Об утверждении Типового положения о службе организации авиаперевозок

Күшін жойған Қаулы ·№ 428 · 27.08.2026 жағдай бойынша

Деректемелер және дереккөз

Толық атауы: Об утверждении Типового положения о службе организации авиаперевозок
Атауы (қаз.): Авиатасымалдарды ұйымдастыру қызметі туралы үлгі ережені бекіту туралы
Акт түрі: Қаулы
Заңдық күші: Күшін жойған
Тізілімдегі мәртебе коды: yts
Нөмірі: 428
Қабылданған күні: 20.04.2011
Көрсетілген редакция: 11.09.2015 AI58387_2.kaz
Соңғы өзгеріс: 11.09.2015
Мәтін тілі: қазақша
НҚА мемлекеттік тіркеу нөмірі: P1100000428
ЭКБ идентификаторы: 58387
Редакция идентификаторы: AI58387_2
Бастапқы дереккөз: ЭКБ zan.gov.kz (API)
Деректер жаңартылды: 03.08.2026 05:32

0 Авиатасымалдарды ұйымдастыру қызметі туралы үлгі ережені бекіту туралы

«Қазақстан Республикасының әуе кеңістігін пайдалану және авиация қызметі туралы» Қазақстан Республикасының 2010 жылғы 15 шілдедегі Заңының 13-бабының 39) тармақшасына сәйкес Қазақстан Республикасының Үкіметі ҚАУЛЫ ЕТЕДІ:

1 1. Қоса беріліп отырған Авиатасымалдарды ұйымдастыру қызметі туралы үлгі ереже бекітілсін.

2 2. Осы қаулы алғашқы ресми жарияланғанынан кейін күнтізбелік он күн өткен соң қолданысқа енгізіледі.

0 Авиатасымалдарды ұйымдастыру қызметі туралы үлгі ереже

Қазақстан Республикасы Үкіметінің
2011 жылғы 20 сәуірдегі
№ 428 қаулысымен
бекітілген
Авиатасымалдарды ұйымдастыру қызметі туралы үлгі ереже

1 1. Жалпы ережелер

1 1. Авиатасымалдарды ұйымдастыру қызметі (бұдан әрі - АТҰҚ) азаматтық авиация ұйымының (бұдан әрі - ААҰ) құрылымдық бөлімшесі болып табылады және жолаушыларға қызмет көрсету, әуе көлігімен тасымалданатын багажды, пошта жөнелтімдерін мен жүктерді өңдеу мақсатында құрылады.

2 2. АТҰҚ өзінің жұмысында Қазақстан Республикасының қолданыстағы заңнамасын, Халықаралық азаматтық авиация ұйымының (ИКАО) құжаттарын, ААҰ құрылтай құжаттарын, ААҰ бірінші басшысының (немесе оны алмастырушы адамның) бұйрықтарын, өкімдерін, сондай-ақ осы ережені басшылыққа алады.

3 3. АТҰҚ-ны ААҰ-ның бірінші басшысының (немесе оны алмастырушы адамның) бұйрығымен тағайындалатын немесе босатылатын қызмет бастығы басқарады.

4 4. АТҰҚ қызметкерлерінің құрылымын, штаттық кестесін және лауазымдық нұсқаулықтарын АТҰҚ бастығының ұсынуы бойынша ААҰ-ның бірінші басшысы (немесе оны алмастырушы адам) бекітеді.

2 2. АТҰҚ-ның негізі міндеттері мен функциялары

5 5. АТҰҚ-ның негізгі міндеттері мыналар болып табылады:

1 1) жолаушыларға, пошта жөнелтімдерін, багаж бен жүкке уақтылы және сапалы қызмет көрсетуді қамтамасыз ету;

2 2) пошта жөнелтімдерінің, багаж бен жүктің бүтіндігі мен сақталуын қамтамасыз ету;

3 3) әуе кемелерінің (бұдан әрі - ӘК) коммерциялық жүк көтерімділігін ұтымды және тиімді пайдалану.

6 6. Қойылған міндеттерді шешу үшін АТҰҚ мынадай функцияларды жүзеге асырады:

1 1) жолаушыларға қызмет көрсету, багажды, пошта жөнелтімдері мен жүктерді өңдеу бойынша технологиялық операцияларды уақтылы және сапалы орындау;

2 2) жолаушыларға қызмет көрсету, багажды, пошта жөнелтімдері мен жүктерді өңдеу технологиясын жетілдіру мен жақсарту жөнінде шаралар қабылдау;

3 3) жолаушыларға қызмет көрсету, багажды, пошта жөнелтімдер мен жүктерді өңдеу бойынша қызметтер көрсету кезінде авиакомпаниялардың, мүдделі ұйымдар мен мемлекеттік органдардың өкілдерімен өзара іс-қимыл жасау;

4 4) жолаушыларды тіркеу, тасымалдау құжаттамаларын, багажға, пошта жөнелтімдері мен жүктерге биркаларды ресімдеу;

5 5) тасымалдау құжаттамасын уақтылы ресімдеуді қамтамасыз ету;

6 6) ӘК-де жолаушыларды уақтылы отырғызуды, түсіруді, багаж бен жүкті орналастыруды, тиеуді (түсіруді) қамтамасыз ету;

7 7) АТҰҚ қызметкерлерін оқыту және олардың біліктілігін арттыру бойынша шаралар қабылдау;

8 8) жолаушылардың багажын сақтау камерасының, жүктер мен пошта жөнелтімдерін сақтау қоймасының қызметін ұйымдастыру;

9 9) билет кассасының және/немесе жол жүру құжаттарын беретін пункттердің қызметін ұйымдастыру;

10 10) авиакомпаниялардың жолаушыларға қызмет көрсету, багаж, пошта жөнелтімдері мен жүктерді өңдеу жөніндегі талаптарын қанағаттандыруға бағытталған жұмысты ұйымдастыру;

11 11) АТҰҚ жұмысына қажетті нормативтік құқықтық актілермен қамтамасыз етуді ұйымдастыру;

12 12) ұшудың жүйелілігін қамтамасыз етуге кері әсерін тигізетін себептер мен факторларды жою бойынша шаралар қабылдау;

13 13) ААҰ-ның жолаушыларға қызмет көрсетуге жұмылдырылған басқа қызметтерімен өзара іс-қимыл жасау.

3 3. Қызметті ұйымдастыру

7 7. Штаттық кестеге сәйкес АТҰҚ құрамына мыналар кіреді:

1 1) қызмет бастығы;

2 2) қызмет бастығының орынбасары (АТҰҚ қызметкерлерінің саны 20 адамнан артық болғанда);

3 3) менеджерлер;

4 4) АТҰҚ диспетчерлері;

5 5) ӘК орталықтандыру жөніндегі диспетчерлер;

6 6) кассирлер;

7 7) жолаушыларға қызмет көрсету агенттері;

8 8) багаж жөніндегі агенттер;

9 9) сақтау камерасының қоймашылары.

8 8. АТҰҚ бастығы:

1 1) жолаушыларға қызмет көрсетудің, багажды, пошта жөнелтімдері мен жүктерді өңдеудің технологиялық кестесінің орындалуын сақтауы мен сапасын бақылайды;

2 2) АТҰҚ қызметкерлерін әуе кемелерінің келуі мен ұшуы, әуе кемелерінің тұрақ орны, қону гейтінің (галереясының) нөмірлері туралы тәуліктік жоспармен қамтамасыз ету бойынша шаралар қабылдайды;

3 3) АТҰҚ қызметкерлерінің функционалдық міндеттеріне кіретін мәселелер бойынша оларға тапсырмалар, міндеттер береді, олардың орындалуын бақылайды;

4 4) АТҰҚ қызметкерлерінің өндірістік және еңбек тәртібін сақтауын, өрт қауіпсіздігі мен еңбек қауіпсіздігін сақтауын, ААҰ-ның ішкі ұйымдық-өкімдік құжаттарының орындалуын бақылайды;

5 5) АТҰҚ қызметін жетілдіру мәселелері бойынша шаралар қабылдайды, ұсыныстар енгізеді;

6 6) АТҰҚ қызметінің мәселелер бойынша, соның ішінде күзгі-қысқы және көктемгі-жазғы навигацияға дайындық кезінде жоспарлардың, тапсырмалардың уақтылы орындалуын бақылайды;

7 7) қажет болған жағдайда қажетті көмекпен, жолаушыларға құқығы мен міндеттерін түсіндіруді қамтамасыз етеді;

8 8) ААҰ-ның барлық құрылымдық бөлімшелерінің және жолаушыларға, багажға және пошта женелтімдеріне қызмет көрсету мәселелері бойынша басқа ұйымдардың басшыларымен өзара іс-қимыл жасайды;

9 9) жолаушыларға, багажға және пошта жөнелтімдеріне қызмет көрсету мәселелері бойынша ААҰ кеңестеріне қатысады.

9 9. АТҰҚ қызметкерлерінің қызметтік құқықтары мен міндеттері лауазымдық нұсқаулықтарда және/немесе ААҰ-ның бірінші басшысы мен АТҰҚ қызметкері арасындағы еңбек шарттарында белгіленеді.