"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 6 бабы, "Агроөнеркәсіптік кешенді және ауылдық аумақтарды дамытуды мемлекеттік реттеу туралы" Қазақстан Республикасының 2005 жылғы 8 шілдедегі Заңының 18 бабы 5 тармағына сәйкес ШЕШЕМІЗ:

1. Жаңақорған ауданының ауылдық елді мекендерінде тұратын және жұмыс істейтін әлеуметтік қамсыздандыру, мәдениет, спорт және ветеринария мемлекеттік ұйымдарының мамандарына, ауылдық жерде жұмыс істейтін білім берудің педагог қызметкерлеріне, мемлекеттік денсаулық сақтау секторы ұйымдарының медицина және фармацевтика қызметкерлеріне отын сатып алу үшін бюджет қаражаты есебінен біржолғы ақшалай өтемақы 6000 (алты мың) теңге мөлшерінде әлеуметтік көмек берілсін.

Аудандық мәслихаттың
кезектен тыс X
сессиясының төрағасы                        С. Ыскаков
Аудандық мәслихат хатшысы                   А. Налибаев