Об утверждении Соглашения между Правительством Республики Казахстан и Правительством Азербайджанской Республики об основных принципах сотрудничества в области нефтяного машиностроения

Қолданыста Қаулы № 1917 21.09.2026 жағдай бойынша

Деректемелер және дереккөз

Толық атауы: Об утверждении Соглашения между Правительством Республики Казахстан и Правительством Азербайджанской Республики об основных принципах сотрудничества в области нефтяного машиностроения
Атауы (қаз.): Қазақстан Республикасының Үкіметі мен Әзірбайжан Республикасының Үкіметі арасындағы мұнай машина жасау саласындағы ынтымақтастықтың негізгі принциптері туралы келісімді бекіту туралы
Акт түрі: Қаулы
Заңдық күші: Қолданыста
Тізілімдегі мәртебе коды: new
Нөмірі: 1917
Қабылданған күні: 28.12.2000
Көрсетілген редакция: 28.12.2000 AI7797_0.kaz
Соңғы өзгеріс: 28.12.2000
Мәтін тілі: қазақша
НҚА мемлекеттік тіркеу нөмірі: P000001917_
ЭКБ идентификаторы: 7797
Редакция идентификаторы: AI7797_0
Бастапқы дереккөз: ЭКБ zan.gov.kz (API)
Деректер жаңартылды: 05.08.2026 00:04

21.09.2026 жағдай бойынша қолданыста болған редакция: 28.12.2000. Бұл — корпустағы соңғы редакция.

0 Қазақстан Республикасының Үкіметі мен Әзірбайжан Республикасының Үкіметі арасындағы мұнай машина жасау саласындағы ынтымақтастықтың негізгі принциптері туралы келісімді бекіту туралы

Қазақстан Республикасының Үкіметі қаулы етеді:

1. 1997 жылғы 10 маусымда Алматыда жасалған Қазақстан Республикасының

Үкіметі мен Әзірбайжан Республикасының Үкіметі арасындағы мұнай машина
жасау саласындағы ынтымақтастықтың негізгі принциптері туралы келісім
бекітілсін.

Қазақстан Республикасының Үкіметі мен Әзірбайжан Республикасы Үкіметінің арасындағы мұнай машина жасау саласындағы ынтымақтастықтың негізгі принциптері туралы Келісім

2. Осы қаулы қол қойылған күнінен бастап күшіне енеді.
Қазақстан Республикасының Үкіметі мен Әзірбайжан
Республикасы Үкіметінің арасындағы мұнай машина жасау
саласындағы ынтымақтастықтың негізгі принциптері туралы
Келісім
*(2001 жылғы 1 ақпанда күшіне енді - ҚР халықаралық шарттары
бюллетені, 2002 ж., N 1, 3-құжат)
Бұдан әрi Тараптар деп аталатын Қазақстан Республикасының
Yкiметi мен Әзiрбайжан Республикасының Yкіметi,
екiжақты өзара пайдалы экономикалық байланыстарды кеңейтуге
тiлек бiлдiре отырып,
шикiзат базасын тиiмдi пайдалануда, ынтымақтастықтың жаңа нысандарын ұйымдастыруда және шаруашылық жүргізушi субъектiлер арасындағы нарықтық қарым-қатынастарды жетілдiру үшін қолайлы жағдайлар жасауда өзара мүдделiлiктi тани отырып,
экономиканың негізiн салушы салалардың бiрi ретiнде мұнай-газ өнеркәсiбiнiң дамуына ерекше маңыз бере отырып және бүкіл аймақтың болашағы үшiн оның маңызын түсiне отырып,
мұнай машина жасау өзара кiрiккенiн және мұнай-газ саласын дамытудың базасы болып табылатынын ескере отырып,
мына төмендегiлер жөнiнде келiсті:

1-бап

Тараптар бұрынғы байланыстарды сақтау және мұнай-газ кешенiн мұнай машина жасау өнiмдерiмен материалдық-техникалық жабдықтау аясында оларды одан әрi дамыту мақсатында мұнай кәсiпшiлiгi мен бұрғылау жабдықтарының аса маңызды түрлерiнiң өндiрiсiн құруды ұйымдастыруда, скважиналарға сервистiк қызмет көрсететін, берiлiп отыратын жабдықтарды жөндейтiн және оларды қосалқы бөлшектермен жинақтайтын бiрлескен кәсiпорындар, сондай-ақ мұнай-газ кәсiпшiлiгi жабдықтарын сату жөнiндегі базаларды құруда күш-жiгерiн бiрiктiредi.

2-бап

Тараптар шаруашылық жүргізушi субъектiлерге мұнай-газ жабдықтарын, қосалқы бөлшектер мен материалдарды берiп отыру, сондай-ақ мұнай-газ саласы кәсiпорындарының негізгі қызметiмен байланысты отын-энергетика ресурстарын, басқа да тауарлар мен қызмет көрсетулердi өзара берiп отыру жөнiндегі шарттарды (келiсiм-шарттарды) орындаумен байланысты өздерiне алған мiндеттемелерiн орындауда жан-жақты жәрдемдеседi.

3-бап

Тараптар шаруашылық жүргiзушi субъектілер арасындағы өзара пайдалы ынтымақтастықтың тиімділігі көтеру мүддесінде мұнай машина жасау кәсіпорындары әзiрлеген және өндiрiлетін өнiмдерінің тiзбелерiмен, сондай-ақ көрсететiн қызметтердiң негізгі түрлерiмен ұдайы алмасатын болады.
Төлем-есеп айырысу және басқа да қаржылық операциялар Тараптардың
қолданылып жүрген заңдарына сәйкес жүргiзiлетiн болады.

4-бап

Тараптар интеграциялық байланыстарды одан әрi тереңдету,
ғылыми-техникалық ынтымақтастықты дамыту және мұнай-газ өнеркәсібінде жаңа
технологияларды енгізу мақсатында ұлттық энергетикалық бағдарламаларды
әзiрлеу кезінде бiрлескен консультациялар өткiзетiн болады.

5-бап

Тараптар мұнай-газ жабдықтарын әзiрлеу, беру және пайдалану кезінде
халықаралық экологиялық стандарттарға қол жеткізетiн бiрыңғай
методологиялық тәсiлдердiң негiзiнде қажеттi шаралар қабылдайтын болады.

6-бап

Тараптар экономикалық өзара байланыстарды күшейту үшін мұнай-газ
компанияларын өз аумақтарында өткiзiлетін тендерлерге, көрмелерге,
жәрмеңкелерге қатысуға шақыратын болады.

7-бап

Осы Келiсiмдi орындау үшiн:
Қазақстан Республикасынан - Энергетика, индустрия және сауда
министрлiгi;
Әзірбайжан Республикасынан - "Азнефтехиммаш" мемлекеттік компаниясы
Тараптардың құзыреттi органдары болып табылады.

8-бап

Тараптар осы Келiсiмдi түсіндіруге және қолдануға байланысты туындауы
мүмкiн барлық даулы мәселелердi келiссөздер мен консультациялар арқылы
шешетін болады.

9-бап

Тараптар өзара келісім бойынша осы Келісімге қажетті толықтырулар мен
өзгерістер енгізуі мүмкін, олар тиісті хаттамалармен ресімделеді.

10-бап

Осы Келісім бес жыл мерзімге жасалады және Тараптардың бірі тиісті кезең аяқталғаннан кемінде алты ай бұрын екінші Тарапты оның қолданылуын тоқтату ниеті туралы жазбаша түрде хабардар еткенге дейін келесі бесжылдық кезеңдерге өз-өзінен түрде ұзартылатын болады.

11-бап

Осы Келісім Тараптардың оның күшіне енуі үшін қажетті тиісті
мемлекеттік ішілік рәсімдерді орындағанын растап соңғы жазбаша хабарлама
түскен күннен бастап күшіне енеді.
Алматыда 1997 жылғы 10 маусымда, әрқайсысы қазақ, әзірбайжан және
орыс тілдеріндегі екі данада жасалды, бұл ретте екі мәтіннің де күші
бірдей. Осы Келісімнің ережелерін түсіндіру мақсатында орыс тіліндегі
мәтін анықтамалық мәтін болып табылады.
Қазақстан Республикасының Әзірбайжан Республикасының
Үкіметі үшін Үкіметі үшін