Об утверждении Методики расчета расходов по исполнительному производству

Қолданыста Бұйрық ·№ 58 · 11.08.2026 жағдай бойынша

Деректемелер және дереккөз

Толық атауы: Об утверждении Методики расчета расходов по исполнительному производству
Атауы (қаз.): "Атқарушылық іс жүргізу бойынша шығыстарды есептеу әдістемесін бекіту туралы"
Акт түрі: Бұйрық
Заңдық күші: Қолданыста
Тізілімдегі мәртебе коды: new
Нөмірі: 58
Қабылданған күні: 13.02.2014
Көрсетілген редакция: 13.02.2014 AI77958_0.kaz
Соңғы өзгеріс: 13.02.2014
Мәтін тілі: қазақша
НҚА мемлекеттік тіркеу нөмірі: V1400009168
ЭКБ идентификаторы: 77958
Редакция идентификаторы: AI77958_0
Бастапқы дереккөз: ЭКБ zan.gov.kz (API)
Деректер жаңартылды: 02.08.2026 20:53

0 "Атқарушылық іс жүргізу бойынша шығыстарды есептеу әдістемесін бекіту туралы"

«Атқарушылық іс жүргізу және сот орындаушыларының мәртебесі туралы» 2010 жылғы 2 сәуірдегі Қазақстан Республикасы Заңының 114-бабының 6-тармағына және «Әділет органдары туралы» 2002 жылғы 18 наурыздағы Қазақстан Республикасы Заңының 7-бабы 2-тармағының 3) тармақшасына сәйкес, БҰЙЫРАМЫН:

1 1. Қоса беріліп отырған атқарушылық іс жүргізу бойынша шығыстарды есептеу әдістемесі бекітілсін.

2 2. Қазақстан Республикасы Әділет министрлігінің Сот актілерін орындау комитеті (Ж.Б. Ешмағамбетовке) заңнамада белгіленген тәртіппен:

1 1) осы бұйрықтың Қазақстан Республикасы Әділет министрлігінде мемлекеттік тіркелуін;

2 2) осы бұйрық Қазақстан Республикасы Әділет министрлігінде мемлекеттік тіркелгеннен кейін оны күнтізбелік он күннің ішінде бұқаралық ақпарат құралдарында ресми жариялауға жолдауды;

3 3) осы бұйрықтың Қазақстан Республикасы Әділет министрлігінің ресми интернет-ресурсында жариялануын қамтамасыз етсін.

3 3. Осы бұйрықтың орындалуын бақылау Қазақстан Республикасы Әділет министрінің орынбасары Э. Әзімоваға жүктелсін.

4 4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

1 Атқарушылық іс жүргізу бойынша шығыстарды есептеу әдістемесі

Әділет министрінің
2014 жылғы 13 ақпандағы
№ 58 бұйрығымен
бекітілді
Атқарушылық іс жүргізу бойынша шығыстарды есептеу әдістемесі

1 1. Жалпы ережелер

1

1. Осы Атқарушылық іс жүргізу бойынша шығыстарды есептеуәдістемесі (бұдан әрі - Әдістеме) «Атқарушылық іс жүргізу және соторындаушыларының мәртебесі туралы» 2010 жылғы 2 сәуірдегі Қазақстан Республикасы Заңының 114-бабының 6-тармағына сәйкес әзірленді және атқарушылық іс жүргізу бойынша шығыстарды анықтау үшін қолданылады.

2 2. Атқарушылық іс жүргізу шығыстары оларды ұйымдастыруға және өткізуге жұмсалған бюджеттік қаражат, сот орындаушысы орындау процесінде атқарушылық іс жүргізу тараптарының, өзге адамдар мен ұйымдардың қаражаты болып табылады.

2 2. Атқарушылық іс жүргізу бойынша шығыстардың түрі

3 3. Атқарушылық іс-әрекеттерді жасау шығыстарына:

1 1) борышкердің мүлкін анықтауға, қарап тексеруге, бағалауға;

2 2) борышкердің мүлкіне тізімдеме жасау мен тыйым салуды

ұйымдастыруға және өткізуге, осы мүлікті тасымалдауға және сақтауға;

3 3) тыйым салынған мүлікті өткізуді ұйымдастыруға;

4 4) белгіленген тәртіппен атқарушылық іс-әрекеттер жасауға тартылған аудармашыларға, мамандарға және басқа да адамдарға ақы төлеуге;

5 5) өндіріп алынған сомаларды өндіріп алушыға пошта арқылы аударуға (жіберуге);

6 6) өндіріп алынған соманы қолма-қол ақшаны бақылау шотынан және ағымдағы шоттан беруге байланысты банк шығыстарына;

7 7) борышкерді іздестіруге;

8 8) өндіріп алушының аванстық жарнасына;

9 9) атқарушылық іс-әрекеттерді жасау кезінде сот орындаушысының қалалық, қала маңындағы және жергілікті қатынастағы (таксиден басқа) қоғамдық көліктің барлық түрлерінде жол жүруіне, оның ішінде жеке сот орындаушысының іссапар шығыстарын төлеуге;

10 10) атқарушылық құжатты орындау процесіндегі басқа да қажетті іс-әрекеттерге;

11 11) сот орындаушысы орындау процесінде тартқан адамдардың өзге де сыйақыларына жұмсалған қаражат жатады.

3 3. Атқарушылық іс жүргізу бойынша шығыстарды есептеу

4 4. Сот орындаушысы мынаны есептейді:

1 1) атқарушылық іс жүргізу бойынша хаттарды (хабарламаментапсырысты) және телеграммаларды жіберу кезінде келтірілген шығыстар;

2 2) атқарушылық іс-әрекеттерді жасау орнына сот орындаушысының қалалық, қала маңындағы, жергілікті қатынастағы (таксиден басқа) қоғамдық көліктің барлық түрлерінде жол жүру құны, оның ішінде сот орындаушыларының іссапар шығыстарын төлеу:

атқарушылық іс-әрекеттерді жасау орнына жол жүру құны (жол жүру құжаттарын ресімдеу бойынша көрсетілетін қызметтер төлемі, поездарда төсек жабдықтарын қолдану шығыстарымен қоса) жол жүру құжаттарымен расталған нақты шығыстардың мөлшерінде жүзеге асырылады, бірақ:
теміржол көлігі - жылдам фирмалық поездің купе вагонында;
су көлігімен - тұрақты көлік желісі теңіз кемелерінің және жолаушыларға кешенді қызмет көрсету желісінің V топтағы каютасында, барлық қатынас желісі өзен кемесінің II санаттағы каютасында, паромдық өткізу кемесінің I санаттағы каютасында;
әуе көлігімен - экономикалық класстағы салонда;
автомобиль көлігімен - ортақ қолданыстағы автокөлік құралында (таксиден басқа) жол жүру құнынан жоғары емес.

3 3) борышкердің мүлкін бағалау бойынша шығыстар;

4 4) шақыртылған мамандардың көрсеткен қызметтерінің құны;

5 5) борышкердің мүлкін жеткізу (тасымалдау) құны;

6 6) борышкердің мүлкін сақтау бойынша шығыстар;

7 7) бұқаралық ақпарат құралындарында алдағы аукцион туралы хабарлама құны;

8 8) мүлікті өткізу бойынша сауда-саттықты ұйымдастыруға жұмсалған сомалар;

9 9) өндірілген сомаларды өндіріп алушыға пошта арқылы аудару (жіберу) төлеміне жұмсалған сомалар;

10 10) қолма-қол ақшаны бақылау шотынан және ағымдағы шоттан

өндірілген сомаларды беруге байланысты банк шығыстарын төлеу үшін жұмсалған сомалар;

11 11) борышкерді іздестіруді жүзеге асыратын органдардың шығыстары;

12 12) атқарушылық іс-әрекеттерді жасауға жұмсалған өзге шығыстар;

13 13) өндіріп алушы мен жеке сот орындаушысы арасында қол жеткізілген аванстық шарттарға сәйкес жеке сот орындаушысының атқарушылық іс-әрекеттерді жүзеге асыру үшін қажетті ағымдағы шотына өндіріп алушы енгізген сомалар.

5 5. Шығыстар нақты жұмсалған сомаларға байланысты және оларды жинақтау арқылы есептеледі.

6 6. Атқарушылық іс жүргізу бойынша шығыстар есебі атқарушылық іс-әрекеттерді жасау бойынша шығыстардың туындауы туралы растайтын құжаттардың негізінде жүргізіледі.

7 7. Шығыстардың туындау фактісін растайтын құжаттар төлем

тапсырмалары, түбіртектер, атқарылған жұмыс актілері және тиісті
қызметтерді көрсетуге арналған шарттарда көрсетілген басқа да сомалар және төлем құжаттары болып табылады.