Қазақстан Республикасы Президентінің 2013 жылғы 1 қазандағы "Қазақстан Республикасы Президентінің 2005 жылғы 3 мамырдағы "Қазақстан Республикасы мемлекеттік қызметшілерінің ар - намыс кодексі туралы" № 1567 Жарлығына өзгерістер енгізу туралы" № 651 Жарлығының 2 - тармағына сәйкес, Екібастұз қаласының әкімдігі ҚАУЛЫ ЕТЕДІ:

2014 жылғы 17 қаңтардағы
№ 41/1 қаулысымен бекітілді
Екібастұз қаласы жергілікті атқарушы органдары мемлекеттік
қызметшілері қызмет этикасының қағидалары

1. Екібастұз қаласы жергілікті атқарушы органдарының мемлекеттік қызметшілері қызмет этикасының осы қағидалары (бұдан әрi – Қағидалар) Қазақстан Республикасы Президентінің 2013 жылғы 1 қазандағы "Қазақстан Республикасы Президентінің 2005 жылғы 3 мамырдағы "Қазақстан Республикасы мемлекеттік қызметшілерінің ар - намыс кодексі туралы" № 1567 Жарлығына өзгерістер енгізу туралы" № 651 Жарлығына сәйкес әзірленді.

қызметтік міндеттерін Қазақстан Республикасының Конституциясына, заңдарына, Қазақстан Республикасы Президентінің актілеріне, өзге де нормативтік құқықтық актілерге, мораль мен ар-ұяттың жалпы қабылданған қағидаттарына сәйкес жауапкершілікпен және адал атқаруға, Қазақстан Республикасы мемлекеттік қызметшілерінің ар-намыс кодексі мен осы Қағидалардың нормаларын мүлтіксіз сақтауға;
мемлекеттiк билiктiң беделiн, мемлекет институттарға азаматтардың сенімін нығайтуға жәрдемдесуге, Қазақстан Республикасы азаматтарының құқықтарын сақтауға, мемлекеттің мүддесін қорғауға;
өзіне талап қойғыш, принципшіл, шыншыл және турашыл болуға, сондай-ақ сыбайлас жемқорлықтың кез келген көріністеріне және басқа құқық бұзушылықтарға төзімсіз болуға;
өздерінің құзыреттері шегінде шығарған басшылықтың бұйрықтары мен тапсырмаларын, жоғары тұрған лауазымды тұлғалардың шешімдері мен нұсқауларын сапалы және уақтылы орындауға;
қауіпсіздік техникасы мен еңбекті қорғау нормаларын ескере отырып, жұмыс уақытын еңбек өнімділігі үшін тиімді пайдалануға, денсаулығына және жеке басының немесе жұмыстағы әріптестерінің қауіпсіздігі үшін қауіп-қатерлі болуы мүмкін кез келген оқиға туралы хабардар етіп отыруға;
мемлекеттік қызметші ретінде өзінің, сондай-ақ мемлекеттік органның беделін түсіретін іс-әрекеттер жасамауға;
өзiнiң қызметтiк мiндеттерiн атқару кезеңiнде киiмнiң iскерлiк қалпын ұстануға;
қызметтен тыс уақытта жалпы қабылданған моральдық-этикалық нормаларды ұстануға, қоғамға жат мiнез-құлық жағдайларына жол бермеуге міндетті.

егер мемлекеттік қызметші мемлекеттік көрсетілетін қызметтер туралы заңнамамен көзделген тәртіпте мемлекеттік көрсетілетін қызметтерге қатысса, жеке және заңды тұлғаларға нақты, уақтылы, тиімді қызмет көрсету бойынша шаралар қабылдауға;
жеке және заңды тұлғаларға ұсынылатын мемлекеттік көрсетілетін қызметтердің сапасын арттырып отыруға;
жеке және заңды тұлғаларға төзімділікпен және құрметпен қарауға;
жеке және заңды тұлғаларға қатысты немқұрайлыққа және ұқыпсыздыққа жол бермеуге;
шыққан тегіне, әлеуметтік, лауазымдық және мүліктік жағдайына, жынысына, нәсіліне, ұлтына, тіліне, дінге қатысына, наным - сеніміне, тұрғылықты жеріне қарай немесе кез келген өзге де себептермен жеке және заңды тұлғалардың беделін түсіруге жол бермеуге міндетті.

әріптестеріне қатысты сыпайылық және әдептілік танытуы тиіс;
әріптестеріне ресми түрде өтініш білдіруге;
жұмыстағы әріптестерімен қарым - қатынас кезінде қатыгез мінез-құлық танытуға, сондай-ақ балағат сөздерді пайдалануға жол бермеуге;
әріптестері мен басшылықтары тарапынан айтылған сын мен ескертулерді дұрыс қабылдауға, сондай-ақ жіберілген қателіктерін дер кезінде мойындай білуге;
шыққан тегіне, әлеуметтік, лауазымдық және мүліктік жағдайына, жынысына, нәсіліне, ұлтына, тіліне, дінге қатысына, наным - сеніміне, тұрғылықты жеріне немесе кез келген өзге де себептерге қарамастан әріптестерінің ар - намысы мен қадір - қасиетін құрметтеуге;
қажет болған жағдайда әріптестеріне кеңес беру немесе бұзушылыққа жол бермеу туралы ескерту арқылы көмек көрсетуге;
бөтен адамның идеялары мен бастамаларын иеленуден бас тартуға;
қызметтік міндеттерін атқаруға кедергі келтіретін іс - әрекеттерге жол бермеуге;
адами қасиеті мен кәсіптік шеберлігіне нұқсан келтіретін әріптестері туралы ақпарат таратпауға;
әріптестеріне қатысты алымсақтықтың кез келген көріністеріне жол бермеуге міндетті.

ұжымда қолайлы моральдық - психологиялық ахуалды қалыптастыруға және сақтауға, қарамағындағылардан жоғары моральдық - психологиялық, адамгершілік және кәсіптік шеберлік қасиеттерін тәрбиелеуге;
қарамағындағылардың адами қасиетін құрметтеуге, оларға қатысты әділдік танытуға;
функционалдық міндеттерді атқаратыны және тиісінше атқармайтыны үшін бірдей талаптар қоюға;
ұжымдағы еңбек тәртібінің, моральдық - психологиялық ахуалдың жай -күйін жүйелі түрде талдап отыруға;
жоғары тұрған басшыға қарамағындағылар жасаған қылмыстар, құқық бұзушылықтар және еңбек тәртібін бұзу туралы дереу баяндап отыруға міндетті.