетіле отырып) жұмыстан босату туралы мәліметтер көрсетіледі;

4) 4-бағанда жазбаны енгізудің негіздемесі көрсетіледі (жұмыс беруші актісінің күні мен нөмірі) көрсетіледі.

14. "Марапаттаулар мен көтермелеулер туралы мәліметтер" бөліміне мынадай:

1) Қазақстан Республикасының мемлекеттік наградаларымен марапаттаулар туралы;

2) құрметті атақтар беру туралы;

3) жеке, ұжымдық еңбек шарттарына және жұмыс берушінің актілеріне сәйкес еңбектегі жетістіктері үшін марапаттаулар туралы мәліметтер енгізіледі.

15. Ереженің 14-тармағында көрсетілген мәліметтер мынадай тәртіппен енгізіледі:

1) 1-бағанда жазбаның реттік нөмірі көрсетіледі;

2) 2-бағанда марапаттау немесе көтермелеу күні көрсетіледі;

3) 3-бағанда жұмыс берушінің атауы көрсетіледі, қызметкерді кім, қандай наградамен немесе көтермелеумен марапаттағаны жазылады;

4) 4-бағанда жазбаны енгізудің негіздемесі (құжаттың күні, нөмірі және атауы) көрсетіледі.

16. Еңбек кітапшасындағы жұмысқа қабылдау, жеке еңбек шартын бұзу және тоқтату туралы, басқа жұмысқа ауыстыру, сондай-ақ марапаттаулар мен көтермелеулер туралы барлық жазбаларды жұмыс беруші уәкілеттік берген тұлға жұмыс берушінің тиісті актісі шығарылғаннан кейін енгізеді және олар оның мәтініне нақты сәйкес болуы тиіс. Жеке еңбек шартын бұзу және тоқтату кезінде, жазба еңбек кітапшасына жұмыстан босату күнінен кешіктірілмей енгізіледі.

17. Қызметкердің еңбек қызметі туралы дұрыс емес немесе жаңсақ жазба анықталған жағдайда түзетуді тиісті жазбаны енгізген жұмыс беруші жүргізеді.

18. Егер дұрыс емес немесе жаңсақ жазба енгізген заңды тұлға (жұмыс беруші) қайта ұйымдастырылған болса, түзетуді оның құқықтық мұрагері енгізеді. Жұмыс беруші - жеке тұлғаның қызметі тоқтатылған жағдайда, сондай-ақ жұмыс беруші - заңды тұлға таратылған жағдайда дұрыс емес немесе жаңсақ жазбаның енгізілу фактісі қолданыстағы заңнамаға сәйкес белгіленеді.

19. Еңбек қызметі туралы түзетілген мәліметтер қызметкердің еңбек қызметін растайтын құжаттардағы (ұйымның басшысы (жұмыс беруші) не нотариалды расталған жеке еңбек шарты не жұмысқа қабылдау және босату туралы бұйрықтардан үзінді көшірме немесе қызметтік тізім (қызметкердің жұмысы, еңбек қызметі туралы мәліметтер тізбесі) мәліметтерге дәл сәйкес болуы тиіс.

20. Еңбек кітапшасының "Жұмысы туралы мәліметтер", "Марапаттаулар мен көтермелеулер туралы мәліметтер" бөлімдеріндегі бұрын енгізілген дұрыс емес немесе жаңсақ жазбаны сызып тастауға жол берілмейді.

21. Қызметкермен жеке еңбек шарты тоқтатылған не бұзылған кезде, жұмыс берушіде жұмыс істеген уақытында еңбек кітапшасына енгізілген жұмыс, марапаттаулар мен көтермелеулер туралы жазбалардың барлығы жұмыс берушінің мөртаңбасымен және қолымен расталады.

22. Жұмыс беруші қызметкерге жұмыстан босату туралы жазба енгізілген еңбек кітапшасын жұмыстан босатылған күні береді.

23. Қызметкер қайтыс болған жағдайда, еңбек кітапшасы оның туыстарына қолын қойғызып беріледі немесе олардың талап етуі бойынша поштамен жіберіледі.

24. Еңбек кітапшалары еңбек қатынастарының қолданылу кезеңінде жұмыс берушіде сақталады.

Қазақстан Республикасы Еңбек және халықты әлеуметтік қорғау Министрі міндетін атқарушының 2005 жылғы 24 наурыздағы N 75-ө бұйрығымен бекітілген Қа­зақ­стан Рес­пуб­ли­ка­сы­ның Мем­ле­кет­тік ел­таң­ба­сы­ның кес­кі­ні Ең­бек кі­тап­ша­сы Тру­до­вая книж­ка Қа­зақ­стан Рес­пуб­ли­ка­сы­ның Мем­ле­кет­тік ел­таң­ба­сы­ның Ең­бек кі­тап­ша­сы кес­кі­ні Те­гі____________________________________________________ Фа­ми­ли­я_________________________________________________ Аты­_____________________________________________________ Имя Әке­сі­нің аты­____________________________________________ От­че­ство Ту­ған кү­ні______________________________________________ Да­та рож­де­ния Бі­лі­мі__________________________________________________ Об­ра­зо­ва­ние Кә­сі­бі, ма­манды­ғы ______________________________________ Про­фес­сия, спе­ци­аль­ность Тол­ты­ры­л­ған кү­ні  "____"____________________ 20___ жыл Да­та за­пол­не­ния Қыз­мет­кер­дің қо­лы­_______________________________________ Под­пись ра­бот­ни­ка Жұ­мыс бе­ру­ші уәкі­лет­ті бер­ген адам­ның қо­лы­_____________________________________ Под­пись упол­но­мо­чен­но­го ра­бо­то­да­те­лем ли­ца Жұ­мысы ту­ра­лы мә­лі­мет­тер Све­де­ния о ра­бо­те N кү­ні Жұ­мысқа алу ту­ра­лы, бас­қа жұ­мысқа ауы­сты­ру ту­ра­лы (ла­у­а­зы­мы көр­се­ті­ліп), жұ­мыстан шы­ға­ру ту­ра­лы (се­беп­те­рі көр­се­ті­л­ген және заң­ның ба­бы­на, тар­ма­ғы­на сүй­е­ніл- ген) мә­лі­мет­тер Све­де­ния о при­е­ме на ра­бо­ту, о пе­ре- во­дах на дру­гую ра­бо­ту (с ука­за­ни­ем долж­но­сти) и  уволь- нении (с ука­за­ни­ем при­чи­ны и ссыл­ки на ста­тью за­ко­на) Жа­зу ненің (құ­жат, оның кү­ні мен нө­мі­рі) негі­зін­де ен­гі­зіл­ді На ос­но­ва­нии че­го вне­се­на за­пись (до­ку­мент, его да­та и но­мер) кү­ні чис­ло айы ме­сяц жы­лы год 1 2 3 4 Ма­ра­пат­та­у­лар және кө­тер­ме­ле­улер ту­ра­лы мә­лі­мет­тер Све­де­ния о на­граж­де­ни­ях и по­ощ­ре­ни­ях N кү­ні Ұй­ым­да­ғы жұ­мысқа бай­ла­ны­сты ор­ден- дер­мен және ме­даль- дар­мен ма­ра­пат­тау, құр­мет­ті атақ­тар және кө­тер­ме­ле­улер ту­ра­лы мә­лі­мет­тер Све­де­ния о на­граж- де­ни­ях ор­де­на­ми и ме­да­ля­ми, при­сво­е­нии по­чет­ных зва­ний и по­ощ­ре­ни­ях, свя­зан- ных с ра­бо­той в ор­га­ни­за­ции Жа­зу ненің (құ­жат, оның кү­ні мен нө­мі­рі) негі­зін­де ен­гі­зіл­ді На ос­но­ва­нии че­го вне­се­на за­пись (до­ку­мент, его да­та и но­мер) кү­ні чис­ло айы ме­сяц жы­лы год 1 2 3 4