Об утверждении Правил проведения раздельных сходов местного сообщества города Степногорска
Деректемелер және дереккөз
- Толық атауы
- Об утверждении Правил проведения раздельных сходов местного сообщества города Степногорска
- Атауы (қаз.)
- Степногорск қаласының бөлек жергілікті қоғамдастық жиындарын өткізу қағидаларын бекіту туралы
- Акт түрі
- Ереже
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 5С-26/7
- Қабылданған күні
- 27.03.2014
- Көрсетілген редакция
- 25.12.2017 79711_283514.kaz
- Соңғы өзгеріс
- 25.12.2017
- Мәтін тілі
- қазақша
- НҚА мемлекеттік тіркеу нөмірі
- V14BB004151
- ЭКБ идентификаторы
- 79711
- Редакция идентификаторы
- 79711_283514
- Бастапқы дереккөз
- ЭКБ zan.gov.kz (API)
- Деректер жаңартылды
- 02.08.2026 20:22
0 Степногорск қаласының бөлек жергілікті қоғамдастық жиындарын өткізу қағидаларын бекіту туралы
«Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасы Заңының 39-3 бабының 6 тармағына, «Бөлек жергілікті қоғамдастық жиындарын өткізудің үлгі қағидаларын бекіту туралы» Қазақстан Республикасы Үкіметінің 2013 жылғы 18 қазандағы № 1106 қаулысына сәйкес Степногорск қалалық мәслихаты ШЕШІМ ЕТТІ:
1 1. Қоса беріліп отырған Степногорск қаласының бөлек жергілікті қоғамдастық жиындарын өткізу қағидалары бекітілсін.
2 2. Осы шешім Ақмола облысы Әділет департаментінде мемлекеттік тіркелген күнінен бастап күшіне енеді және ресми жарияланған күнінен бастап қолданысқа енгізіледі.
КЕЛІСІЛДІ
Степногорск қаласының әкімі М. Тақамбаев
3 Степногорск қалалық мәслихатының
2014 жылғы 27 наурыздағы
№ 5С-26/7 шешімімен
бекітілген
Степногорск қаласының бөлек жергілікті қоғамдастық жиындарын өткізу қағидалары
1 1. Жалпы ережелер
1
1. Осы Степногорск қаласының Бөлек жергілікті қоғамдастық жиындарын өткізудің қағидалары (әрі қарай - Қағидалар) «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасының Заңының 39-3 бабының 6-тармағына, сонымен қатар «Бөлек жергілікті қоғамдастық жиындарын өткізудің үлгі қағидаларын бекіту туралы» Қазақстан Республикасы Үкіметінің 2013 жылғы 18 қазандағы № 1106 қаулысына сәйкес әзірленді және Степногорск қаласының кенттер, ауылдар, ауылдық округі, көше, көппәтерлі тұрғын үй тұрғындарының бөлек жергілікті қоғамдастық жиындарын өткізудің тәртібін белгілейді.
2 2. Кенттердің, ауылдардың, ауылдық округінің тұрғындарының бөлек жергілікті қоғамдастық жиындары (бұдан әрі – бөлек жиын) жергілікті қоғамдастықтың жиынына қатысу үшін өкілдерді сайлау мақсатында шақырылады және өткізіледі.
2 2. Бөлек жиындарды өткізу тәртібі
3 3. Бөлек жиынды кенттің, ауылдың, ауылдық округтің әкімі шақырады.
Степногорск қаласы әкімінің жергілікті қоғамдастық жиынын өткізуге оң шешімі бар болған жағдайда бөлек жиынды өткізуге болады.
4 4. Жергілікті қоғамдастық халқы бөлек жиындардың шақырылу уақыты, орны және талқыланатын мәселелер туралы жергілікті бұқаралық құралдар арқылы өткізілетін күнге дейін күнтізбелік он күннен кешіктірілмей хабардар етіледі.
5 5. Ауыл, көше, көппәтерлі тұрғын үй шегінде бөлек жиынды өткізуді кенттің, ауылдың және ауылдық округтің әкімі ұйымдастырады.
6 6. Бөлек жиынды ашудың алдында тиісті ауылдың, көшенің, көппәтерлі тұрғын үйдің қатысып отырған және оған қатысуға құқығы бар тұрғындарын тіркеу жүргізіледі.
7 7. Бөлек жиынды кент, ауыл, ауылдық округ әкімі немесе ол уәкілеттік берген тұлға ашады.
Бөлек жиынның төрағасы ауылдың, кенттің, ауылдық әкімі немесе ол уәкілеттік берген тұлға болып табылады.
Бөлек жиынның хаттамасын рәсімдеу үшін ашық дауыспен хатшы сайланады.
8
8. Жергілікті қоғамдастық жиынына қатысу үшін ауыл, кент, ауылдық округі, көше, көппәтерлі тұрғын үй тұрғындары өкілдерінің кандидатуралары ауыл, кент, ауылдық округі, көше, көппәтерлі тұрғын үй тұрғындары сандық құрамының 10 % мөлшерінде, кәмелетке толмаған тұлғаларды, сотпен қабілеті жоқ деп танылғын тұлғалар, сонымен қоса сот ұкімімен бас бостандығынан айырылған тұлғаларын есептемей отырып, тең өкілдік ету қағидаты негізінде бөлек жиынның қатысушыларымен ұсынылады.