Об утверждении правил служебной этики государственных служащих местных исполнительных органов Успенского района

Күшін жойған Қаулы ·№ 48/2 · 24.08.2026 жағдай бойынша

Деректемелер және дереккөз

Толық атауы: Об утверждении правил служебной этики государственных служащих местных исполнительных органов Успенского района
Атауы (қаз.): Успен ауданының жергілікті атқарушы органдары мемлекеттік қызметшілерінің қызметтік этикасының қағидаларын бекіту туралы
Акт түрі: Қаулы
Заңдық күші: Күшін жойған
Тізілімдегі мәртебе коды: yts
Нөмірі: 48/2
Қабылданған күні: 14.02.2014
Көрсетілген редакция: 29.01.2016 77708_278714.kaz
Соңғы өзгеріс: 29.01.2016
Мәтін тілі: қазақша
НҚА мемлекеттік тіркеу нөмірі: V14PL003715
ЭКБ идентификаторы: 77708
Редакция идентификаторы: 77708_278714
Бастапқы дереккөз: ЭКБ zan.gov.kz (API)
Деректер жаңартылды: 02.08.2026 20:53

0 Успен ауданының жергілікті атқарушы органдары мемлекеттік қызметшілерінің қызметтік этикасының қағидаларын бекіту туралы

Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 31-бабының 2-тармағына сәйкес, Қазақстан Республикасы Президентінің 2013 жылғы 1 қазандағы "Қазақстан Республикасы мемлекеттік қызметшілерінің ар-намыс кодексі туралы" Қазақстан Республикасы Президентінің 2005 жылғы 3 мамырдағы № 1567 Жарлығына өзгерістер енгізу туралы" № 651 Жарлығын орындау үшін Успен ауданы әкімдігі ҚАУЛЫ ЕТЕДІ:

1 1. Қоса берілген Успен ауданының жергілікті атқарушы органдары мемлекеттік қызметшілерінің қызметтік этикасының қағидалары бекітілсін.

2 2. Осы қаулының орындалуын бақылау Успен аудан әкімі аппаратының басшысына жүктелсін.

3 3. Осы қаулы алғашқы ресми жарияланған күнінен кейін он күнтізбелік күн өткен соң қолданысқа енгізіледі.

4 Успен ауданының жергілікті атқарушы органдары мемлекеттік қызметшілерінің қызмет этикасының қағидалары

Успен ауданы әкімдігінің
2014 жылғы "14" ақпан
№ 48/2 қаулысымен бекітілді
Успен ауданының жергілікті атқарушы органдары
мемлекеттік қызметшілерінің қызмет этикасының қағидалары

1 1. Жалпы ережелер

1

1. Успен ауданының жергілікті атқарушы органдары мемлекеттік қызметшілерінің қызмет этикасының осы қағидалары (бұдан әрi – Қағида) Қазақстан Республикасы Президентінің 2013 жылғы 1 қазандағы "Қазақстан Республикасы Президентінің 2005 жылғы 3 мамырдағы "Қазақстан Республикасы мемлекеттік қызметшілерінің ар-намыс кодексі туралы" № 1567 Жарлығына өзгерістер енгізу туралы" № 651 Жарлығына сәйкес әзірленді.

2 2. Осы Қағиданың әрекеті аудандық бюджеттен қаржыландырылатын Успен ауданының жергілікті атқарушы органдары мемлекеттік қызметшілеріне қатысты.

3

3. Аудандық бюджеттен қаржыландырылатын Успен ауданының жергілікті атқарушы органдары басшылары мемлекеттiк қызметшiлердің Қағидалармен таныстырылуын, Қағидалар нормаларының сақталуын, Қағида мәтінінің Успен ауданының жергілікті атқарушы органдардың ақпараттық стендтерінде орналастырылуын қамтамасыз етеді.

2 2. Мемлекеттік қызметшілердің мінез-құлқының жалпы қағидалары

4 4. Мемлекеттiк қызметшiлер:

1

1) қызметтік міндеттерін Қазақстан Республикасының Конституциясына, заңдарына, Қазақстан Республикасы Президентінің актілеріне, өзге де нормативтік құқықтық актілерге, мораль мен ар-ұяттың жалпы қабылданған қағидаттарына сәйкес жауапкершілікпен және адал атқаруға, Қазақстан Республикасы мемлекеттік қызметшілерінің ар-намыс кодексі мен осы қағида нормаларын мүлтіксіз сақтауға;

2 2) мемлекеттiк билiктiң беделiн, мемлекет институттарға азаматтардың сенімін нығайтуға жәрдемдесуге, Қазақстан Республикасы азаматтарының құқықтарын сақтауға, мемлекеттің мүддесін қорғауға;

3 3) өзіне талап қоя білетін, принципшіл, шыншыл және турашыл болуға, сондай-ақ сыбайлас жемқорлықтың кез келген көріністеріне және басқа құқық бұзушылықтарға төзімсіз болуға;

4 4) өздерінің құзыреттері шегінде шығарған басшылықтың бұйрықтары мен тапсырмаларын, жоғары тұрған лауазымды тұлғалардың шешімдері мен нұсқауларын сапалы және уақтылы орындауға;

5 5) қауіпсіздік техникасы мен еңбекті қорғау нормаларын ескере отырып, жұмыс уақытын еңбек өнімділігі үшін тиімді пайдалануға, денсаулығына және жеке басының немесе жұмыстағы әріптестерінің қауіпсіздігі үшін қауіп-қатерлі болуы мүмкін кез келген оқиға туралы хабардар етіп отыруға;

6 6) мемлекеттік қызметшілер ретінде өзінің, сондай-ақ мемлекеттік органның беделін түсіретін іс-әрекеттер жасамауға;

7 7) өзiнiң қызметтiк мiндеттерiн атқару кезеңiнде киiмнiң iскерлiк қалпын ұстануға;

8 8) қызметтен тыс уақытта жалпы қабылданған моральдық-этикалық нормаларды ұстануға, қоғамға жат мiнез-құлық жағдайларына жол бермеуге тиіс.

3 3. Жеке және заңды тұлғалармен өзара қарым-қатынас

5 5. Мемлекеттік қызметшілер:

1 1) егер мемлекеттік қызметшілер мемлекеттік қызмет көрсетуге қатысатын болса, мемлекеттік қызметтер туралы заңнамада қарастырылған тәртіпте жеке және заңды тұлғаларға нақты, уақтылы, тиімді қызмет көрсету бойынша шаралар қабылдауға;

2 2) жеке және заңды тұлғаларға ұсынылатын мемлекеттік көрсетілетін қызметтердің сапасын арттырып отыруға;

3 3) жеке және заңды тұлғаларға төзімділікпен және құрметпен қарауға;

4 4) жеке және заңды тұлғаларға қатысты немқұрайлыққа және ұқыпсыздыққа жол бермеуге;

5 5) шыққан тегіне, әлеуметтік, лауазымдық және мүліктік жағдайына, жынысына, нәсіліне, ұлтына, тіліне, дінге қатысына, наным-сеніміне, тұрғылықты жеріне қарай немесе кез келген өзге де себептермен жеке және заңды тұлғалардың беделін түсіруге жол бермеуге тиіс.

4 4. Әріптестерімен өзара қарым-қатынас

6 6. Мемлекеттік қызметшілер:

1 1) әріптестеріне қатысты сыпайылық және әдептілік танытуы тиіс;

2 2) әріптестеріне ресми түрде өтініш білдіруге;

3 3) жұмыстағы әріптестерімен қарым-қатынас кезінде қатыгез мінез-құлық танытуға, сондай-ақ балағат сөздерді пайдалануға жол бермеуге;

4 4) әріптестерінің және басшылықтың сыны мен ескертулерін дұрыс қабылдауға, сондай-ақ жіберілген қателіктерін дер кезінде мойындай білуге;

5 5) шыққан тегіне, әлеуметтік, лауазымдық және мүліктік жағдайына, жынысына, нәсіліне, ұлтына, тіліне, дінге қатысына, наным-сеніміне, тұрғылықты жеріне немесе кез келген өзге де себептерге қарамастан әріптестерінің ар-намысы мен қадір-қасиетін құрметтеуге;

6 6) қажет болған жағдайда әріптестеріне кеңес беру немесе бұзушылыққа жол бермеу туралы ескерту арқылы көмек көрсетуге;

7 7) бөтен адамның идеялары мен бастамаларын иеленуден бас тартуға;

8 8) қызметтік міндеттерін атқаруға кедергі келтіретін іс-әрекеттерге жол бермеуге;

9 9) адами қасиеті мен кәсіптік шеберлігіне нұқсан келтіретін әріптестері туралы ақпарат таратпауға;

10 10) әріптестеріне қатысты орынсыз мінез-құлық көрсетуге жол бермеуге тиіс.

5 5. Басшыларының мінез-құлық қағидалары

7 7. Басшылар:

1 1) ұжымда қолайлы моральдық-психологиялық ахуалды қалыптастыруға және сақтауға, қарамағындағылардан жоғары моральдық-психологиялық, адамгершілік және кәсіптік шеберлік қасиеттерін тәрбиелеуге;

2 2) қарамағындағылардың адами қасиетін құрметтеуге, оларға қатысты әділдік танытуға;

3 3) функционалдық міндеттерді атқаратыны және тиісінше атқармайтыны үшін бірдей талаптар қоюға;

4 4) ұжымдағы еңбек тәртібінің, моральдық-психологиялық ахуалдың жай-күйін жүйелі түрде талдау жасап отыруға;

5 5) жоғары тұрған басшыға қарамағыңдағылар жасаған қылмыстар, құқық бұзушылықтар және еңбек тәртібін бұзу туралы дереу баяндап отыруға тиіс.