Шарттасушы Тараптар, тең құқылық және өзара сыйластық принциптерін басшылыққа ала отырып, Шарттасушы Тараптар мемлекеттерінің ұлттық заңдарына сәйкес және осы келісім шеңберінде контрабанда мен кеден ережелерін бұзушылықтың, сондай-ақ қару-жарақтың, оқ-дәрілердің, жарылғыш заттардың, есірткі құралдарының және психотроптық заттардың заңсыз айналымын алдын алу, тергеу және жолын кесу мақсатында ынтымақтасатын болады.

Шарттасушы Тараптар жүк және жолаушылар қатынастарындағы және почталық айырбастағы кедендік бақылауды жеделдетуге, сондай-ақ көлік құралдарының, жүктің, жолжүгінің, почталық жөнелтімдердің, валютаның, басқа төлем құралдарының және валюталық құндылықтардың заңсыз әкелінуін, әкетілуін және транзитін ескертуге, осы келісімге қатысушы мемлекеттердің экономикалық және басқа мүдделеріне келетін нұқсанды болдырмауға бағытталған барлық қажетті шараларды қабылдайды.

Шарттасушы Тараптар осы келісімнің негізінде өз құзыреттерінің шегінде және ұлттық заңдарды сақтай отырып бір-бірімен ынтымақтасады:

Шарттасушы Тараптардың әрқайсысының бастамасы бойынша және екінші
Шарттасушы Тараптың сұрау салуы бойынша:

Шарттасушы Тараптардың берген ақпараты жазбаша және ауызша түрде құпия болып саналады және осы келісімді орындау мақсатында қолданылады. Шарттасушы Тараптар осы келісімге сәйкес алынған мәліметтерді егер олардың таралуы басқа Тарап мүдделеріне немесе Тараптардың бірлескен іс-қимылдарының мүдделеріне нұқсан келтіретін болса, басқа ведомстволар мен бұқаралық ақпарат құралдарына бермейді.

Егер Шарттасушы Тараптардың біреуінің басқа Тарапқа сұрау салуы (осы келісімнің 3 және 4 баптарына сәйкес) басқа Шарттасушы Тарап мемлекетінің егемендігі мен ұлттық қауіпсіздігіне нұқсан келтіретін болса, негіздемелер мен уәждерді көрсетумен үндеу кері қайтарылуы мүмкін.

Шарттасушы Тараптар олардың ұлттық заңының негізінде, қажет болған жағдайда, олардың заңсыз айналымына қарсы күрес тиімділігін көтеру мақсатында қару-жарақтың, оқ-дәрінің, жарылғыш заттардың бақыланушы жеткізілім әдісін жүзеге асырады.

Егер Шарттасушы Тараптардың біреуі контрабанда немесе кеден
ережелерінің бұзылуы фактілері бойынша екінші Шарттасушы Тараптың
лауазымды тұлғасының қатысуына мүдделі жағдайда, ол келесі Шарттасушы
Тарапқа тиісті сұрау салумен жүгінуге құқы бар.
Бұл сұрау салуларды қанағаттандыру осы келісімнің 3 және 4-баптарымен
реттемеленеді.
Шарттасушы Тараптардың біреуінің лауазымды тұлғалары басқа Шарттасушы
Тараптың аумағында болған мерзімде өздерінің ресми өкілеттігінің құжаттық
растауы болуы тиіс.

Осы келісімді түсіндіру және жүзеге асыруға байланысты барлық даулы
мәселелер Шарттасушы Тараптар арасындағы кеңестер мен келіссөздер жолымен
шешіледі.

Тараптардың келісуі бойынша осы келісімге өзгертулер мен толықтырулар
енгізілуі мүмкін. Өзгертулер мен толықтырулар осы келісімнің ажырамас
бөлігі болып табылатын жеке хаттамалармен ресімделеді және осы келісімнің
тиісті бабымен белгіленген тәртіпте күшіне енеді.
Тараптар арасындағы хат жазысу орыс тілінде жүргізіледі.

Шарттасушы Тараптар осы келісімді орындауға байланысты шығындарды
өтеуге кінәраттардан бас тартады, мамандардың сапарына байланысты
шығындардан басқа.

Осы келісімнің ережелері басқа халықаралық шарттарға сәйкес басқа
Шарттасушы Тараптардың мемлекеттері қабылдаған міндеттерді қозғамайды.

Осы келісім қол қойылған күнінен бастап күшіне енеді және бес жыл
бойы қолданылады, одан кейін егер Тараптардың бірде-бірі тиісті мерзімде
алты ай қалғанда оның қолданылуын тоқтату туралы өзінің ниетін жазбаша
нысанда мәлімдемесе, ол автоматты түрде келесі бес жылға ұзартылады.
1999 жылғы 2 қыркүйекте Астана қаласында қазақ, армян
және орыс тілдерінде екі данада жасалды, әрі бұл ретте барлық мәтіндер
бірдей болып табылады. Осы келісімнің ережелерін түсіндіру қажет болған
жағдайда орыс тіліндегі мәтін негізге алынады.
Қазақстан Республикасы
Мемлекеттік кіріс министрлігі
Кеден комитетінің атынан
Армения Республикасы
Мемлекеттік кіріс
министрлігінің атынан