О ликвидации Зыряновского рудника
Деректемелер және дереккөз
- Толық атауы
- О ликвидации Зыряновского рудника
- Атауы (қаз.)
- Зырян кенішін тарату туралы
- Акт түрі
- Өзге акт
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 806
- Қабылданған күні
- 04.02.2000
- Көрсетілген редакция
- 04.02.2000 5380_261779.kaz
- Соңғы өзгеріс
- 04.02.2000
- Мәтін тілі
- қазақша
- НҚА мемлекеттік тіркеу нөмірі
- V00V0000266
- ЭКБ идентификаторы
- 5380
- Редакция идентификаторы
- 5380_261779
- Бастапқы дереккөз
- ЭКБ zan.gov.kz (API)
- Деректер жаңартылды
- 05.08.2026 00:40
0 Зырян кенішін тарату туралы
📌 Ескерту. Күші жойылды - Шығыс Қазақстан облысы әкімінің 2004 жылғы 28 шілдедегі № 90 шешімімен.
"Казцинк" ашық акционерлiк қоғамы "Зырян қорғасын комбинаты" ашық акционерлiк қоғамынан Зырян кенiшiн жалға алып отыр. Зырян қазба орындарындағы пайдалану жұмыстары 1791 жылдан жүргiзiлiп келедi және бүгiнгi таңда ондағы өндiру жұмыстары өзiн-өзi ақтамауда.
Зырян кенiшiнiң кен қорлары Қорлар жөнiндегi Мемлекеттiк Комиссияның 1994 жылғы 22 сәуiрдегi № 10-К Хаттамасымен баланстан шығарылған болатын. Зырян кен орнын игерудiң тиiмсiздiгiне шикiзат құрамындағы металдар мөлшерiнiң төмендiгi, оны өндiру аумағының барған сайын тереңдей түсуi, бағалы және түстi металдардың әлемдiк бағасының төмендеуi, материалдар мен энергия қорлары бағасының көтерiлуi себеп болып отыр. Зырян кенiшiн игерудiң тиiмсiздiгi салдарынан жылма-жыл "Казцинк" ААҚ-ның салық салынатын кiрiсi төмендеуi, мемлекеттiк бюджет заңды тұлғалардың пайдасына салынатын салық түрiнен бiршама қаражат жоғалтуы себептi, "Казцинк" ААҚ "Зырян қорғасын комбинаты" ААҚ-ын Зырян кенiшiн жалға алу келiсiм-шартының бұзылатыны жөнiнде хабардар еттi.
1999 жылдың 24 желтоқсанында "Востказнедра" аумақтық басқармасы 1997 жылы Қазақстан Республикасы Экология және табиғат қорлары министрi бекiткен "Қатты пайдалы қазбаларды өндiру және өңдеу кәсiпорындарын тарату және консервациялау тәртiбi жөнiндегi Нұсқаудың" 2 тарауының талаптарына сәйкес Зырян кенiшiн таратуға тұжырымдама бердi.
Жоғарыда айтылғандарды негiзге ала отырып, ШЕШIМ қабылдаймын:
1. Дайындық жұмыстары аяқталған соң "Зырян қорғасын комбинаты" АҚҚ-ы (Митрофанов П.Г.) Зырян кенiшiн таратуға кiрiссiн.
2. Зырян кенiшiн тарату Қазақстан Республикасының қолданылып жүрген Заңдарына және тарату жобасына сәйкес жүргiзiлсiн.
3. "Казцинк" ААҚ-ы келiсiм-шарт негiзiнде Зырян кенiшiн тарату жөнiндегi мердiгер ретiнде белгiленсiн.
4. "Зырян қорғасын комбинаты" ашық акционерлiк қоғамы (П.Г. Митрофанов), Шығыс Қазақстан облысының коммуналдық меншiк басқармасы (Ж.Қ. Егiзбаев) Зырян кенiшiн тарату бойынша мердiгерлiк жұмыстарды орындағаны үшiн жартылай төлемақы есебiнде Зырян кенiшiнің жабдықтары мен мүлкiн олардың қалдық құны бойынша "Қазмырыш" ашық акционерлiк қоғамына берудi ұйымдастырсын. Зырян кенiшiнің тау-кен өндiрiмдерi, жер үстiндегi ғимараттар мен құрылыстары кенiштi тарату жөнiндегi бекiтiлген және келiсiлген жобаға сәйкес таратылсын.<*>
📌 Ескерту. 4 тармағы жаңа редакцияда - Шығыс Қазақстан облысы әкімінің 2000.05.18 № 861 шешімімен.