Об утверждении Правил оказания платных видов деятельности по реализации товаров (работ, услуг) государственными библиотеками, государственными музеями и музеями-заповедниками и расходования ими денег от реализации товаров (работ, услуг)

Күшін жойған Қаулы ·№ 555 · 24.08.2026 жағдай бойынша

Деректемелер және дереккөз

Толық атауы: Об утверждении Правил оказания платных видов деятельности по реализации товаров (работ, услуг) государственными библиотеками, государственными музеями и музеями-заповедниками и расходования ими денег от реализации товаров (работ, услуг)
Атауы (қаз.): Мемлекеттік кітапханалардың, мемлекеттік мұражайлар мен мұражай-қорықтардың тауарларды (жұмыстарды, қызметтерді) өткізу жөніндегі ақылы қызмет түрлерін көрсету және олардың тауарларды (жұмыстарды, қызметтерді) өткізуден түскен ақшаны жұмсау ережесін бекіту туралы
Акт түрі: Қаулы
Заңдық күші: Күшін жойған
Тізілімдегі мәртебе коды: yts
Нөмірі: 555
Қабылданған күні: 20.04.2009
Көрсетілген редакция: 23.04.2015 AI45347_4.kaz
Соңғы өзгеріс: 23.04.2015
Мәтін тілі: қазақша
НҚА мемлекеттік тіркеу нөмірі: P090000555_
ЭКБ идентификаторы: 45347
Редакция идентификаторы: AI45347_4
Бастапқы дереккөз: ЭКБ zan.gov.kz (API)
Деректер жаңартылды: 03.08.2026 11:22

0 Мемлекеттік кітапханалардың, мемлекеттік мұражайлар мен мұражай-қорықтардың тауарларды (жұмыстарды, қызметтерді) өткізу жөніндегі ақылы қызмет түрлерін көрсету және олардың тауарларды (жұмыстарды, қызметтерді) өткізуден түскен ақшаны жұмсау ережесін бекіту туралы

Қазақстан Республикасының 2008 жылғы 4 желтоқсандағы Бюджет кодексі 70-бабының 2-тармағына сәйкес Қазақстан Республикасының Үкіметі ҚАУЛЫ ЕТЕДІ:

1 1. Қоса беріліп отырған Мемлекеттік кітапханалардың, мемлекеттік мұражайлар мен мұражай-қорықтардың тауарларды (жұмыстарды, қызметтерді) өткізу жөніндегі ақылы қызмет түрлерін көрсету және олардың тауарларды (жұмыстарды, қызметтерді) өткізуден түскен ақшаны жұмсау ережесі бекітілсін.

2 2. Күші жойылды - Қазақстан Республикасы Үкіметінің 2010.08.05 N 801 (қолданысқа енгізілу тәртібін 3-т. қараңыз) Қаулысымен.

3 3. Осы қаулы алғаш рет ресми жарияланған күнінен бастап қолданысқа енгізіледі.

0 Мемлекеттік кітапханалардың, мемлекеттік мұражайлар мен мұражай-қорықтардың тауарларды (жұмыстарды, қызметтерді) өткізу жөніндегі ақылы қызмет түрлерін көрсету және олардың тауарларды (жұмыстарды, қызметтерді) өткізуден түскен ақшаны жұмсау ережесі

Қазақстан Республикасы
Үкіметінің
2009 жылғы 20 сәуірдегі
N 555 қаулысымен
бекітілген
Мемлекеттік кітапханалардың, мемлекеттік мұражайлар мен мұражай-қорықтардың тауарларды (жұмыстарды, қызметтерді) өткізу жөніндегі ақылы қызмет түрлерін көрсету және олардың тауарларды (жұмыстарды, қызметтерді) өткізуден түскен ақшаны жұмсау ережесі

1 1. Осы Ереже мемлекеттік кітапханалардың, мемлекеттік мұражайлар мен мұражай-қорықтардың ақылы қызметтер көрсету және олардың тауарларды (жұмыстарды, қызметтерді) өткізуден түскен ақшаны жұмсау тәртібін анықтайды.

2 2. Мәдениет саласындағы мемлекеттік мекемелер (мемлекеттік

кітапханалар, мемлекеттік мұражайлар мен мұражай-қорықтар) заңды және
жеке тұлғаларға өздерінің негізгі қызметіне қатысы жоқ ақылы қызметтер көрсетеді.
Мәдениет саласындағы мемлекеттік мекемелердің (мемлекеттік кітапханалардың, мемлекеттік мұражайлар мен мұражай-қорықтардың) ақылы негізде тауарлар (жұмыстар мен қызметтер) ұсынуы сатып алынатын тауарлардың (жұмыстар мен қызметтердің) құны және/немесе көлемі көрсетілген растаушы құжаттар (шарттар, түбіртектер, шот-фактуралар, жүкқұжаттар және басқалар) бойынша жүзеге асырылады.

3 3. Мемлекеттік кітапханалар ақылы қызметтердің мынадай түрлерін көрсетеді:

1 1) жеткізгіштердің, форматтардың, стандарттардың барлық түрлерінен көшірмелер дайындау және оларды өңдеу;

2 2) мүмкіндігі шектеулі азаматтар үшін материалдар дайындау;

3 3) құжаттарды талдамалы-синтетикалық өңдеуді орындау және қосымша библиография жасау;

4 4) қолжазбаларды, құнды кітаптарды және құжаттарды қалпына келтіру;

5 5) көшпелі ақпараттық-көрме іс-шараларын ұйымдастыру;

6 6) білім беру және аударма қызметтерін көрсету;

7 7) қолжазбаларға және құнды кітаптарға сараптама жасау;

8 8) байланыс операторымен шарт негізінде Интернет желісі қызметтерін ұсыну;

9 9) құжаттарды электронды жеткізу, тақырыптық ақпарат іздестіру және құрастыру;

10 10) экскурсиялық қызмет көрсетуді, фото және бейне түсірілімдерді жүргізу;

11 11) кітапхана шығарған оқу-әдістемелік әдебиетті және басқа да оқу құралдарын өткізу.

4 4. Мемлекеттік мұражайлар мен мұражай-қорықтар ақылы қызметтердің мынадай түрлерін көрсетеді:

1 1) жеткізгіштердің, форматтардың, стандарттардың барлық түрлерінен көшірмелер дайындау және оларды өңдеу;

2 2) байланыс оператормен шарт негізінде Интернет желісі қызметтерін ұсыну;

3 3) фото және бейне түсірілімдер жүргізу;

4 4) кәдесый және полиграфия өнімдерін өткізу;

5 5) мұражайлар мен мұражай-қорықтар шығарған оқу-әдістемелік әдебиетті және басқа да оқу құралдарын өткізу.

5 5. Осы Ереженің 3 және 4-тармақтарында көрсетілген тауарларды (жұмыстарды, қызметтерді) өткізуден түскен ақша мемлекеттік мекемелердің иелігінде қалады.

6 6. Мәдениет саласындағы мемлекеттік мекемелердің (мемлекеттік кітапханалардың, мемлекеттік мұражайлар мен мұражай-қорықтардың) ақылы негізде ұсынылатын тауарларының (жұмыстарының және қызметтерінің) бағалары Қазақстан Республикасының заңнамасында белгіленген тәртіппен бекітілуі тиіс.

7 7. Ақылы қызметтер көрсетуден түсетін қаражатқа салық салу тәртібі және салықтар мен алымдар бойынша жеңілдіктер беру Қазақстан Республикасының салық заңнамасымен реттеледі.

8

8. Заңда көзделген мемлекеттік кітапханалардың, мұражайлар мен мұражай-қорықтардың негізгі қызметіне қатысы жоқ тауарларды (жұмыстарды, қызметтерді) өткізуден түсетін қаражат мемлекеттік кітапханалардың, мұражайлар мен мұражай-қорықтардың тауарларды (жұмыстарды, қызметтерді) өткізуден түсетін, өздерінің иелігінде қалатын қолма-қол ақшаны бақылау шоттарына есепке алынады және Қазақстан Республикасының заңнамасында белгіленген тәртіппен жұмсалады.

9 9. Мемлекеттік кітапханалардың негізгі қызметіне қатысы жоқ тауарларды (жұмыстарды, қызметтерді) өткізуден түсетін қаражат мынадай бағыттар бойынша:

1 1) материалдық-техникалық базаны нығайтуға;

2 2) қызметтер көрсету үшін тартылатын мамандарға еңбекақы төлеуге;

3 3) шаруашылық шығыстарға (байланыс қызметтеріне ақы төлеу, көліктік қызметтерге ақы төлеу, электр энергиясына, жылуға, сумен жабдықтауға ақы төлеу және басқа да коммуналдық шығыстар, ағымдағы мақсаттар үшін заттар мен материалдар сатып aлy);

4 4) кітапхана қорларын толықтыру үшін әдебиет, электрондық коллекциялар мен дерекқор сатып алуға;

5 5) кітап қорын, оку әлеуметтанымын сақтау мәселелері бойынша ғылыми және әдістемелік әдебиет шығаруға;

6 6) жеке және мемлекеттік емес заңды тұлғалардың тапсырыстары (өтінімдері) бойынша оқыту жүргізу үшін оқу құралдарын, көрнекі материалдар сатып алуға;

7 7) жеке және мемлекеттік емес заңды тұлғалардың тапсырыстары (өтінімдері) бойынша оқыту тренингтерін, семинарлар, конференциялар өткізуге,

8 8) бұқаралық іс-шараларды өткізуге (әдеби кештер, көрмелер, тұсаукесерлер, конкурстар, кітап күндері, фестивальдар);

9 9) бланк өнімдерін, брошюраларды, авторефераттарды, оқырман билеттерін, талап парақшаларын жасауға және тираждауға, мұқабаны басып шығаруға, тарақты түптеуге;

10 10) кітапханалар басылымдарын, дыбыс жазбаларының, бейнефильмдердің, фонограммалардың көшірмелерін өткізуге;

11 11) кітаптарды, журналдарды жөндеуге, қалпына келтіруге және түптеуге;

12 12) фото, кино, бейне түсірімдерге, жекелеген мақалалардың және кітаптар мен мерзімді баспа басылымдарынан алынған материалдардың микрокөшірмесін алуға;

13 13) мәдени құндылықтар мен тарих және мәдениет ескерткіштерін қалпына келтіруге жұмсалады.

10 10. Мемлекеттік мұражай мен мұражай-қорықтардың негізгі қызметіне қатысы жоқ тауарларды (жұмыстарды, қызметтерді) өткізуден түсетін қаражат мынадай бағыттар бойынша:

1 1) материалдық-техникалық базаны нығайтуға;

2 2) ақылы қызметтер көрсету үшін тартылатын мамандарға еңбекақы төлеуге;

3 3) шаруашылық шығыстарға (байланыс қызметтеріне ақы төлеу, көліктік қызметтерге ақы төлеу, электр энергиясына, жылуға, сумен жабдықтауға ақы төлеу және басқа да коммуналдық шығыстар, ағымдағы мақсаттар үшін заттар мен материалдар сатып aлу);

4 4) жеке және мемлекеттік емес заңды тұлғалардың тапсырыстары (өтінімдері) бойынша оқыту жүргізу үшін үй-жайды жалға алуға және оқу құралдарын, көрнекі материалдар сатып алуға жұмсалады.

11 11. Мемлекеттік кітапханалардың, мұражайлар мен мұражай-қорықтардың негізгі қызметіне қатысы жоқ тауарларды (жұмыстарды, қызметтерді) өткізуден түсетін қаражатты есепке алу, оның есептілігі және жұмсалуы Қазақстан Республикасының заңнамасына сәйкес жүзеге асырылады.