📌 Ескерту. Күші жойылды - ҚР Қаржы министрінің 2009.01.09 N 5 бұйрығымен.
"Салық және бюджетке төленетiн басқа да мiндеттi төлемдер туралы" Қазақстан Республикасы Заңына өзгерiстер мен толықтырулар енгiзу туралы" 1999 жылғы N 492-1 Қазақстан Республикасының Заңын және "Қазақстан Республикасында шығарылатын және Қазақстан Республикасы кеден аумағына әкелiнетiн, Қазақстан Республикасы аумағында сатылатын акцизделетiн тауарларға акциздер ставкасы және ойын бизнесi туралы" Қазақстан Республикасы Үкiметiнің 2000 жылғы 28 қаңтардағы N 137 қаулысын орындау мақсатында БҰЙЫРАМЫН:

аталған Нұсқауды Қазақстан Республикасының Қаржы министрлiгiмен және Қазақстан Республикасының Энергетика, индустрия және сауда министрлiгiмен келiссiн; келiсiлген Нұсқауды Қазақстан Республикасының Әдiлет министрлiгiне мемлекеттiк тiркеуге жiберiлсiн.

5. Осы бұйрық мемлекеттiк тіркеу күнiнен бастап күшiне енедi.
Бөлшек саудада сатылатын бензин (авиациялықтан басқа) және дизель отынына белгiленген акциздер ставкаларын қолдану тәртiбi туралы Нұсқау

1. Осы Нұсқау "Қазақстан Республикасында шығарылатын және Қазақстан Республикасы кеден аумағына әкелiнетiн, Қазақстан Республикасы аумағында сатылатын акцизделетiн тауарларға акциздер ставкасы және ойын бизнесi туралы" Қазақстан Республикасы Үкiметiнің 2000 жылғы 28 қаңтардағы N 137 қаулысы негiзiнде әзiрлендi және бөлшек саудада бензин және дизель отынын сататын салық төлеушiлерге қолданылады. Аталған қаулыда бөлшек саудада сатылатын бензин (авиациялықтан басқа) және дизель отынына акциздер ставкасы бiр метрикалық тонна үшiн былай белгiленген: бензинге - 500 теңге; дизель отынына - 60 теңге.
2. Бөлшек саудадағы бензин және дизель отынын сату литрлерде жүргiзiледi. Литрдi тоннаға айналдыру өлшеу жүргiзiлетiн температураға қарай тығыздылық көрсеткiштi пайдаланып жүргiзiледi.
Бензиннің барлық түрлерi үшiн тығыздықтың орташа көрсеткiші 0,730 кг/литр, ал дизель отыны үшiн 0,769 кг/литр құрайды;
осыларды ескергенде:
1000 кг бензиннiң 1 тоннасы =___________ = 1370 литр;
0,730 кг/л 1000 кг дизель отынының 1 тоннасы = ______________ = 1300 литр; 0,769 кг/л
Акциз сомасын есептеу және бөлшек саудада сатылатын бензин және дизель отынын сату бағасына оны енгiзу үшiн бiр метрикалық тонна және литрдегi мұнай өнiмдерiнiң көлемi үшiн белгiленген акциз ставкаларының қатынасы ретiнде айқындалатын 1 литрге акциздiң есептiк ставкасын қолдану керек.
Акциздердің есептiк ставкалары мынаны құрайды:
бензин бойынша: 500 теңге: 1370 л = 0,37 теңге/литр;
дизель отыны бойынша: 60 теңге: 1300 = 0,05 теңге/литр.
Акциздердің айқындалған есептiк ставкалары бөлшек саудада сатылатын бензин және дизель отынының 1 литрiн сату бағасын енгiзедi.
3. "Айналым, оның iшiнде өз өндiрiсi шикiзаты бойынша...." I-тарауының "Акциздердi есептеу" бағанындағы акциз бойынша декларацияда бөлшек саудада сатылған бензин және дизель отынының көлемi тонналарда көрсетiледi.
Бұл үшiн бөлшек саудада сатылған бензин және дизель отынының көлемi сондай-ақ мынадай формула бойынша тығыздықтың орташа көрсеткiшiн пайдалана отырып тонналардан литрлерге көшiрiледi:
V литр х 0,730 кг/литр бензин бойынша:
М тонна = _______________________;
1000 V литр х 0,769 кг/литр дизель отыны бойынша:
М тонна = _______________________, 1000 онда М тонна - сатылған бензин және дизель отынының тоннадағы көлемi;
V литр - сатылған бензин және дизель отынының литрдегi көлемi.
"Акциз ставкасы" бағанында "Қазақстан Республикасында шығарылатын және Қазақстан Республикасы кеден аумағына әкелiнетiн, Қазақстан Республикасы аумағында сатылатын акцизделетiн тауарларға акциздер ставкасы және ойын бизнесi туралы" Қазақстан Республикасы Үкiметiнің 2000 жылғы 28 қаңтардағы N 137 қаулысымен белгiленген бензин және дизель отынына акциздердің ставкасы көрсетiледi.