Об утверждении критериев отбора субъектов торговой деятельности в случае использования государственного резерва для оказания регулирующего воздействия на рынок
Деректемелер және дереккөз
- Толық атауы
- Об утверждении критериев отбора субъектов торговой деятельности в случае использования государственного резерва для оказания регулирующего воздействия на рынок
- Атауы (қаз.)
- Нарыққа реттеушілік ықпал жасау үшін мемлекеттік резервті пайдаланған жағдайда сауда қызметінің субъектілерін іріктеу критерийлерін бекіту туралы
- Акт түрі
- Қаулы
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 759
- Қабылданған күні
- 29.07.2010
- Көрсетілген редакция
- 02.04.2015 AI53703_4.kaz
- Соңғы өзгеріс
- 02.04.2015
- Мәтін тілі
- қазақша
- НҚА мемлекеттік тіркеу нөмірі
- P100000759_
- ЭКБ идентификаторы
- 53703
- Редакция идентификаторы
- AI53703_4
- Бастапқы дереккөз
- ЭКБ zan.gov.kz (API)
- Деректер жаңартылды
- 03.08.2026 07:39
0 Нарыққа реттеушілік ықпал жасау үшін мемлекеттік резервті пайдаланған жағдайда сауда қызметінің субъектілерін іріктеу критерийлерін бекіту туралы
«Мемлекеттік материалдық резерв туралы» Қазақстан Республикасының 2000 жылғы 27 қарашадағы Заңына сәйкес Қазақстан Республикасының Үкіметі ҚАУЛЫ ЕТЕДІ:
1 1. Қоса беріліп отырған Нарыққа реттеушілік ықпал жасау үшін мемлекеттік резервті пайдаланған жағдайда сауда қызметінің субъектілерін іріктеу критерийлері бекітілсін.
2 Нарыққа реттеушілік ықпал жасау үшін мемлекеттік резервті пайдаланған жағдайда сауда қызметінің субъектілерін іріктеу критерийлері
2. Осы қаулы алғашқы жарияланғанынан кейін күнтізбелік он күн өткен соң қолданысқа енгізіледі.
Қазақстан Республикасының
Премьер-Министрі К. Мәсімов
Қазақстан Республикасы
Үкіметінің
2010 жылғы 29 шілдедегі
№ 759 қаулысымен
бекітілген
Нарыққа реттеушілік ықпал жасау үшін мемлекеттік резервті пайдаланған жағдайда сауда қызметінің субъектілерін іріктеу критерийлері
Нарыққа реттеушілік ықпал жасау үшін мемлекеттік резервті пайдаланған жағдайда сауда қызметінің субъектілерін іріктеу мынадай критерийлердің негізінде жүзеге асырылады:
1 1) Қазақстан Республикасының қолданыстағы заңнамасына сәйкес жеке басты куәландыратын немесе дара кәсіпкер ретінде тіркеу туралы куәландыратын құжаттармен немесе мемлекеттік тіркеу (қайта тіркеу) туралы куәлікпен* немесе анықтамамен расталған құқық қабілеттілігі және іс-әрекетке қабілеттілігі.
Ескертпе: *«Қазақстан Республикасының кейбір заңнамалық актілеріне заңды тұлғаларды мемлекеттік тіркеу және филиалдар мен өкілдіктерді есептік тіркеу мәселелері бойынша өзгерістер мен толықтырулар енгізу туралы» 2012 жылғы 24 желтоқсандағы Қазақстан Республикасының Заңы қолданысқа енгізілгенге дейін берілген заңды тұлғаны (филиалды, өкілдікті) мемлекеттік (есептік) тіркеу (қайта тіркеу) туралы куәлік заңды тұлғаның қызметi тоқтатылғанға дейін жарамды болып табылады;
2
2) салық берешегінің, міндетті зейнетақы жарналары, міндетті кәсіптік зейнетақы жарналары мен әлеуметтік аударымдар бойынша берешегінің, сондай-ақ сауда қызметінің субъектісіне қызмет көрсететін банктің алдында, банк (банк филиалы) анықтамасының және салық органының тиісті анықтамасының болуымен расталған берешегінің жоқтығынан көрінетін төлем қабілеттілігі;
3 3) қолданыстағы заңнамаға сәйкес құқық белгілейтін құжаттармен немесе бөлшек сауда желісі объектілерін жалдау шартымен расталған бөлшек сауда желілерінде сатып алынатын тауарды сату мүмкіндігі;
4
4) қолданыстағы заңнамаға сәйкес құқық белгілейтін құжаттармен немесе жалдау шартымен, санитарлық-эпидемиологиялық және өртті бақылау сатысындағы уәкілетті мемлекеттік органдардың құжаттарымен расталған сатып алынатын тауарлардың тиісінше сақталуын қамтамасыз етуге қабілетті қойма үй-жайларының болуы.