Аудан көлеміндегі жергілікті салық түсімін жинау және ұйымдастыру туралы Қолданыста

Аудан көлеміндегі жергілікті салық түсімін жинау және ұйымдастыру туралы Қазақстан Республикасының «Қазақстан Республикасының жергілікті мемлекеттік басқару туралы» 23.01.2001 жылғы заңын және Қазақстан Республикасының 12.06.2001 жылғы N 209 Салық кодексінің 21 бабын басшылыққа алып аудан әкімдігі ҚАУЛЫ ЕТЕДІ:

1. Ауылдардың (селолардың), поселкелердің әкімдері салық төлеуші – жеке тұлға төлейтін мүлікке, көлік құралдарына салынатын салықтарды, жер салығын жинауды ұйымдастырсын.

2. Осы қаулының 1-тармағында аталған салықтарды жинау қатаң есептілік құжаты болып табылатын түбіртек негізінде жүзеге асырылсын.

3. Салықтарды жинау бойынша уәкілетті органдар болып төмендегілер тағайындалсын:

3.1. Баутин поселкесі әкімдігі

3.2. Қызылөзен селосы әкімдігі

3.3. Ақшұқыр селосы әкімдігі

3.4. Таушық селосы әкімдігі

3.5. Аудандық кәсіпкерлік бөлімі

4. Аудандық салық комитетіне осы қаулыға қатысты шараларды алу ұсынылсын. (келісім бойынша)

5. Осы қаулының орындалысын бақылау аудан әкімі орынбасары Б.М.Ниязовқа жүктелсін.

6. Осы қаулы ресми жарияланған күннен бастап 10 күн өткен соң қолданысқа енгізіледі. «КЕЛІСІЛДІ» Аудандық салық комитетінің төрағасы ______Ә.Әкімбаев «26»05. 2008 жыл