Об утверждении Положения о деятельности организаций здравоохранения, оказывающих пульмонологическую помощь Күшін жойған

Пульмонологиялық көмек көрсететін денсаулық сақтау ұйымдарының қызметі туралы ережені бекіту туралы «Халық денсаулығы және денсаулық сақтау жүйесі туралы» Қазақстан Республикасының 2009 жылғы 18 қыркүйектегі кодексінің 32-бабына және Қазақстан Республикасы Үкіметінің 2010 жылғы 29 қаңтардағы № 43 қаулысымен бекітілген Қазақстан Республикасының денсаулық сақтау саласын дамытудың 2011 - 2015 жылдарға арналған «Саламатты Қазақстан» мемлекеттік бағдарламасын іске асыру жөніндегі іс-шаралар жоспарының 89-тармағына сәйкес БҰЙЫРАМЫН:

1. Қоса беріліп отырған Пульмонологиялық көмек көрсететін денсаулық сақтау ұйымдарының қызметі туралы ереже бекітілсін.

2. Қазақстан Республикасы Денсаулық сақтау министрлігінің Медициналық көмекті ұйымдастыру департаменті (А.Ғ. Төлеғалиева) осы бұйрықты Қазақстан Республикасы Әділет министрлігінде мемлекеттік тіркеуді қамтамасыз етсін.

3. Қазақстан Республикасы Денсаулық сақтау министрлігінің Заң департаменті осы бұйрық Қазақстан Республикасы Әділет министрлігінде мемлекеттік тіркелгеннен кейін оны заңнамада белгіленген тәртіппен бұқаралық ақпарат құралдарында ресми жариялауды қамтамасыз етсін.

4. Осы бұйрықтың орындалуын бақылау Қазақстан Республикасының Денсаулық сақтау вице-министрі Е.Ә. Байжүнісовке жүктелсін.

5. Осы бұйрық оны алғашқы ресми жариялаған күнінен кейін күнтізбелік он күн өткен соң қолданысқа енгізіледі.

Қазақстан Республикасы Денсаулық сақтау министрінің 2011 жылғы 14 сәуірдегі № 196 бұйрығымен бекітілген Пульмонологиялық көмек көрсететін денсаулық сақтау ұйымдарының қызметі туралы ереже

1. Жалпы ережелер

1. Осы Пульмонологиялық көмек көрсететін денсаулық сақтау ұйымдарының қызметі туралы ереже (бұдан әрі- Ереже) меншік нысанына қарамастан пульмонологиялық көмек көрсететін ұйымдардың қызметін реттейді.

2. Халыққа пульмонологиялық көмек көрсететін денсаулық сақтау ұйымдары пульмонологиялық науқастарды анықтау, емдеу және медициналық оңалтуға бағытталған іс-шараларды уақтылы өткізу мақсатында құрылады.

3. Халыққа (ересектерге және балаларға) пульмонологиялық көмек көрсететін ұйымдардың жұмысын штаттан тыс бас пульмонолог (республика, облыс, қала) реттейді.

4. Халыққа пульмонологиялық көмек көрсететін ұйымдардың негізгі міндеттері:

1) тыныс алу органдары ауруларының алдын алуға бағытталған іс- шараларды ұйымдастыру және жүргізу;

2) тыныс алу органдары патологиясының (пневмония, өкпенің созылмалы обструктивтік ауруы, бронх демікпесі, бронхоэктаз ауруы, өкпенің интерстициялық ауруы, өкпенің даму ақаулары және өкпенің басқа бейспецификалық аурулары) диагностикалау;

3) емдеудің барлық кезеңдерінде сабақтастықты сақтай отырып, тыныс алу органдарының ауруларын емдеу;

4) тыныс алу органдарының туа біткен және/немесе жүре пайда болған бейспецификалық аурулармен ауыратын науқастарды консервативтік емдеу әдістерін, медициналық-әлеуметтік оңалтуды қоса алғанда медициналық оңалту жүргізу.

5. Аудандық емханаларда, ауданаралық емханаларда немесе ауруханаларда деңгейінде амбулаториялық-емханалық көмек көрсететін ұйымдар пульмонологиялық науқастарды медициналық айғақтары бойынша пульсоксиметриялық, спирометриялық, рентгенологиялық тексеру және қақырықты бактериологиялық (Кох бактерияларына зерттеуді қоса алғанда) зерттеу әдістерімен тексереді.

6. Қалалық емхана немесе консультациялық-диагностикалық орталық деңгейінде амбулаториялық-емханалық көмек көрсететін ұйымдар, осы ереженің 5-тармағында көрсетілген зерттеулерден басқа, медициналық айғақтары бойынша пульмонологиялық науқастарға компьютерлік томография, фибробронхоскопиялық зерттеу және қақырықты цитологиялық тексеру жүргізеді.

7. Стационарлық көмек көрсететін ұйымдар пульмонологиялық науқастарға медициналық айғақтары бойынша пульсоксиметриялық, спирометриялық, рентгенологиялық (компьютерлік томографияны қоса алғанда), фибробронхоскопиялық тексеру, сондай-ақ қақырықты бактериологиялық, цитологиялық (Кох бактерияларына зерттеулерді қоса алғанда) зерттеу, қанның прокальцитонин деңгейін анықтау (ауыр пневмониясы бар науқастарға) жүргізеді.

2. Пульмонологиялық көмек көрсететін ұйымдардың құрылымы

8. Пульмонологиялық науқастарға амбулаториялық-емханалық көмек көрсету үшін аудандық емханада, қалалық емханада, консультациялық-диагностикалық орталықта пульмонологтың кабинеті ұйымдастырылады.

9. Пульмонологиялық науқастарға стационарлық көмек көрсету үшін қалалық, облыстық, республикалық деңгейдегі және астанадағы ұйымдарда пульмонологиялық бөлімше құрылады.

3. Пульмонолог кабинеті

10. Пульмонолог кабинетінің негізгі міндеттері:

1) тыныс алу органдарының ауруларымен ауыратын науқастарға амбулаториялық-емханалық көмек көрсету;

2) тыныс алу органдарының созылмалы аурулары және пневмониялар анықталған науқастардың диспансерлеу жүргізу;

3) тыныс алу органдарының ауруларымен ауыратын науқастарды амбулаториялық емханалық емдеу нәтижесіз болғанда жоспарлы түрде немесе қажеттігіне қарай шұғыл түрде ауруханаға жатқызу;

4) диагностикалау және емдеу тұрғысынан күрделі патологиямен ауыратын науқастарды торакальды хирургтың, фтизиатрдың, онкологтың, және басқа мамандардың консультациясына жолдау;

5) науқастарды медициналық-әлеуметтік сараптау комиссиясына жолдау;

6) бронх-өкпелік аурулармен ауыратын, соның ішінде торакальды хирургиялық операция жасалған, науқастарға құрамына физикалық оңалту кіретін респираторлық оңалтуды ұйымдастыру және жүргізу (соның ішінде муковисцидозбен ауыратын науқастар үшін кинезитерапия);

7) тыныс алу органдары ауруларының алдын алуға бағытталған іс-шараларды ұйымдастыру және жүргізу, бронх-өкпелік созылмалы аурулармен ауыратын науқастарға арналған ағартушы бағдарламаларды енгізу (ӨСОА-мектеп, демікпе-мектеп және т.б.);

8) тыныс алу органдарының аурулары бойынша статистикалық деректерді талдау және «Денсаулық сақтау ұйымдарының бастапқы медициналық құжаттама нысандарын бекіту туралы» Қазақстан Республикасы Денсаулық сақтау министрінің міндетін атқарушының 2010 жылғы 23 желтоқсандағы № 907 бұйрығында бекітілген нысандарға сәйкес есеп әзірлеу (Қазақстан Республикасының Нормативтік құқықтық актілерін мемлекеттік тіркеу тізілімінде 2010 жылғы 21 желтоқсанда № 6697 тіркелген) (бұдан әрі - бастапқы медициналық құжаттама нысанасы);

9) халықтың, науқастардың және олардың туыстарының арасында санитариялық-ағартушылық жұмыс жүргізу, бронх-өкпелік созылмалы аурулармен ауыратын науқастарды психологиялық демеу жасау.

11. Пульмонолог кабинеті осы Ережеге 1-қосымшаға сәйкес медициналық жабдықтардың ең төменгі тізбесімен қамтамасыз етіледі.

4. Пульмонологиялық бөлімше

12. Пульмонологиялық бөлімшенің негізгі міндеттері:

1) орташа және ауыр дәрежедегі бронх-өкпелік аурулармен ауыратын науқастарға стационарлық көмек көрсету: пневмония, өршу сатысындағы өкпенің созылмалы обструктивтік ауруы, өршу сатысындағы бронх демікпесі, бронхоэктаз ауруы, өкпенің интерстициялық ауруы, өкпенің даму кемістігі және өкпенің басқа бейспецификалық аурулары;

2) бронх-өкпелік аурулармен ауыратын науқастарға емдеуге жатқызу кезеңінде құрамына физикалық оңалту кіретін респираторлық оңалту жүргізу, соның ішінде муковисцидозбен ауыратын науқастар үшін кинезитерапия жүргізу;

3) бронх-өкпелік ауруларды диагностикалаудың, емдеудің, диспасерлеу мен алдын алудың жаңа тәсілдерін енгізу;

4) пульмонология саласында медициналық көмек көрсету мәселелері бойынша медициналық ұйымдар қызметкерлерінің кәсіптік біліктілік арттыру процесіне қатысу;

5) бронх-өкпелік ауруларды диагностикалау, емдеу және алдын алу мәселелері бойынша стационардың басқа бөлімшелерінің дәрігерлеріне консультациялық көмек көрсету;

6) бронх-өкпелік аурулармен ауыратын науқастардың еңбекке уақытша жарамсыздығына сараптама жүргізу;

7) бастапқы медициналық құжат нысандарына сәйкес есепке алу құжаттарын жүргізу, қызмет туралы есептер беру;

8) психологиялық демеу, науқастармен және олардың туыстарымен санитариялық-ағартушылық жұмыс жүргізу болып табылады.

13. Пульмонологиялық бөлімше осы Ережеге 2-қосымшаға сәйкес медициналық жабдықтардың ең аз тізбесімен қамтамасыз етіледі.

14. Пульмонологиялық бөлімшенің құрылымында мыналар ұйымдастырылады:

1) реанимация мен жіті терапия палатасы (блок) (бөлімшенің 10 науқасына 1 төсек есебінен). Реанимация мен жіті терапия палатасы (блок) осы Ережеге 3-қосымшаға сәйкес медициналық жабдықтардың ең аз тізбесімен қамтамасыз етіледі;

2) бокстарға бөлінген палаталар;

3) ингаляциялық кабинет.

15. Тыныс алу органдарының ауруларымен ауыратын науқастарға «мейірбикелік іс» мамандығы бойынша қызметкерлер небулайзерлік терапия жүргізуі үшін ингаляциялық кабинет қарастырылған, ол осы Ережеге 4-қосымшаға сәйкес медициналық жабдықтардың ең аз тізбесімен қамтамасыз етіледі.

Пульмонологиялық көмек көрсететін ұйымдардың қызметі туралы ережеге 1-қосымша Пульмонологиялық кабинеттің медициналық жабдықтарының ең төменгі тізбесі № Жаб­дық­тар­дың ата­у­ла­ры Са­ны (да­на/жиын­тық) 1 Нега­то­скоп 2 Пик­флуо­метр 3 Спи­ро­метр 4 Бак­те­ри­цид­тік ста­ци­о­нар­лық сәу­ле­ле­уіш 5 Жал­пы дә­рі­гер­лік жиын­тық 6 Дә­рі­гер­лік қа­был­дау жиын­тығы

Пульмонологиялық көмек көрсететін ұйымдардың қызметі туралы ережеге 2-қосымша Пульмонология бөлімшеге арналған медициналық жабдықтардың ең төменгі тізбесі № Жаб­дық­тар­дың ата­у­ла­ры Са­ны (да­на/ жиын­тық) 1 Уль­тра­күл­гін бак­те­ри­цид­тік сәу­ле­ле­уіш (бөл­ме­лер­ге ар­нал­ған) 3 2 Пуль­сок­си­метр (пор­та­тив­тік) 2 3 Көп ар­на­лы элек­тро­кар­дио­граф 1 4 Нега­то­скоп -1 5 Плев­ра­лық пунк­ци­я­ға ар­нал­ған жиын­тық 3 6 От­те­гі­нің кон­цен­тра­то­ры (жы­л­жы­ма­лы) 3 7 Му­ко­вис­ци­до­з­бен са­лы­стыр­ма­лы ди­а­гно­сти­ка жүр­гі­зу үшін тер сы­на­ма­сын анық­та­у­ға ар­нал­ған ап­па­ра­ту­ра (ба­ла­лар­ды ем­дей­тін пуль­мо­но­ло­ги­я­лық бө­лім­ше­де) 1 8 Бар­лық па­ла­та­лар­ға от­те­гін жет­кі­зу­дің ор­та­лық­тан­дыр­ған жүй­е­сі тө­сек са­ны бой­ын­ша 9 Пик­фло­уметр тө­сек са­ны бой­ын­ша 10 Спей­сер тө­сек са­ны бой­ын­ша 11 Прин­те­рі­мен ком­пью­тер дә­рі­гер­лер са­ны бой­ын­ша 12 Жал­пы дә­рі­гер­лік жиын­тық дә­рі­гер­лер са­ны бой­ын­ша

Пульмонологиялық көмек көрсететін ұйымдардың қызметі туралы ережеге 3-қосымша Пульмонология бөлімшесінің жіті терапия палатасына арналған медициналық жабдықтардың ең төменгі тізбесі № Жаб­дық­тар­дың ата­у­ла­ры Са­ны (да­на/ жиын­тық) 1 Дә­рі­лік заттар­дың до­за­то­ры тө­сек­ке 1 2 От­те­гі кон­цен­тра­то­ры тө­сек­ке 1 3 Ин­тен­сив­ті те­ра­пия тө­се­гі тө­сек­ке 1 4 Ам­бу қап­шы­ғы 2 тө­сек­ке 1 5 Тө­сек жа­нын­да­ғы мо­ни­тор тө­сек­ке 1 6 Небу­лай­зер тө­сек­ке 1 7 Ой­ы­лу­лар­ға қар­сы мат­рас 2 тө­сек­ке 1 * 8 Жы­л­жы­ма­лы ме­ди­ци­на­лық жа­рық тү­сір­гіш 1 9 Жал­пы ті­зім­де­гі дә­рі-дәр­мек­ке ар­нал­ған шкаф 1 10 Ұзақ уа­қыт көк та­мыр­лық құ­ю­лар­ға ар­нал­ған шта­тив тө­сек­ке 1 11 Элек­тро­сор­ғыш 2 тө­сек­ке 1 12 Бак­те­ри­цид­тік ста­ци­о­нар­лық сәу­ле­ле­уіш 1 13 Дә­рі­гер­лік қа­был­дау жиын­тығы (ұсы­ны­ла­ды) 1 14 Қы­сым және кө­лем бой­ын­ша рет­те­у­ге бо­ла­тын, өк­пе­нің ин­ва­зив­ті емес вен­ти­ля­ци­я­сын жүр­гі­зу тәр­ті­бі кі­ре­тін өк­пе­ні жа­сан­ды жел­де­ту­ге ар­нал­ған көп функ­ци­я­лық ап­па­рат тө­сек­ке 1 15 Қы­сым­ды рет­теу және мо­ни­тор­лау мум­кін­ді­гі­мен өк­пе­ні мас­ка­мен жел­де­ту­ге ар­нал­ған көп фун­ци­я­лық ап­па­рат тө­сек­ке 1 16 Өк­пе­ні жа­сан­ды жел­де­ту­ге ар­нал­ған та­сы­мал­ды ап­па­рат 1 17 Га­з­ды анық­тай­тын тал­да­уым 1

Пульмонологиялық көмек көрсететін ұйымдардың қызметі туралы ережеге 4-қосымша Пульмонология бөлімшесінің ингаляциялық кабинетінің медициналық жабдықтарының ең төменгі тізбесі № Жаб­дық­тар­дың ата­у­ла­ры Са­ны (да­на/ жиын­тық) 1 Уль­тра­күл­гін бак­те­ри­цид­тік сәу­ле­ле­уіш (бөл­ме­лер­ге ар­нал­ған) 1 2 Ста­ци­о­нар­лық көп ар­на­лы небу­лай­зер 2 3 Пор­та­тив­тік небу­лай­зер 5 4 Небу­лай­зер­ге ар­нал­ған мунд­штук тө­сек са­ны бой­ын­ша