Облыс аумағындағы жекеленген ауылдарды тарату туралы от 13.06.2008 г. № 126а (Облыс аумағындағы жекеленген ауылдарды тарату туралы)

Облыс аумағындағы жекеленген ауылдарды тарату туралы
Қазақстан Республикасы "Қазақстан Республикасының әкімшілік - аумақтық құрылысы туралы" Заңының 11 бабы 3 тармағына сәйкес, Алматы облысының әкімдігі ҚАУЛЫ ЕТЕДІ және Алматы облыстық мәслихаты ШЕШІМ ЕТЕДІ:

1. Жекелеген аудандардың төменде аталған ауылдары таратылып, тұрғындары сол селолық округке ең жуық елді мекендерді құрамына енгізілсін:

1) Алакөл ауданы бойынша:
Қамысқала селолық округінің Ұялы ауылы, тұрғындары Қамысқала ауылының құрамына.

2) Балқаш ауданы бойынша:
Жиделі селолық округінің Айнакөл ауылы, тұрғындары Жиделі ауылының құрамына;
Миялы селолық округінің Құланбасы ауылы, тұрғындары Миялы ауылының құрамына.

3) Сарқан ауданы бойынша:
Аманбөктер селолық округінің Үштөбе ауылы, тұрғындары Аманбөктер ауылының құрамына.

4) Талғар ауданы бойынша:
Бесқайнар селолық кругінің Алматау ауылы, тұрғындары Бесқайнар ауылының құрамына;
Бесағаш селолық округінің Алмалы ауылы, тұрғындары Бесағаш ауылының құрамына енгізілсін.

2. Облыстық статистика басқармасы (Б.Төлепбаев) облыстың әкімшілік - аумақтық бірліктерін есепке алу мен тіркеуіне өзгерістер енгізсін.

3. Шешімнің орындалуын бақылау облыс әкімінің бірінші орынбасары А.Г. Баталовқа жүктелсін.

4. Осы бірлескен Алматы облыстық әкімдігінің қаулысы мен Алматы облыстық мәслихатының шешімі алғаш ресми жарияланғаннан кейін күнтізбелік он күн өткен соң қолданысқа енгізіледі.