Об утверждении Правил служебной этики государственных служащих Министерства по чрезвычайным ситуациям Республики Казахстан
Күшін жойған
Бұйрық
·№ 536
·
14.08.2026 жағдай бойынша
Деректемелер және дереккөз
- Толық атауы
- Об утверждении Правил служебной этики государственных служащих Министерства по чрезвычайным ситуациям Республики Казахстан
- Атауы (қаз.)
- Қазақстан Республикасы Төтенше жағдайлар министрлігінің мемлекеттік қызметшілері қызмет этикасының қағидаларын бекіту туралы
- Акт түрі
- Бұйрық
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 536
- Қабылданған күні
- 26.11.2013
- Көрсетілген редакция
- 15.10.2015 AI76997_2.kaz
- Соңғы өзгеріс
- 15.10.2015
- Мәтін тілі
- қазақша
- НҚА мемлекеттік тіркеу нөмірі
- V1300009037
- ЭКБ идентификаторы
- 76997
- Редакция идентификаторы
- AI76997_2
- Бастапқы дереккөз
- ЭКБ zan.gov.kz (API)
- Деректер жаңартылды
- 02.08.2026 21:48
0 Қазақстан Республикасы Төтенше жағдайлар министрлігінің мемлекеттік қызметшілері қызмет этикасының қағидаларын бекіту туралы
«Қазақстан Республикасы мемлекеттік қызметшілерінің ар-намыс кодексі туралы» Қазақстан Республикасы Президентінің 2005 жылғы 3 мамырдағы № 1567 Жарлығына өзгерістер енгізу туралы» Қазақстан Республикасы Президентінің 2013 жылғы 1 қазандағы № 651 Жарлығының 2-тармағын іске асыру мақсатында, БҰЙЫРАМЫН:
1 1. Қоса беріліп отырған Қазақстан Республикасы Төтенше жағдайлар министрлігінің мемлекеттік қызметшілері қызмет этикасының қағидалары бекітілсін.
2 2. Кадрлық қамтамасыз ету департаменті (Е.Б. Құлтаев) осы бұйрықтың Қазақстан Республикасы Әділет министрлігінде мемлекеттік тіркелуін және белгіленген тәртіппен мерзімдік баспа басылымдарында ресми жариялануын қамтамасыз етсін.
3 3. Әкімшілік жұмыс департаменті (Е. Алдоңғаров) Қағида мәтінін Министрлік ғимаратында баршаға көрінетіндей жерлерде орналастыруды қамтамасыз етсін.
4 4. Комитет төрағалары, Министрліктің орталық аппараты құрылымдық бөлімшелерінің, облыстар, Астана және Алматы қалалары департаменттерінің, ведомстволық бағынысты ұйымдардың басшылары, әскери бөлімдер командирлері осы бұйрықты қызметкерлердің назарына жеткізсін және оның орындалуын қамтамасыз етсін.
5 5. Осы бұйрықтың орындалуын бақылау Қазақстан Республикасы Төтенше жағдайлар министрлігі аппаратының басшысы С.Қ. Оқасовқа жүктелсін.
6 6. Осы бұйрық алғашқы ресми жарияланған күнiнен бастап күнтiзбелiк он күн өткен соң қолданысқа енгізіледі.
7 Қазақстан Республикасы Төтенше жағдайлар министрлігінің мемлекеттік қызметшілері қызмет этикасының қағидалары
Қазақстан Республикасы
Төтенше жағдайлар министрінің
2013 жылғы 26 қарашадағы
№ 536 бұйрығымен
бекітілген
Қазақстан Республикасы Төтенше жағдайлар министрлігінің мемлекеттік қызметшілері қызмет этикасының қағидалары
1
1. Осы Қазақстан Республикасы Төтенше жағдайлар министрлігінің мемлекеттік қызметшілері қызмет этикасының қағидалары (бұдан әрі – Қағида) «Мемлекеттік қызмет туралы» Қазақстан Республикасының 1999 жылғы 23 шілдедегі Заңына, «Сыбайлас жемқорлыққа қарсы күрес туралы» Қазақстан Республикасының 1998 жылғы 2 шілдедегі Заңына, «Қазақстан Республикасы мемлекеттік қызметшiлерiнiң ар-намыс кодексі туралы» (бұдан әрі – Кодекс) Қазақстан Республикасы Президентінің 2005 жылғы 3 мамырдағы № 1567 Жарлығына сәйкес әзірленді.
2 2. Қағида Қазақстан Республикасы Төтенше жағдайлар министрлігі (бұдан әрі – Министрлік), оның ведомстволары мен аумақтық органдары мемлекеттік қызметшілері мінез-құлқының негізгі стандарттарын айқындайды.
Министрліктің мемлекеттік қызметшілері:
1 1) заңдылық қағидаттарын, Қазақстан Республикасы Конституцияның, заңдары мен өзге де нормативтік құқықтық актілерінің талаптарын басшылыққа алуы;
2 2) шығу тегіне, әлеуметтік, лауазымдық және мүліктік жағдайларына, жынысына, нәсіліне, ұлтына, дінге көзқарасына, сеніміне, тұрғылықты жері мен өзге де мән-жайларға қарамастан адамның және азаматтың ар-намысы мен абыройын құрметтеуі;
3 3) Қазақстан халқының бірлігі мен елдегі ұлтаралық келісімді нығайтуға ықпал етуі, мемлекеттік тілге және басқа тілдерге, Қазақстан халқының салттары мен дәстүрлеріне құрметпен қарауы;
4 4) адал, әділ, қарапайым болуы, жалпы қабылданған моральдық-этикалық нормаларды сақтауы, азаматтармен және әріптестермен қарым-қатынаста сыпайылық пен ізеттілік танытуы;
5 5) өзінің лауазымдық міндеттерін орындау барысында басқа тұлғаларға қатысты сабырлылық, сыпайылық, әдептілік және құрмет танытуы;
6 6) қызметтік дәреже сатысын сақтауы;
7 7) өзінің жұмыс уақытын тиімді пайдалана отырып, қызметтік міндеттерін адал, әділ және сапалы орындауы, жұмыста бастамашылдық танытуы, қойылған міндеттерді шешу үшін барлық күш-жігерін салуы, сынды дұрыс қабылдауы, жіберілген қателіктерін уақытында мойындауы, өзін жалған ақтауды іздемеуі;
8 8) стратегиялық мақсаттар мен міндеттерге жетуде ұжым бірлігіне ықпал етуі;
9 9) адал болуы, өзінің кәсіби қызметіне біреудің, оның ішінде өзінің туысқандарының, достарының немесе таныстарының ықпал етуіне жол бермеуі;
10 10) Қазақстан Республикасының мемлекеттік рәміздері мен Министрліктің нышандарын қадірлеуі және құрметтеуі;
11 11) адамдардың өмірі мен денсаулығының қауіпсіздігін қамтамасыз етуде, көмекке мұқтаж әрбір нақты адамның тыныштығы және тұрақтылығы үшін өзінің жеке жауапкершілігін терең сезінуі;
12 12) Министрліктің үздік дәстүрлерін: патриотизм, қызметтік борышына адалдық, серіктестік, өзара көмек беру, қайсарлық, адал ниеттілік, адамгершілік пен кәсібилікті сақтауы және көбейтуі;
13 13) өз біліктілігін, кәсіби даярлығын ұдайы жетілдіріп отыратын, жан-жақты дамыған, аса білімді маман болуға тырысатын, өз қызметінде технологиялардың прогрессивті әдістері және озық тәжірибе мен білімді қолданатын қызметкер ғана адам мен қоғамға пайда келтіретінін білуі;
14 14) тіпті бір ғана ұқыпсыз қызметкердің әрекетсіздігі, әдепсіз қылығы, қорқақтығы мен рухсыздығының кесірінен Министрліктің жалпы күш-жігері мен жұмысының нәтижесі әлсізденуі немесе мүлдем жойылуы мүмкін екендігін әрқашанда есте сақтауы;
15 15) қарамағындағы бөлімшеде жайлы моральдық-психологиялық климат құруға талап пен жауапкершілікті сәтті байланыстыруы, қызметкерлердің адамгершілік мәдениетін қалыптастыруы;
16 16) қарамағындағы қызметкерлерге қамқор болуы, олардың әлеуметтік-құқықтық қорғалуын қамтамасыз етуі, ардагерлерге, сондай-ақ қызметтік борышын орындау кезінде қайтыс болған қызметкерлердің отбасыларына көңіл бөлуі;
17 17) қарамағындағы қызметкерлердің атқаратын лауазымдарына сәйкес олардың қызметтік өкілеттіліктерінің міндеттері мен көлемін дәл белгілеуге, оларға орындай алмайтындығы айқын өкімдерді бермеуі;
18 18) осы Қағида талаптарының бұзылу фактілеріне қағидаты ден қоюы, кінәлі қызметкерлердің жауапкершілігімен қатар, өзінің де жеке жауапкершілігі туралы мәселені қоюға әзір болуы керек.
3 3. Министрлік мемлекеттік қызметшілері Кодекспен белгіленген сыбайлас жемқорлықа қарсы мінез-құлықты сақтауы керек.
Егер Министрлік мемлекеттік қызметшісі сыбайлас жемқорлықпен байланысты немесе қызметкерлердің өз қызметтік міндеттерін орындау барысында сыбайлас жемқорлыққа жағдай туғызатын сыбайлас жемқорлық құқық бұзушылығы туралы шынайы ақпаратты білетін болса, мемлекеттік қызмет саласындағы және сыбайлас жемқорлыққа қарсы күрес туралы заңнамалармен белгіленген шаралар қабылдау қажет.