Кіру
Құжат мәтініне өту

Об утверждении Правил приема, регистрации и рассмотрения заявки на предоставление инвестиционных преференций

Бұйрық · № 183 · қабылданған 01.06.2012
Заңдық күші: Күшін жойған · 17.09.2026 жағдай бойынша
https://adilet.kz/laws/doc-66399/on/2026-09-17/
Басып шығарылды 2026-09-17 · adilet.kz
Об утверждении Правил приема, регистрации и рассмотрения заявки на предоставление инвестиционных преференций Күшін жойған Бұйрық ·№ 183 ·01.06.2012
30.12.2015 редакциясы
Акт күшін жойған. Мәтін анықтама үшін берілген және қолданыстағы құқық болып табылмайды.
17.09.2026 жағдай бойынша қолданыста болған редакция: 30.12.2015. Бұл — корпустағы соңғы редакция.

Об утверждении Правил приема, регистрации и рассмотрения заявки на предоставление инвестиционных преференций

Күшін жойған Бұйрық ·№ 183 · 17.09.2026 жағдай бойынша
Деректемелер және дереккөз
Толық атауы
Об утверждении Правил приема, регистрации и рассмотрения заявки на предоставление инвестиционных преференций
Атауы (қаз.)
Инвестициялық преференцияларды беруге арналған өтінімдерді қабылдау, тіркеу және қарау қағидаларын бекіту туралы
Акт түрі
Бұйрық
Заңдық күші
Күшін жойған
Тізілімдегі мәртебе коды
yts
Нөмірі
183
Қабылданған күні
01.06.2012
Көрсетілген редакция
30.12.2015 AI66399_2.kaz
Соңғы өзгеріс
30.12.2015
Мәтін тілі
қазақша
НҚА мемлекеттік тіркеу нөмірі
V1200007759
ЭКБ идентификаторы
66399
Редакция идентификаторы
AI66399_2
Бастапқы дереккөз
ЭКБ zan.gov.kz (API)
Деректер жаңартылды
03.08.2026 02:08

0 Инвестициялық преференцияларды беруге арналған өтінімдерді қабылдау, тіркеу және қарау қағидаларын бекіту туралы

«Инвестициялар туралы» Қазақстан Республикасы Заңының 20-бабының 2-тармағына сәйкес БҰЙЫРАМЫН:

1. Қоса берiлiп отырған инвестициялық преференцияларды беруге арналған өтiнiмдердi қабылдау, тiркеу және қарау қағидалары бекiтiлсiн.

2. «Инвестициялық преференцияларды беруге арналған өтінімдерді қабылдау, тіркеу және қарау Ережелерін бекіту туралы» Қазақстан Республикасының Индустрия және сауда министрлiгi Инвестиция комитетi төрағасының 2005 жылғы 5 маусымдағы № 38-п бұйрығының күші жойылды деп танылсын (Нормативтік құқықтық актілерді мемлекеттік тіркеу тіркелімінде № 3708 тіркелген, «Юридическая газета» газетінде 2005 жылғы 29 қыркүйектегі № 179 (913) жарияланған).

3. Қазақстан Республикасының Индустрия және жаңа технологиялар министрлігі Инвестиция комитеті (А.Ж. Серіков) заңнамамен белгіленген тәртіппен Қазақстан Республикасының Әділет министрлігінде осы бұйрықтың мемлекеттік тіркелуін және бұқаралық ақпарат құралдарында ресми жариялануын қамтамасыз етсін.

4. Осы бұйрықтың орындалуын бақылау Қазақстан Республикасының Индустрия және жаңа технологиялар бірінші вице-министрі А.П. Рауға жүктелсін.

5. Осы бұйрық алғашқы ресми жарияланған күнінен бастап күнтізбелік он күн өткен соң қолданысқа енедi.

6 Инвестициялық преференцияларды беруге арналған өтінімдерді қабылдау, тіркеу және қарау қағидалары

Қазақстан Республикасының
Индустрия және жаңа технологиялар
министрінің 2012 жылғы
1 маусымдағы № 183 бұйрығымен
бекітілген
Инвестициялық преференцияларды беруге арналған өтінімдерді қабылдау, тіркеу және қарау қағидалары

1. Жалпы ережелер

1. Осы Инвестициялық преференцияларды беруге арналған өтiнiмдердi қабылдау, тiркеу және қарау қағидалары (бұдан әрi - Қағидалары) инвестиция жөніндегі уәкілетті орган инвестициялық преференцияларды беруге арналған өтiнiмдердi қабылдау, тiркеу және қарау тәртiбiн анықтайды.

2. Осы Қағидаларда мынадай ұғымдар қолданылады:

1) инвестициялар жөнiндегi уәкiлеттi орган (бұдан әрi – уәкiлеттi орган) – Қазақстан Республикасының Үкіметі анықтайтын инвестициялық келісім-шарттар жасау және олардың орындалуын бақылау жөніндегі мемлекеттік орган;

2) өтінім беруші - қызметтiң басым түрлерiнде инвестициялық жобаны немесе инвестициялық стратегиялық жобаны iске асыру үшiн инвестициялық преференцияларды алуға өтiнiм берген Қазақстан Республикасының заңды тұлғасы.

2. Өтiнiмдердi қабылдау және тiркеу

3. Инвестициялық преференцияларды алуға өтiнiмді өтінім беруші уәкiлеттi органның кеңсесiне тапсырады, ол тіркеу нөмірін берумен және күнімен тіркеледі одан соң уәкiлеттi органның бiрiншi басшысына немесе оның орынбасарына берiледi.

4. Уәкiлеттi органның басшысы немесе оның орынбасары өтiнiмдi «Инвестициялар туралы» Заңның (бұдан әрі – Заң) талаптарына сәйкестігін тексеру үшiн уәкiлеттi органның тиiстi бөлiмшесіне береді.

3. Өтiнiмдi қарау

5. Инвестициялық преференцияларды беру үшiн өтінім қарау мерзімі жиырма жұмыс күнін құрайды.

6. Уәкілетті органнның тиісті бөлімшесі өтінімді инвестициялық преференцияларды беру мәніне қараған кезде:

1) өтінімнің бекітілген нысанға сәйкестігіне талдау жүргізеді:

2) Заңның 19-бабында көрсетілген құжаттардың барын айқындайды;

3) инвестициялық жобаның немесе инвестициялық стратегиялық жобаның бизнес-жоспарын Заңның 19-бабының 4-тармақшасына сәйкес бекітілген Талаптар сәйкестігіне талдау жүргізеді;

4) инвестициялық жобаның немесе инвестициялық стратегиялық жобаның қаржыландыру көздерiнiң болуына және қаржыландыру кепілдігін анықтайды;

5) салықтық қарыз, басқа да мiндеттi төлемдер және әлеуметтік аударымдар бойынша қарыздардың жоқтығына талдау жасайды;

6) инвестициялық мәселелер (келiсiмдер) бойынша мемлекеттiк органдармен және басқа мекемелермен өзара жұмыс атқарады.

7. Тапсырыстың нәтижелері бойынша Уәкілетті орган инвестициялық преференцияларды беру немесе бас тарту жөнінде шешім қабылдайды, ол жайлы Өтінім берушіге жазбаша жауап жібереді. Инвестициялық преференцияларды беруге бас тарту жөніндегі шешім уәжді болуы тиіс.

Қолданыстағы