Қазақстан Республикасының 2003 жылғы 8 шілдедегі Орман кодексінің 12-бабының 17-17) тармақшасына сәйкес Қазақстан Республикасының Үкіметі ҚАУЛЫ ЕТЕДІ:

Қазақстан Республикасы
Үкіметінің
2012 жылғы 21 шілдедегі
№ 957 қаулысымен
бекітілген
Орман қоры аумағында ағаштың заңсыз кесілуінен келтірілген залалды есепке алу және анықтау қағидалары

1. Осы Орман қоры аумағында ағаштың заңсыз кесілуінен келтірілген залалды есепке алу және анықтау қағидалары (бұдан әрі – Қағидалар) Қазақстан Республикасының 2003 жылғы 8 шілдедегі Орман кодексінің 12-бабының 17-17) тармақшасына сәйкес әзірленді және орман қоры аумағында ағаштың заңсыз кесілуінен келтірілген залалды есепке алу және анықтау тәртібін айқындайды.

2. Ағаштың заңсыз кесілуі – Қазақстан Республикасының орман қорында ағаштар мен бұталарды, оның ішінде табиғи, антропогендік және техногендік факторлардың салдарынан зақымданған және жойылған ағаштар мен бұталарды: ағаш кесу билетінсіз; ағаш кесу билеті бойынша мемлекеттік орман қоры учаскелерінде ағаш кесу қағидаларын бұзып, ағаш кесу билетінде белгіленген мерзімдерді сақтамай кесу; есепті кеспеағаш аймағынан асып түсетін мөлшерде кесу.

3. Орман қорының аумағында ағаштың заңсыз кесілуінен келтірілген залалды есепке алу мен анықтауды орман иеленушілер олар анықталған сәтінен бастап күнтізбелік 3 күн ішінде жүргізіп, кейіннен залал туралы мәліметтерді орманды шолып, тексеру туралы есепке енгізеді, сондай-ақ мемлекеттік орман орналастыру ұйымдары өткен тексеру кезеңінде орман шаруашылығының жүргізілуін кешенді бағалау кезінде жүргізеді.

5. Орман қоры аумағында ағаштың заңсыз кесілуінен келтірілген зиянның мөлшері «Қазақстан Республикасының орман заңнамасын бұзудан келтірілген залалдың мөлшерін есептеуге арналған базалық ставкаларды бекіту туралы» Қазақстан Республикасы Үкіметінің 2007 жылғы 31 мамырдағы № 441 қаулысына (бұдан әрі – базалық ставкалар) сәйкес анықталады.

12. Шыбықтар мен өскіндерді, жинақталмаған орман дақылдарын, плантацияларда, сондай-ақ селекциялық-тұқым шаруашылығы және селекциялық-генетикалық мақсаттағы ағаштар мен бұталардың заңсыз кесілуінен келтірілген зиянның мөлшері олардың санын базалық ставкаларда көзделген зиянды өтеу мөлшеріне көбейту жолымен анықталады.

13. Ағаштың заңсыз кесілуінен зақымдалған орман қоры учаскелерінде орманды қалпына келтіруге жұмсалатын шығыстар ормандарды молықтыру жөніндегі жұмыстарды жүргізуге қажет шығындар бойынша анықталады, бұл ретте ормандарды молықтыру жөніндегі іс-шараларды жүргізуге жұмсалған шығыстар сомасынан кесілген, бірақ тасып әкетілмеген, сатылуға жататын орман материалдарының құны шегеріледі.
Орман қоры аумағында ағаштың
заңсыз кесілуінен келтірілген залалды
есепке алу және анықтау қағидасына
қосымша
Орман қоры аумағында ағаштың заңсыз кесілуінен келтірілген залалды есепке алу журналы*
_____________________________________________________________________
(орман иеленушілердің атауы)
осы журналда _______ (жазбаша) парақ
нөмірленді және тігілді
___________________________________________
* журнал нөмірленеді, тігіледі, орман иеленуші
басшысының қолымен және мөрімен куәландырылады
р/с №
Ор­ман қо­ры ау­ма­ғын­да аға­штың заң­сыз ке­сі­лу­і­нен кел­ті­рі­л­ген за­лал­дың тү­рі
Аға­штар неме­се бұ­та­лар тұқым­да­ры
Аға­штар неме­се бұ­та­лар са­ны, да­на
Сү­рек кө­ле­мі, тек­ше метр
Бір бір­лі­гі үшін зи­ян­ды өтеу мөл­ше­рі тең­ге
Зи­ян­ды өтеу мөл­шер­ле­рі бой­ын­ша есеп­тел­ген за­лал со­ма­сы
1
2
3
4
5
6
7