О создании некоммерческого акционерного общества "Тюркская академия"
Деректемелер және дереккөз
- Толық атауы
- О создании некоммерческого акционерного общества "Тюркская академия"
- Атауы (қаз.)
- "Түркі академиясы" коммерциялық емес акционерлік қоғамын құру туралы
- Акт түрі
- Қаулы
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 1090
- Қабылданған күні
- 21.10.2010
- Көрсетілген редакция
- 24.11.2015 AI55040_4.kaz
- Соңғы өзгеріс
- 24.11.2015
- Мәтін тілі
- қазақша
- НҚА мемлекеттік тіркеу нөмірі
- P1000001090
- ЭКБ идентификаторы
- 55040
- Редакция идентификаторы
- AI55040_4
- Бастапқы дереккөз
- ЭКБ zan.gov.kz (API)
- Деректер жаңартылды
- 03.08.2026 07:08
0 "Түркі академиясы" коммерциялық емес акционерлік қоғамын құру туралы
Қазақстан Республикасының Үкіметі ҚАУЛЫ ЕТЕДІ:
1 1. Жарғылық капиталына мемлекет жүз пайыз қатысатын «Түркі академиясы» коммерциялық емес акционерлік қоғамы (бұдан әрі - қоғам) құрылсын.
2 2. Қоғам қызметінің негізгі мәні ғылыми, мұражайлық және кітапханалық қызметті жүзеге асыру, сондай-ақ түркітану саласындағы ғылыми зерттеулер нәтижелерінің ілгерілеуіне жәрдемдесу болып белгіленсін.
3 3. Қазақстан Республикасы Білім және ғылым министрлігі жарғылық капиталды қалыптастыру үшін және ғылыми зерттеулер жүргізуге 228277000 (екі жүз жиырма сегіз миллион екі жүз жетпіс жеті мың) теңге сомасында қаражат көздесін.
4 4. Қазақстан Республикасы Қаржы министрлігінің Мемлекеттік мүлік және жекешелендіру комитеті Қазақстан Республикасы Білім және ғылым министрлігімен бірлесіп, заңнамада белгіленген тәртіппен:
1) қоғамның жарғысын бекітуді;
2) қоғамды әділет органдарында мемлекеттік тіркеуді;
3) қоғам акцияларының мемлекеттік пакетіне иелік ету және пайдалану құқықтарын Қазақстан Республикасы Білім және ғылым министрлігіне беруді;
4) осы қаулыдан туындайтын өзге де шараларды қабылдауды қамтамасыз етсін.
5 5. Астана қаласының әкімдігі Қазақстан Республикасының заңнамасында белгіленген тәртіппен Бейбітшілік және келісім сарайы ғимаратынан қоғамды орналастыру үшін үй-жай берсін.
6 6. Қазақстан Республикасы Білім және ғылым министрлігі:
1 1) осы қаулының 3-тармағына сәйкес бөлінетін қаражат есебінен 70650000 (жетпіс миллион алты жүз елу мың) теңге мөлшерінде қоғамның жарғылық капиталын қалыптастыруды қамтамасыз етсін;
2 2) Қазақстан Республикасы Қаржы министрлігінің Мемлекеттік мүлік және жекешелендіру комитетімен бірлесіп, заңнамада белгіленген тәртіппен қоғамның Директорлар кеңесін сайлауды қамтамасыз етсін.
7 7. Қоса беріліп отырған Қазақстан Республикасы Үкіметінің кейбір шешімдеріне енгізілетін толықтырулар бекітілсін.
8 8. Осы қаулы қол қойылған күнінен бастап қолданысқа енгізіледі.
0 Қазақстан Республикасы Үкіметінің кейбір шешімдеріне енгізілетін толықтырулар
Қазақстан Республикасы
Үкіметінің
2010 жылғы 21 қазандағы
№ 1090 қаулысымен
бекітілген
Қазақстан Республикасы Үкіметінің кейбір шешімдеріне енгізілетін толықтырулар
1 1. «Акциялардың мемлекеттік пакеттеріне мемлекеттік меншіктің түрлері және ұйымдарға қатысудың мемлекеттік үлестері туралы» Қазақстан Республикасы Үкіметінің 1999 жылғы 12 сәуірдегі № 405 қаулысында(Қазақстан Республикасының ПҮАЖ-ы, 1999 ж., № 13, 124-құжат):
көрсетілген қаулымен бекітілген Акцияларының мемлекеттік пакеттері мен үлестері республикалық меншікке жатқызылған акционерлік қоғамдар мен шаруашылық серіктестіктердің тізбесінде:
«Астана қаласы» деген бөлім мынадай мазмұндағы реттік нөмірі 21-121-жолмен толықтырылсын:
«21-121. «Түркі академиясы» КЕАҚ».
2 2. «Республикалық меншіктегі ұйымдар акцияларының мемлекеттік пакеттері мен мемлекеттік үлестеріне иелік ету және пайдалану жөніндегі құқықтарды беру туралы» Қазақстан Республикасы Үкіметінің 1999 жылғы 27 мамырдағы № 659 қаулысында:
көрсетілген қаулыға қосымшада:
«Қазақстан Республикасының Білім және ғылым министрлігі» деген бөлім мынадай мазмұндағы реттік нөмірі 222-33-6-жолмен толықтырылсын:
«222-33-6 «Түркі академиясы» КЕАҚ».
3 3. «Қазақстан Республикасы Білім және ғылым министрлігінің мәселелері» туралы Қазақстан Республикасы Үкіметінің 2004 жылғы 28 қазандағы № 1111 қаулысында (Қазақстан Республикасының ПҮАЖ-ы, 2004 ж., № 40, 522-құжат):
көрсетілген қаулымен бекітілген Қазақстан Республикасы Білім және ғылым министрлігінің қарауындағы ұйымдардың тізбесінде:
«3. Акционерлік қоғамдар» деген бөлім мынадай мазмұндағы реттік нөмірі 9-жолмен толықтырылсын:
«9. «Түркі академиясы».