Об утверждении Правил проведения собрания (схода) местного сообщества и принятия решений
Деректемелер және дереккөз
- Толық атауы
- Об утверждении Правил проведения собрания (схода) местного сообщества и принятия решений
- Атауы (қаз.)
- Жергілікті қоғамдастықтың жиналысын (жиынын) өткізудің және шешімдерін қабылдаудың ережесін бекіту туралы
- Акт түрі
- Ереже
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 297
- Қабылданған күні
- 29.06.2011
- Көрсетілген редакция
- 21.08.2013 59851_207351.kaz
- Соңғы өзгеріс
- 21.08.2013
- Мәтін тілі
- қазақша
- НҚА мемлекеттік тіркеу нөмірі
- V11L0004273
- ЭКБ идентификаторы
- 59851
- Редакция идентификаторы
- 59851_207351
- Бастапқы дереккөз
- ЭКБ zan.gov.kz (API)
- Деректер жаңартылды
- 03.08.2026 05:06
0 Жергілікті қоғамдастықтың жиналысын (жиынын) өткізудің және шешімдерін қабылдаудың ережесін бекіту туралы
"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 39-3-бабының 2-тармағына сәйкес Қызылорда облыстық мәслихаты ШЕШІМ ЕТЕДІ:
1 1. Қоса берілген "Жергілікті қоғамдастықтың жиналысын (жиынын) өткізудің және шешімдерін қабылдаудың ережесі" бекітілсін.
2 2. "Қызылорда облысында жергілікті қоғамдастықтар жиналысын (жиынын) өткізу және шешімдер қабылдау ережесін бекіту туралы" Қызылорда облыстық мәслихатының 2009 жылғы 26 маусымдағы N 163 шешімі жойылды деп танылсын.
3 3. Осы шешім алғаш ресми жарияланғаннан кейін күнтізбелік он күн өткен соң қолданысқа енгізіледі.
4 Қызылорда облыстық мәслихатының
2011 жылғы 29 маусымдағы
N 297 шешімімен бекітілген
Жергілікті қоғамдастықтың жиналысын (жиынын) өткізу және шешімдер қабылдау
ЕРЕЖЕСІ
Жергілікті қоғамдастықтың жиналысын (жиынын) өткізудің және шешімдерін қабылдаудың тәртібін айқындайтын осы Ереже Қазақстан Республикасының Конституциясына, "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңына сәйкес әзірленді.
1 1. Жалпы ережелер
1 1. Жергілікті қоғамдастықтың жиналысы (жиыны) (бұдан әрі-Жиналыс) әкімшілік-аумақ шегінде тұратын тұрғындардың тікелей пікір білдіруінің бір түрі болып табылады және жергілікті маңыздағы мәселелерді талқылау үшін өткізіледі.
2 2. Жергілікті қоғамдастық мүшелері жиналысқа өзі қатысады және олардың әрқайсысы бір дауысқа ие болады.
3 3. Қазақстан Республикасының азаматын жергілікті қоғамдастық мүшесі ретінде тану үшін оның жергілікті өзін-өзі басқару жүзеге асырылатын әкімшілік-аумақтық бірліктің аумағында тұрғылықты жері бойынша тіркелу фактісі негіз болады.
Жергілікті қоғамдастық аумағында тұрақты тұратын жері бар шетелдіктер мен азаматтығы жоқ адамдар "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңында немесе халықаралық шартта белгіленген шектерде жергілікті өзін-өзі басқаруды жүзеге асыруға қатысады.
2 2. Жиналыс өткізудің бастамашылары
4 4. Жиналысын өткізуге:
1 1) жергілікті қоғамдастық мүшелері;
2 2) тиісті мәслихат;
3 3) тиісті әкім бастамашы болуы мүмкін.
3 3. Жиналысты тағайындаудың және өткізудің тәртібі
5 5. Жиналыс ол туралы жазбаша ұсыныс (шешім) жергілікті өзін-өзі басқару органдарына енгізілген күннен бастап 30 күнтізбелік күннен кешіктірілмей өткізіледі.
6 6. Жиналыстың өтетін күні мен орны, оның қарауына енгізілетін мәселелер, сондай-ақ, олар бойынша қабылданған шешімдер бұқаралық ақпарат құралдарында жариялануға жатады.
7 7. Жиналысты жүргізу үшін оған қатысушылардың қалауы бойынша төрағадан, хатшыдан және басқа да адамдардан тұратын төралқа сайланады.
Жиналыстың төралқасының құрамын сайлау, күн тәртібін және оны өткізу регламентін бекіту Жиналысты өткізу бастамашысының немесе Жиналысқа қатысушылардың ұсынысы бойынша қатысушылардың көпшілік даусымен жүзеге асырылады.
Жиналыс төрағасы жергілікті өзін-өзі басқару органдарымен және олардың лауазымды тұлғаларымен өзара қатынаста Жиналыс атынан сөйлейтін өкілетті тұлға болып табылады.
8 8. Жергілікті қоғамдастық мүшесі Жиналыс өткізу кезінде жергілікті өзін-өзі басқаруды жүргізуге байланысты мәселелер көтеріп, ұсыныстар енгізе алады.
4 4. Жиналыстың шешімдерін қабылдау тәртібі
9 9. Жиналыстың шешімдері қатысушылардың көпшілік даусымен қабылданады және хаттамамен рәсімделеді.
Хаттамада Жиналыстың өткізілген күні мен орны, оның жұмысына қатысқан жергілікті қоғамдастық мүшелерінің саны және онда қабылданған шешімдер көрсетіліп, оған Жиналыс төрағасы және хатшысы қол қояды.