Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6 бабы 1 тармағының 12-2) тармақшасына сәйкес ІV-ші сайланған Алматы қаласының мәслихаты ШЕШІМ ЕТТІ:

«29» маусымдағы ХХХХІV сессиясының № 450 шешімімен бекітілді
«Алматы қаласының Құрметті азаматы»
атағын беру туралы
Ереже

1. «Алматы қаласының Құрметті азаматы» атағын беру туралы осы Ереже (бұдан әрі - Ереже) Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңына сәйкес әзірленді және «Алматы қаласының Құрметті азаматы» атағын берудің тәртібін анықтайды.

2. «Алматы қаласының Құрметті азаматы» атағын (бұдан әрі - Атақ) беру азаматтардың көп жылғы жемісті еңбегін, олардың қабілеті мен дарынын және бастамаларын қоғамдық мойындауды білдіретін маңызды моральдық ынталандыру болып табылады. Ол азаматтардың еңбек және қоғамдық белсенділігін арттыруға, олардың Алматы қаласының экономикалық және әлеуметтік дамытуға жұмсаған күш-жігерін көтермелеуге, өскелең жас ұрпақты қазақстандық отансүйгіштік рухында тәрбиелеуге және халықтар арасында достықты нығайтуға арналған.

Ұлы Отан соғысы кезіндегі ерліктері мен қаһармандығы, сондай-ақ бейбіт уақыттағы кәсіби міндеттерін немесе азаматтық борышын орындау кезіндегі жеке қаһармандығы үшін;
экономикасының, ғылымы мен мәдениетінің, өнерінің, білімінің, денсаулық сақтау және әлеуметтік саласының дамуына қосқан зор үлесі үшін;
мемлекеттік және қоғамдық қызметтегі, демократияны дамытудағы жариялылық пен әлеуметтік прогрестегі, рухани және интелектуалдық әлеуеттегі табыстары үшін;
заңдылықты, қоғамдық тәртіпті тиімді қамтамасыз еткені үшін;
азаматтардың құқықтары мен заңды мүдделерін қорғаудағы көп жылғы белсенді еңбегі, қайырымдылық қызметі мен ізгі істері үшін;
халықтар арасындағы ұлтаралық қатынастар мен қоғамдық тұрақтылықты, бейбітшілікті, достық пен ынтымақтастықты нығайту жолындағы көп жылғы жемісті еңбегі үшін;
өндіріс, бизнес, спорт салаласындағы, мемлекеттік және әскери қызметтегі аса жоғары нәтижелері үшін;
қоршаған ортаны қорғауға көп жылғы белсене қатысқаны үшін;
Алматы қаласының елдегі және шетелдердегі келбетін көтеруге қосқан мол қоғамдық танымал үлесі үшін беріледі.

Атақ Алматы қаласының аумағында тұрмайтын адамдарға да берілуі мүмкін.
Атақ өмірінің кезінде де, өмірден өткеннен кейін де берілуі мүмкін.

8. Атақты беру туралы ұсыныстарды Алматы қаласының мәслихатына Алматы қаласының әкімі Алматы қаласы мәслихатының сессиясында осы мәселені қарауға дейін бір айдан кем емес және Қала күніне дейін үш айдан кем емес наградалар жөніндегі қалалық комиссияның (бұдан әрі - Комиссия) шешімдері негізінде енгізеді.

Қолдау хатқа тиісті уәкілетті адам немесе бірінші басшы қол қояды, онда атақ берілетін үміткердің нақты сіңірген еңбектері көрсетіледі.
Қолдау хатқа жиналыс, конференция хаттамаларының көшірмелері, үміткердің ерекше сіңірген еңбектері, өмірбаяндық деректемелерін растайтын құжаттамалардың көшірмелері қоса беріледі.
Үміткерлігін өз бетімен ұсынған адамдардан түскен Атақ беру туралы қолдау хат қаралмайды.
Бір үміткерге берілетін қолдау хатты енгізу Алматы қаласы мәслихатының бір сайланған кезеңінде екі реттен аспауы тиіс.

Алматы қаласының мәслихатына Атақ беру туралы ұсыным енгізу;
қолдау хатты қанағаттандырмау;
қолдау хатты қосымша құжаттарды немесе мәліметтерді беру үшін қайтару;

Атақ беру туралы дипломға Алматы қаласының әкімі және Алматы қаласы мәслихатының төрағасы қол қояды.

20. Атақ беру мәселелері жөніндегі құжаттаманы және оның есебін жүргізуді, Алматы қаласы бюджетінің қаражаттары есебінен медальдарды және төсбелгілерді, дипломдарды және куәліктерді дайындауды, Алматы қаласының Құрмет Кітабын ресімдеуді және оны күтіп-ұстауды тиісінше Алматы қаласы мәслихатының аппараты жүзеге асырады.