Жамбыл облысында жергілікті қоғамдастықтың жиналыстарын (жиындарын) өткізу және шешімдер қабылдау тәртібі туралы

Қолданыста Өзге акт № 16-17 21.09.2026 жағдай бойынша

Деректемелер және дереккөз

Толық атауы: Жамбыл облысында жергілікті қоғамдастықтың жиналыстарын (жиындарын) өткізу және шешімдер қабылдау тәртібі туралы
Атауы (қаз.): Жамбыл облысында жергілікті қоғамдастықтың жиналыстарын (жиындарын) өткізу және шешімдер қабылдау тәртібі туралы
Акт түрі: Өзге акт
Заңдық күші: Қолданыста
Тізілімдегі мәртебе коды: new
Нөмірі: 16-17
Қабылданған күні: 29.10.2009
Қолданысқа енгізілген күні: 14.12.2009
Көрсетілген редакция: 29.10.2009 · қолданыстағы 48879_182798.kaz
Соңғы өзгеріс: 29.10.2009
Мәтін тілі: қазақша
НҚА мемлекеттік тіркеу нөмірі: V09G0001733
ЭКБ идентификаторы: 48879
Редакция идентификаторы: 48879_182798
Бастапқы дереккөз: ЭКБ zan.gov.kz (API)
Деректер жаңартылды: 03.08.2026 10:07

21.09.2026 жағдай бойынша қолданыста болған редакция: 29.10.2009. Бұл — корпустағы соңғы редакция.

Жамбыл облысында жергілікті қоғамдастықтың жиналыстарын (жиындарын) өткізу және шешімдер қабылдау тәртібі туралы

"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 39-3 бабының 2 тармағына сәйкес облыстық мәслихат ШЕШІМ ЕТТІ:

1. Жамбыл облысында жергілікті қоғамдастықтың жиналыстарын (жиындарын) өткізу және шешімдер қабылдау тәртібі қосымшаға сәйкес айқындалсын.

2. Осы шешім әділет органдарында мемлекеттік тіркелген күннен бастап күшіне енеді және алғаш ресми жарияланғаннан кейін күнтізбелік он күн өткен соң қолданысқа енгізіледі.

Жамбыл облысында жергілікті қоғамдастықтың жиналыстарын (жиындарын) өткізу және шешімдер қабылдау тәртібі

Жамбыл облыстық мәслихатының

2009 жылғы 29 қазандағы

№ 16-17 шешіміне қосымша

Жамбыл облысында жергілікті қоғамдастықтың жиналыстарын (жиындарын) өткізу және шешімдер қабылдау тәртібі

1. Жергілікті қоғамдастықтардың жиналыстары (жиындары) тиісті әкімшілік-аумақтық бірліктің белгіленген шекаралары шегінде елді мекендерде өткізіледі.

2. Жергілікті қоғамдастықтың жиналысы өтетін күні мен орны жөнінде жергілікті қоғамдастықтың мүшелеріне, жиналыстың (жиынның) басталуына 10 күнтізбелік күн қалғанда хабардар етіледі.

3. Жиналыстар (жиындар) басталар алдында, жиналысқа қатысушылардың тікелей ұсынған кандидатураларынан, жиналысқа қатысушы мүшелердің ашық дауыс беруі арқылы көпшілік дауысымен төраға және хатшы сайланады.

4. Жиналыстың (жиынның) күн тәртібі түскен ұсыныстарды ескере отырып қалыптастырылады және қатысушылардың көпшілік дауысымен бекітіледі.

5. Жиналысқа (жиынға) қатысушылар оның күн тәртібіне енгізілген мәселелер бойынша шешімдер қабылдайды, олар хаттамамен рәсімделеді.

6. Жергілікті қоғамдастықтар жиналыстарының (жиындарының) шешімдері ашық дауыспен, жиналысқа (жиынға) қатысушы жергілікті қоғамдастық мүшелерінің көпшілігі дауыс берген жағдайда қабылданады.

7. Жергілікті қоғамдастық қызметіне қатысты басқа да мәселелер "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңымен реттеледі.