О реорганизации Республиканского государственного предприятия "Информационно-аналитический центр геологии, экологии и природных ресурсов"
Деректемелер және дереккөз
- Толық атауы
- О реорганизации Республиканского государственного предприятия "Информационно-аналитический центр геологии, экологии и природных ресурсов"
- Атауы (қаз.)
- "Геология, экология және табиғи ресурстар ақпараттық-талдау орталығы" республикалық мемлекеттiк кәсiпорнын қайта ұйымдастыру туралы
- Акт түрі
- Қаулы
- Заңдық күші
- Қолданыста
- Тізілімдегі мәртебе коды
- new
- Нөмірі
- 55
- Қабылданған күні
- 16.01.2001
- Көрсетілген редакция
- 05.08.2013 AI7871_4.kaz
- Соңғы өзгеріс
- 05.08.2013
- Мәтін тілі
- қазақша
- НҚА мемлекеттік тіркеу нөмірі
- P010000055_
- ЭКБ идентификаторы
- 7871
- Редакция идентификаторы
- AI7871_4
- Бастапқы дереккөз
- ЭКБ zan.gov.kz (API)
- Деректер жаңартылды
- 05.08.2026 00:03
0 "Геология, экология және табиғи ресурстар ақпараттық-талдау орталығы" республикалық мемлекеттiк кәсiпорнын қайта ұйымдастыру туралы
Қазақстан Республикасының Үкiметi қаулы етеді:
1 1. Қазақстан Республикасы Табиғи ресурстар және қоршаған ортаны қорғау министрлiгiнiң "Қазақстан Республикасының геология, экология және табиғи ресурстар ақпараттық-талдау орталығы" республикалық мемлекеттiк кәсiпорны бөлу жолымен:
1 1) Қазақстан Республикасының Энергетика және минералдық ресурстар министрлiгi Геология және жер қойнауын қорғау комитетiнiң Алматы қаласындағы шаруашылық жүргiзу құқығындағы "Қазақстан Республикасы геология және минералдық ресурстар ақпараттық-талдау орталығы" республикалық мемлекеттiк кәсiпорны;
2 2) Қазақстан Республикасы Табиғи ресурстар және қоршаған ортаны қорғау министрлiгiнiң Көкшетау қаласындағы шаруашылық жүргiзу құқығындағы "Табиғи ресурстар және қоршаған ортаны қорғау ақпараттық-талдау орталығы" республикалық мемлекеттiк кәсiпорны болып қайта ұйымдастырылсын.
2
2. Қазақстан Республикасының Табиғи ресурстар және қоршаған ортаны қорғау министрлiгi, Энергетика және минералдық ресурстар министрлiгi теңгерiм бөлiнiсiн бекiту кезiнде Алматы қаласында орналасқан Геологиялық мұражайдың және Бизнес-клубтың мүлiктерiн Қазақстан Республикасының Энергетика және минералдық ресурстар министрлiгi Геология және жер қойнауын қорғау комитетiнiң "Қазақстан Республикасы геология және минералдық ресурстар ақпараттық-талдау орталығы" республикалық мемлекеттiк кәсiпорнына берудi көздесiн.
3 3. Мыналар:
осы қаулының 1-тармағының 1) тармақшасында көрсетiлген кәсiпорынның минералдық-шикiзат кешенi саласындағы ақпараттық-консультациялық қызметтi және ақпараттық қамтамасыз етудi жүзеге асыруы;
осы қаулының 1-тармағының 2) тармақшасында көрсетiлген кәсiпорынның табиғи ресурстар және қоршаған ортаны қорғау саласындағы ақпараттық-консультациялық қызметтi және ақпараттық қамтамасыз етудi жүзеге асыруы қызметiнiң негiзгi мәнi болып айқындалсын.
4
4. Осы қаулының 1-тармағының 1) тармақшасында көрсетiлген кәсiпорынды мемлекеттiк басқару органы, сондай-ақ оған қатысты мемлекеттiк меншiк құқығы субъектiсiнiң функцияларын жүзеге асыратын орган болып Қазақстан Республикасы Энергетика және минералдық ресурстар министрлiгiнiң Геология және жер қойнауын қорғау комитетi белгiленсiн.