Қазақстан Республикасының 2008 жылдың 10 желтоқсандағы "Салық және бюджетке төленетін басқа да міндетті төлемдер туралы (Салық Кодексі)" Кодексінің 387-бабының 1-тармағына және Қазақстан Республикасының 2001 жылдың 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 6-бабының 1-тармағының 15) тармақшасына сәйкес, Ескелді аудандық мәслихаты ШЕШІМ ҚАБЫЛДАДЫ:

1. Ескелді аудандық мәслихаттың 2008 жылғы 30 қаңтардағы N 9-55 шешімімен бекітілген Ескелді ауданының жерді аймақтарға бөлу жобасы (схемасы) негізінде, Салық Кодексінің 379, 381, 383–баптарында белгіленген жер салығының ставкалары автотұраққа (паркингке), автомобильге май құю станцияларына бөлінген (бөліп шығарылған) және казино орналасқан жерлерді қоспағанда, Ескелді ауданы бойынша 40 процентке жоғарылатылсын.

2. Ескелді аудандық мәслихатының 2010 жылғы 30 наурыздағы "Ескелді ауданы бойынша жер салығының базалық ставкаларын белгілеу туралы" N 37-226 (Ескелді аудандық Әділет басқармасында 2010 жылдың 28 сәуірде нормативтік құқықтық актілерді мемлекеттік тіркеу Тізілімінде 2-9-106 нөмірімен тіркелген, 2010 жылы 22 мамырда Ескелді аудандық "Жетысу Шұғыласы" газетінің 22 нөмірінде жарияланған) шешімінің күші жойылды деп танылсын.

4 .Осы шешім әділет органдарында мемлекеттік тіркелген күннен бастап күшіне енеді және алғаш ресми жарияланғаннан кейін күнтізбелік он күн өткен соң қолданысқа енгізіледі.
КЕЛІСІЛДІ:
08 қараша 2013 жыл