Қазақстан Республикасының 2002 жылғы 10 шілдедегі № 339 «Ветеринария туралы» Заңының 10-1-бабының 7)-тармақшасына және 27-бабына, Қазақстан Республикасының 2001 жылғы 23 қаңтардағы № 148-II «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31-бабының 1-тармағының 18)-тармақшасына сәйкес және 2004 жылғы 7 қыркүйектегі № 565 «Шығыс Қазақстан облысында сарып ауруының эпидемиологиялық ахуалы туралы» Шығыс Қазақстан облысы әкімдігінің қаулысын орындау мақсатында, Ұлан ауданынң бас мемлекеттік ветеринариялық инпекторының 2008 жылғы 22 қазандағы № 942 ұсынысы негізінде, Бозанбай ауылдық округінің Бозанбай ауылындағы, Тарғын ауылдық округінің Ізғұтты Айтықов ауылындағы, Алмасай ауылдық округінің Алмасай және Баян Өтепов ауылдарындағы шаруа қожалығы аумақтарында ұсақ мүйізді малдардың және адамдар арасында сарып ауруы тіркелуі мен эпизоотиялық және эпидемиологиялық жағдайдың күрделенуіне байланысты, Ұлан ауданының әкімдігі ҚАУЛЫ ЕТЕДІ:

1. Бозанбай ауылдық округінің Бозанбай ауылының жерін, ауылшаруашылық түліктерін (ірі қара малы, қой-ешкі) Алмасай ауылдық округінің Баян Өтепов ауылының жерін, ауылшаруашылық түлігін (қой-ешкі), Тарғын ауылдық округінің Ізғұтты Айтықов ауылының, Алмасай ауылдық округінің Алмасай ауылының жерлерін, ауылшаруашылық түлігін (ірі қара) сарып ауруы бойынша қолайсыз аумақтарға жатқызып, осы аталған округтердегі ауылдарға карантиндік шектеу енгізілсін және сауықтыру кешенді іс-шаралар жоспары бекітілсін.

2. Ұлан ауданы бойынша Шығыс Қазақстан облыстық мемлекеттік санитарлық эпидемиологиялық қадағалау департаментінің Ұлан ауданы бойынша басқармасына (Х. Илюбаев келісім бойынша), Қазақстан Республикасының ауыл шаруашылық Министрлігі агроөнеркәсіптік кешендегі мемлекеттік инспекция комитетінің Ұлан аудандық аумақтық инспекциясына (А. Адильжанов келісім бойынша) ұсақ мүйізді малдар және адамдар арасындағы сарып ауруының ошақтарын жою және сауықтыру жөнінде ветеринарлық-санитарлық және алдын алу іс-шараларын өткізу ұсынылсын.