О присоединении Республики Казахстан к Конвенции о политических правах женщин
Деректемелер және дереккөз
- Толық атауы
- О присоединении Республики Казахстан к Конвенции о политических правах женщин
- Атауы (қаз.)
- Қазақстан Республикасының Әйелдердің саяси құқықтары туралы конвенцияға қосылуы туралы
- Акт түрі
- Заң
- Заңдық күші
- Қолданыста
- Тізілімдегі мәртебе коды
- new
- Нөмірі
- 18-II
- Қабылданған күні
- 30.12.1999
- Көрсетілген редакция
- 30.12.1999 AI5044_0.kaz
- Соңғы өзгеріс
- 30.12.1999
- Мәтін тілі
- қазақша
- НҚА мемлекеттік тіркеу нөмірі
- Z990000018_
- ЭКБ идентификаторы
- 5044
- Редакция идентификаторы
- AI5044_0
- Бастапқы дереккөз
- ЭКБ zan.gov.kz (API)
- Деректер жаңартылды
- 05.08.2026 00:44
0 Қазақстан Республикасының Әйелдердің саяси құқықтары туралы конвенцияға қосылуы туралы
Қазақстан Республикасының БҰҰ Бас Ассамблеясының 1952 жылғы 20 желтоқсандағы 640 (ҮІІ) қарарымен қол қою және бекіту үшін ашық Әйелдердің саяси құқықтары туралы конвенцияға қосылсын.
📌 Ескерту. Нормативтік құқықтық актіге қоса тіркелген халықаралық Конвенцияның мәтіні ресми болып табылмайды. ҚР халықаралық Конвенциясының жасасқан тілдердегі ресми куәландырылған көшірмесін ҚР халықаралық Конвенцияларды тіркеуге, есептеуге және сақтауға жауапты ҚР Сыртқы істер министрлігінен алуға болады
Әйелдердiң саяси құқықтары туралы
конвенция
Бас Ассамблеяның 1952 жылғы 20 желтоқсандағы 640 (ҮII) қарарымен қол қою және бекiту үшiн ашық.
ҮI бапқа сәйкес 1954 жылғы 7 шiлдеде күшiне енген
Уағдаласушы тараптар,
Бiрiккен Ұлттар Ұйымының Жарғысында көрсетiлген еркектер мен әйелдердiң тең құқықтылығы принципiн жүзеге асыруға ниеттене отырып,
әр адамның тiкелей немесе еркiн сайланған өкiлдерi арқылы өз елiн басқаруға қатысуға құқығы және өз елiнде мемлекеттік қызметке тең рұқсат етiлу құқығы бар екендiгiн мойындай отырып, сондай-ақ Бiрiккен Ұлттар Ұйымы Жарғысының қаулылары мен Адам құқығының жалпыға бiрдей декларациясына сәйкес еркектер мен әйелдердiң саяси құқықтарға ие болуға және пайдалануға қатысты жағдайын теңестiруге ниеттене отырып;
осы мақсат үшiн конвенция жасасуды шешiп,
осымен мына төмендегiлер туралы келiстi:
1 І-бап
Әйелдерге барлық сайлауларда қандай да болмасын кемсiтусiз еркектермен тең жағдайда дауыс беру құқығы тиесiлi.
II-бап
Әйелдер ұлттық заңмен белгiленген, жариялы сайлауды талап ететiн барлық мекемелерде қандай да болмасын кемсiтусiз еркектермен тең жағдайда сайлана алады.
III-бап
Әйелдерге еркектермен тең жағдайларда қандай да болмасын кемсiтусiз қоғамдық-мемлекеттiк қызметте лауазым атқару және ұлттық заңмен белгiленген барлық қоғамдық-мемлекеттiк функцияларды орындау құқығы тиесiлi.
iv ІҮ-бап
1. Осы Конвенция Бiрiккен Ұлттар Ұйымының кез келген мүшелерi, сондай-ақ Бас Ассамблеядан шақыру алған кез келген басқа да мемлекеттердiң қол қоюы үшiн ашық.
2. Осы Конвенция бекiтуге жатады және бекiту грамоталары Бiрiккен Ұлттар Ұйымының Бас хатшысына сақтауға тапсырылады.
v Y-бап
1. Осы Конвенция ІҮ-баптың 1-тармағында көрсетiлген барлық мемлекеттердiң қосылуы үшiн ашық.
2. Қосылу ол туралы декларацияны Бiрiккен Ұлттар Ұйымының Бас хатшысына тапсырумен жасалады.
vi ҮI-бап
1. Осы Конвенция алтыншы бекiту грамотасын немесе қосылу туралы бекiтудi сақтауға тапсырған күннен есептегенде тоқсаныншы күнi күшiне енедi.
2. Осы Конвенцияны бекiтетiн немесе алтыншы бекiту грамотасын немесе қосылу туралы декларацияны сақтауға тапсырғаннан кейiн оған қосылатын әрбiр мемлекет үшiн Конвенция мұндай мемлекет өзiнiң бекiту грамотасын немесе қосылу туралы декларациясын сақтауға тапсырғаннан кейiн тоқсаныншы күнi күшiне енедi.
vii ҮII-бап
Қандай да болмасын мемлекет қол қою, бекiту немесе қосылу кезiнде осы Конвенцияның қандай да болмасын бабына ескертулер ұсынған жағдайда бас хатшы осы ескертулердiң мәтiнiн осы Конвенцияға қатысушы болып табылатын немесе болатын барлық мемлекеттерге хабарлайды. Бұл ескертпелерге қарсы пiкiр бiлдiрген кез келген мемлекет көрсетiлген хабарлау күнiн есептегенде (немесе ол Конвенцияға қатысушы болған күннен бастап) тоқсан күндiк мерзiмнің iшiнде бас хатшыға өзiнiң оны қабылдамайтындығын құлақтандырады. Мұндай жағдайда Конвенция осындай мемлекет пен ескертудi жасаған мемлекеттiң арасында күшiне енбейдi.
viii YIII-бап
1. Кез келген мемлекет осы Конвенцияны ол туралы Бiрiккен Ұлттар Ұйымының Бас хатшысына жазбаша құлақтандырып күшiне енгiзе алады. Күшiне енгiзу Бас хатшы бұл құлақтандыруды алған күннен бастап бiр жылдан кейiн күшiне енедi.
2. Осы Конвенцияның қолданылуы одан кейiн Конвенциядағы елдердiң саны алтыдан төмен болған күшiне енгiзу күшiне енген күннен бастап тоқтатылады.
ix IХ-бап
Кез келген екi немесе бiрнеше Уағдаласушы Мемлекеттiң арасында осы Конвенцияның түсiндiрiлуiне немесе қолданылуына байланысты пайда болған, келiссөздер тәртiбiмен шешiлмеген кез келген дау, егер олар оны реттеудiң басқа тәртiбi туралы келiспесе, кез келген тараптың талап етуi бойынша Халықаралық Соттың шешуiне берiледi.
x Х-бап
Бiрiккен Ұлттар Ұйымының Бас хатшысы Бiрiккен Ұлттар Ұйымының барлық мүшелерiн және осы Конвенцияның ІҮ-бабының 1-тармағында айтылған Ұйымның мүшесi болмаған мемлекеттерге: